Daniɛl 10:1 - Kazambale lé Sebe Sauunu 1979

¹ Pɛɛs munu nwiinzan blɛn Sirus plale mi nwiin lɛɛ yaazan nya, wo we do gɔɔn Daniɛl lé wa laama Bɛlsatasaa bɛ, a lɛ. We ’ko a webozen nya. Yé we tɔntɔn blɛn lé é dan bɔ lɛ, é a nagɔɔn. Daniɛl we ’ko gi kuli, yé a gi kini yuɛziwe ’ko gi ’male we ma.

Daniɛl 10:1 ပူးပေါင်းရင်းမြစ်များ

Wepélisiananu 41:32

Faraɔn lé nyɛ gyɛle gɔnɔ fié bɛ, ’bɛ gi léé, Kazambale ɛ a fe yé é dan a we kɛlɛ lɛ é kele.

2 Minwiinmunu lé Wezuofe Sɛbɛ 36:22

Sirus plale sia Pɛɛs munu nwiin lɛɛan nya, Gakelebale a nyunu léé, dére lé Gakelebale a fe Jérémi lɔlu nya, ’é a lɛ sɔɔ. Sirus a zana dɔɔ, ’té éé a sɛbɛ paan zia élé bɛn tɛrɛnu faa la, yé é léé:

Ezidras 3:7

Wo gɔɔli nɔ gɔlɛmanyaamunu valé yilinyaazannu lɛ, yé fɛblele koo, fɛminile koo, nyɔnɔ koo, wa nɔ Sidɔn munu valé Tii munu lɛ léé, ’wo da Liban tɛrɛ la sɛdrɛyilinu nya wɛyi ta fɔɔ Jafo, se lé Pɛɛs munu nwiinzan blɛn Sirus a kɛlɛ wo lɛ, a yɛrama.

Ezidras 4:3

Naa, Zorobabɛl koo, Jozué koo, Izraɛl lé kɔn ’léézan bɛnu koo, wa zi pa wo lɛ léé: É ’ka lé ka valé konu é kolé Bale lé kɔn dɔ lo; ko dan a dɔ lɛ ko saa, Gakelebale Izraɛl lé Bale lɛ, Pɛɛs nwiinzan blɛn Sirus a fe ko lɛ fɛan zo, a zo.

Ezidras 4:5

Wo gɔɔli nɔ we pla milɛzannu lɛ léé, ’wo kɔn dɔle yi ga munu lee. A zo lé wa kɛlɛ Pɛɛs nwiinzan blɛn Sirus lé tɛrɛla faa gi, fɔɔ yé é bɔ Pɛɛs nwiinzan blɛn Darius plale mi nwiin bléyi va.

Ezidras 6:14

Juifimi segelenu lé kɔn dɔle nyian wo, balelayezan Agajé valé Ido be Zakari lé balelawefele yɛrama; wo kɔn dɔ yé a lɛ sɔɔ, Izraɛl lé Bale koo, Sirus koo, Darius koo, Pɛɛs minwiinzan blɛn Aatazɛɛsɛ koo, wo dére ta.

Ezidras 6:3

Sirus lé plale mi nwiin lɛɛ vininzan nya, minwiinzan blɛn Sirus lé munu lɛ Bale lé kɔn lé ke Jérusalɛm a mawe nya léé, ’wo kɔn ’ko dɔ é ziin ma, yé ’é kɛlɛ munu lé saraka bona nya, yé wa gane vɔ gligli ma. A nwale ’é kɛlɛ mɛtrɛ yɔ do wɔlɛ vu, yé a ’wuola ’é kɛlɛ mɛtrɛ yɔ do wɔlɛ vu.

Ézai 44:28

Maa lé Sirus ma léé, é a anlé ’blatabinzan nya, Yé é dan anlé blibɔmawe faa lɛ sɔɔ lɛ; É dan a fe lɛ léé, ’wo Jérusalɛm pa é ziin; É dan a fe lɛ léé, ’wo Balekɔn gane vɔ.

Daniɛl 1:17

Kazambale pɛniɛ ziɛn ’ko kɛlɛ ’wuoatazannu nya, yé é wo gi kini sɛbɛ lé we nya, yé é wedɔɔle nɔ wo lɛ, ’té Daniɛl éé yuɛzi we faa valé nyɛgyɛle faa gi fé.

Daniɛl 1:21

’Bɛ nya lé Daniɛl vo fɔɔ yé minwiinzan Sirus plale mi nwiin lɛɛ vininzan bɔ.

Daniɛl 1:7

Miblalenu nwiinzan wo tɔ dɛrɛ pa. É Daniɛl tɔ pa Bɛlsatasaa. É Aanania tɔ pa Sadrak, é Misaɛl tɔ pa Mésak, yé é Azaria tɔ pa Abɛd‐Négo.

Daniɛl 10:14

Wean é dan bɔ lɛ ilé munu ma é voéla, an dan a zuo fe lɛ i lɛ sin, naa, yuɛziwe ’ko a ’bɛ bléyi zé nya.

Daniɛl 11:2

Sin, an dan webozen gɔɔn lɛ i lɛ. Bé ye, minwiinzan blɛn yaa é dan kɛlɛ lɛ é ziin Pɛɛs tɛrɛ la. A ziɛnzan é dan fuafɛnu téé lɛ yé é mini a bɔlunu faa zé ta. Yé bléyian va lé é dan kɛlɛ lɛ plɛplɛ élé fuafɛnu gi, é dan nwa lɛ élé plɛplɛ faa nya Javan tɛrɛlamunu ma.

Daniɛl 12:4

Bii Daniɛl, ’i dérenu ’ko tadɔ yé ’i sɛbɛ ’ko ’léé béé fɔɔ yé bléyi voélazan é bɔ. Mi kiɛre é dan a ta fe lɛ, yé wedɔɔle gi é dan gyɛ lɛ.

Daniɛl 12:9

É a zi pa léé: Daniɛl, ’i go. Naa, dére ’konu é dan vo lɛ ana é yɔɔle ’kyɛ, ’té wo ’léé a é bééle fɔɔ yé a nyaabléyi é bɔ.

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 4:8

É voéla, Daniɛl lé maa a tɔ pa Bɛlsatasaa, anlé bale zié nya, ’té bale sauunnu léli a a gi bɛ, é da an ’lɛ, yé maa nyɛ fe a lɛ.

Daniɛl 5:12

Daniɛl lé, minwiinzan blɛn a tɔ pa Bɛlsatasaa, wa ye léé, wedɔɔle valé gikinile koo, nyɛ gi fele lé wedɔɔle koo, tɔraléé gyɛle koo, we tɔntɔnnu gi bɔile koo, wo léli bozen a a gi. É a lé wo Daniɛl laa, yé é dan a gi fe lɛ.

Daniɛl 5:17

Daniɛl a zi pa minwiinzan blɛn lɛ léé: ’Ilé fɛ zinnu tadɔ, yé ’i blɛ kɛlɛ mi bɛnu lɛ. Naa, duowo, maa dan sɛbɛ ’ko ta fe lɛ minwiinzan blɛn lɛ, yé maa dan a gi fe lɛ a lɛ.

Daniɛl 6:28

Darius valé Pɛɛs mi Sirus plale mi nwiin bléyinu va, Daniɛl bɛ ma kɛlɛ néné.

Daniɛl 8:16

’Bɛ zuo an mi do dére ’ma Ulai yuu va yé é siaa léé: Gabriɛl, ’i yuɛziwe ’ko gi fe a lɛ.

Daniɛl 8:26

Nyanadinu valé bladinu lé yuɛziwe lé bé ye bɛ, é a webozen nya. Naa bii, ’i yuɛziwe ’ko tadɔ i bli gi. Naa, é a bléyi baanu zé nya.

WENÉNÉ LÉ LUK A GYE (Évangile selon Luc) 1:20

Bé ye, an dérenu lé maa a fe i lɛ ’ko, ’té wo lɛ é dan sɔɔ lɛ wo lɛsɔɔbléyi va bɛ, i ’ka bli pa lɛ wo gi lo, bɛwemalé i dan kɛlɛ lɛ bobogyɛzan nya, ’té i ’ka bɔa wefele lɛ lo, fɔɔ yé wo yi é bɔ.

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.