Daniɛl 10:16 - Kazambale lé Sebe Sauunu 1979

¹⁶ Yé bé ye, mi do lé é ke bélé blaminu zo, é mane an lɔlu ma. An ’léé fuo yé mi lé é ke é dɔle an ’lɛ bɛ, maa lé a lɛ léé: Anzan, yuɛziwe ’ko é an gi nyɛ blɛn kini yé anlé plɛplɛ faa si an lee.

Daniɛl 10:16 ပူးပေါင်းရင်းမြစ်များ

Fwile 4:10

Moizi lé Gakelebale lɛ léé: ’A, Mizan, dé é a yese valé kyɛni nyaoo, dé é a ilé wefele i wuozan zuo nyaoo, maa ’ka wefezan nya lo; an dére valé an nɛnɛ a é gale bɛkɔɔ.

Fwile 4:13

Moizi léé: ’A, Mizan, dé é sɔ i lɛ léé, i mian nwunvɔ, bé nwunvɔ.

Bale Lé We Gifezan 1:18

Naa, dé mi we dɔɔ kiɛre, ’té gibɔrɔ kiɛre a a ma, yé dé mi gikinile lɛ si, ’té alé nyané blele lɛ si.

Ézai 6:7

É a zun an lɔ ma yé é léé: Fɛ ’ko mane i lɔlu ma; amalé ilé weple si i lee yé ilé wenyané ’yibo.

Jérémi 1:9

Yé Gakelebale é bɛ soi, yé é bɛ mane an lɔlu ma. Yé é lé an lɛ léé: Bé ye, maa an dérenu pa i ’léé.

Ézékiɛl 1:26

Fɛna pla lé é ke wo ’wuo ta loru, ’bɛ ta loru fɛ do ana; é a bélé safiigɔlɛ zo. ’Té a zi a bélé webleblin zo. Yé webleblin ’ko ta, fɛ do ana bélé mi zo, ’té é a é dɔle a ta loru.

Ézékiɛl 3:27

Naa, dé an we fe i lɛ bléyian va, maa dan i ’léé fuo lɛ, léé, bé fe wo lɛ léé: Mizan Gakelebale léma: Mian é a a va léé, é tɔné dɔ, ’bɛzan ’é tɔné dɔ ma. Yé mian é ’ka a va léé, ’é tɔné dɔ lo, té é tɔné dɔ lo ma; naa, wa tɔné gi plɛplɛ gɔnɔ nya.

Ézékiɛl 33:22

É nyanadi, vɔfligizan dale ’lɛ, Gakelebale é bɛ pla an ta, yé é bɔ an va bladi tɔɔn Gakelebale an ’léé fuo. An ’léé lɛ so ’té an ’ka bobogyɛzan nya é dɛrɛ lo.

Daniɛl 12:8

An we ’ko ’ma, naa, maa ’ka a gi ’ma lɛ lo. Yé maa léé: Anzan, we ’konu ’wuo é dan pla lɛ kaa?

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 7:15

Gibɔrɔ pa maa Daniɛl ma, yé yuɛziwenu lé maa wo ye, wo di kini an gi.

Daniɛl 7:28

Dérenu ’wuo dɔ ’ko. Maa Daniɛl, an ’wuogibɔrɔlenu gibɔrɔ blɛn pa an ma. An kɔlɛ fuola yé an dére ’konu tadɔ an bli gi.

Daniɛl 8:15

Maa Daniɛl, maa yuɛziwe ’ko ye bléyian va, ’té maa a kwa kulina léé, maa a gi ’ma, bé ye, fɛyuɛmale do lé é ke bélé mi zo, é dɔ an ’lɛ.

Daniɛl 8:17

É da an va, fɛana lé an ke é é dɔle, ana. Dé é bié, di blɛn kini an gi yé an dia an bli la. Yé é lé an lɛ léé: Blami be, ’i we ’ko ’ma ma; naa, yuɛziwe ’ko a bléyi voéla we nya.

Daniɛl 8:18

É a we fena an lɛ bléyian va, ’té maa a é diale tɛrɛ va é zɔrɔle. É bɛ mane an ma yé é an dɔ loru fɛana lé an ke é vinin, ana.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Daniɛl 9:21

Maa a tan anlé bazoro dére fena tɔɔn, mi lé wa laama Gabriɛl, ’té maa a ye é vinin yuɛzi gi, é da sile plɛplɛ nya yé é bié an sɔnɔ nyanadi balebanbléyi va.

WENÉNÉ LÉ LUK A GYE (Évangile selon Luc) 1:64

A bléyi duo nya Zakari ’léé fuo, a néné fuo, yé é we fe yé é Kazambale tɔ zin fe.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

WENÉNÉ LE JAN A GYE (Évangile selon Jean) 20:28

Tɔmas lé a lɛ léé: Anzan valé anzé Bale.

Jozué 5:14

É a zi pa léé: Gba, naa, maa a Gakelebale lé gulizilɛzan nya; da lé maa a wo bɛ. Jozué dia é bli la yé é ’wuo wɔra a gane wuo, yé é lé a lɛ léé: Mɛ we lé anzan é dan a fe lɛ ’é wuozan lɛɛ?

Wegɔɔnle 1:13

yé kyan fintrannu méléna mi do lé é ke bélé blami be zo, maa a ye. Varɔ grɔgrɔ a a ta, ’té kyan kyɛsidi a a golɛ ta.

Weblezannu 13:8

Manoas bazoro Gakelebale lɛ léé: Aa, Mizan, Bale lé mi lé bé pa zia bɛ, ’é da é ziin ko va ma, yé we lé é a lé ko kɛlɛ né lé ko dan a yaa lɛ, a lɛ, ’é a paa ko gi ma!

Weblezannu 6:13

Jédéɔn lé a lɛ léé: Aa! anzan, dé Gakelebale a ko va mɛmalé we ’konu faa bɔ ko maa? Ko tranu ’ka a fe lɛ ko lɛ léé, Gakelebale ’wo si Éjipiti tɛrɛ la loo? Yé gyɛzorowe faa lé ko tinu wo zuo fe ko lɛ, wa kyɛɛn? Sin, Gakelebale ko vo ko saa, yé é ko pa Madian lee!

Weblezannu 6:15

Jédéɔn lé a lɛ léé: Aa, anzan, maa Izraɛl sié we gi mɛ fɛ nyaa? Bé ye, an gɔnɔlamunu faa a nyanégyɛzan nya é mini Manasé munu faa la, yé maa a kiéné an ti lé kɔn gi é mini wo faa ta.