Daniɛl 10:19 - Kazambale lé Sebe Sauunu 1979

¹⁹ Yé é lé an lɛ léé: I sɔ Bale lɛ. Té i kana we do kpen lee lo. ’I vo drɔɔ ma. ’I bli ta dɔ plɛplɛ, ’i bli ta dɔ plɛplɛ ma. É ke aan wo we fena an lɛ, an fuu dɔ an ta é ziin yé maa léé: Anzan, ’i we fe, naa, i an fuu dɔ an ta.

Daniɛl 10:19 ပူးပေါင်းရင်းမြစ်များ

Lɛrɛvɔ Sɛbɛ 138:3

Yian nya lé maa i laa, i an dére ’ma, I an bli ta dɔ plɛplɛ, i an boen dɔ gligli.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Daniɛl 10:18

’Bɛ zuo, mi lé é ke bélé blami zo bɛ, é bɛ mane an ma é ziin yé é an fuu dɔ an ta.

Daniɛl 9:23

I kun bazorole ma bléyian va, Gakelebale dére fe yé an da a fe lɛ i lɛ. Naa, i sɔ a lɛ é baba. I tɔné dɔ dére ’ko lɛ yé i yuɛziwe gi ’ma.

Agajé 2:4

Gakelebale léma: Sin, Zorobabɛl, ’ibo dɔ plɛplɛ. Balebanmunu nwiinzan Josadak be Jozué, ’ibo dɔ plɛplɛ. Gakelebale léma: ’Kaa tɛrɛ ’ko la munu faa, ’kabo dɔ plɛplɛ. ’Ka nyanama pa, naa, maa a ka va. A zo lé lai sunyanu lé Gakelebale a fe.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Zakari 8:9

Lai sunyanu lé Gakelebale léma: Balelayemunu lé wo bɔra lai sunyanu lé Gakelebale lé kɔn gane vɔbléyi va, yé wo léé, ’wo dan yee kɔn ’ko dɔ lɛ, ka lé ka wo dére ’ma kyɔ, ’ka bɛ dɔ plɛplɛ.

WENÉNÉ LE JAN A GYE (Évangile selon Jean) 11:3

Lazaa burunu we pa Jézu lɛ zia léé: Mizan, mi lé é sɔ i lɛ, a ma a yaana.

WENÉNÉ LE JAN A GYE (Évangile selon Jean) 11:36

Amalé Juifinu léé: É sɔ a lɛ fɛan zo, ka a yé loo?

WENÉNÉ LE JAN A GYE (Évangile selon Jean) 11:5

Maate koo, é zuané koo, Lazaa koo, wo sɔ Jézu lɛ.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 19:26

Jézu é bu ye aan wo, ’té a zuozan lé é sɔ a lɛ, ’té ’bɛ a é dɔle a bu sɔnɔ, yé é lé é bu lɛ léé: Lezan, i be lé ke bɛ.

WENÉNÉ LE JAN A GYE (Évangile selon Jean) 21:20

Piɛri nɔla, yé zuozan lé é sɔ Jézu lɛ, é a ye dana ’wo zuo, mi lé é tɛn Jézu ma ’té wa fɛ blena yi la bɛ yé é léé: Mizan, de ɛ dan i pa lɛ munu lee? yee lé.

1 Korent munu 16:13

Té ka vo yi bla lo. ’Ka dɔ gligli Kazambale lé we gi. ’Ka kɛlɛ gɔné nya. ’Ka dɔ plɛplɛ.

2 Korɛnt Munu 12:9

yé é lé an lɛ léé: Anlé plɛplɛ lɛ éé sɔɔan fɛ tɔɔtɔɔ nya, amalé anlé zin izé bɔ. Amalé maa dan anbo ze taa vɔ lɛ gi nanale nya an tɔɔtɔɔnu we ma, Krist lé plɛplɛ zénle an gi we ma.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

2 Timoté 2:1

Bɛwemalé, bii anlé né, zin lé ke Jézu Krist gi, ’é i dɔ plɛplɛ ma.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Weblezannu 6:23

Gakelebale lé a lɛ léé: ’I vo drɔɔ, té i kana lo, i ’ka dan ga lɛ lo.