Daniɛl 10:6 - Kazambale lé Sebe Sauunu 1979

⁶ A kɔlɛ yuɛɛ a bélé krisolitegɔlɛ zo, yé a yara éé bié bélé lɛɛ yuɛwuovɔle zo. A yuɛnu a bélé kyɛnɛnɛ zo, a bɛnu valé a ganenu a bélé zéné lé wa ma gɔrɔla, a zo, yé a dére a bélé mi gu blɛn dére zo.

Daniɛl 10:6 ပူးပေါင်းရင်းမြစ်များ

Fwile 28:20

A bale ziɛnzan a krisolitegɔlɛ koo, ɔnisigɔlɛ koo, jasipegɔlɛ koo, wo nya. I dan gɔlɛ ’konu vɔ lɛ ’wo vɔgikyan gi.

Wegɔné Ma Lɛrɛ 5:14

A bɛnu a bélé bɛmakyan zo, ’Té wo krisolitegɔlɛ vɔ a ma; A kɔlɛ a bélé vwii suiɛ lé wa ma gɔrɔla, a zo, ’Té wo safiigɔlɛ vɔ a ma.

Ézékiɛl 1:14

’Té fɛyuɛmalenu éé goo vlan nya, ’té woo dan vlan nya bélé zagele zo.

Ézékiɛl 1:16

Ganenu ’ko yuɛ valé wo zi a bélé krisolite gɔlɛ zo. Yé yee gane ziɛn zi a do. Wo yuɛ valé wo zi a bélé fɛan zo lé gane faa do do a é giéle é ke la, a zo.

Ézékiɛl 1:24

Dé wo tawo, maa wo bɛanu vun ’ma bélé ’yi blɛn vun zo, bélé Plɛplɛfaazan Bale dére zo. A vun a plɛplɛ; a gi éé wé bélé sunya gu blɛɛn zo. Dé wo dɔ wo bɛanu éé plaan.

Ézékiɛl 1:7

Wo gane a é drɔle tegele, yé wo ganebuli a bélé diriné zé zo. Yé woo bié nyananyana bélé zéné lé wa ma gɔrɔla, a zo.

Ézékiɛl 10:9

Maa nagini, ’té fɛ lé é ke bélé gorogane zo, wo ziɛn a sérubɛnnu punma, yé ganenu ’ko a bélé krisolitegɔlɛ zo, yé ganenu ’ko a sérubɛnnu punma do do.

Ézékiɛl 40:3

É go an nya ’bɛna, yé maa mi do ye ana bina bélé zéné zo. Lɛn bawɔrɔ do valé fɛdanyili a a lee. ’Té é a é dɔle gɔrɔ ’léé.

Ézékiɛl 8:2

Maa nagini, yé maa fɛ do ye bélé mi zo. É sia a tɛrɛla yé é bɔ a gane ma é a kyɛ nya. Yé é sia a tɛrɛla yé é bɔ a nwiin loru, éé bié nyananyana bélé zéné lé wa ma gɔrɔla, a zo.

Matio 17:2

A yara dɔbɛ nɔla wo yuɛ va, yé a yara bi nyananyana bélé yiri zo, yé alé sɔnu kɛlɛ fu tata bélé san zo.

Matio 28:3

A yara a bélé lɛɛ yuɛwuovɔle zo, yé alé sɔ a fu tata bélé tɔrɛ lé a gi éé bié, a zo.

WENÉNÉ LÉ LUK A GYE (Évangile selon Luc) 9:29

Jézu a bazorona aan wo a yara dɔbɛ nɔla yé alé sɔ kinin sɔ fu tata nyananyana nya.

Wegɔɔnle 10:1

Maa lanje plɛplɛ do ye é ziin sina la gi; lati a zi lɛ sɔɔ, bɔmlɛ a a nwiin yé a yara a bélé yiri zo yé a ganenu a bélé kyɛnɛnɛ pɔrɔlɔ zo.

Wegɔɔnle 19:12

A yuɛnu a bélé kyɛnɛnɛ zo; tɔkoro kiɛre a a ’wuo ma; yé wa tɔ gyɛ, tɔ lé dé é ’ka yeebozen nya lo, mi do kpen ’ka a dɔɔa lo, a nya.

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko:

Wegɔɔnle 21:20

a soruzan a saadɔnisgɔlɛ nya, a suiɛdozan a saadɔanegɔlɛ nya, a sɔrafiézan a krisolitegɔlɛ nya, a sɔraazan a bérilgɔlɛ nya, a sɔraziɛnzan a topazegɔlɛ nya, a vuzan a krizopraze?-?gɔlɛ nya, a vu ta dozan a yasɛntgɔlɛ nya, a vu ta fiézan a amétisegɔlɛ nya.