Daniɛl 1:4 - Kazambale lé Sebe Sauunu 1979

⁴ pɛniɛnu lé gyɛ pɔlɛ do kpen ’ka wo ma lo, ’té wo yara ke é nɔnɔmi, ’té wo ke wedɔɔzannu koo, gikinizannu koo, ’wuoatazannu koo, wo nya, ’té woo bɔaléé, wo minwiinzan blɛn lé kɔn gi nyanama pa, yé wo Kaldé dére valé alé sɛbɛwɔlɛnu paa wo gi.

Daniɛl 1:4 ပူးပေါင်းရင်းမြစ်များ

Wepélisiananu 41:46

Jozɛfu da aan wo Éjipiti mununwiinzan blɛn Faraɔn ’lɛ, ’té a lɛɛ a yɔ do wɔlɛ vu, yé é si Faraɔn va yé é gié Éjipiti tɛrɛ faa la.

2 Samuɛl 14:25

Mi do kpen ’ka Izraɛl yé ’bɛ nɔnɔmi gié Abusalɔm ta lo; é sia a gane bulii fɔɔ yé é bɔ a nwiin loru, a kɔlɛ ma a yɔrɔyɔrɔyɔrɔ.

Wegɔnévɔlenu 22:29

I blabozan yéé? É dan dɔ lɛ minwiinzan blɛn sɔnɔ, é ’ka dan dɔ lɛ mi pla sɔnɔ lo.

Bale Lé We Gifezan 7:19

Wedɔɔle éé wedɔɔzan dɔa plɛplɛ é mini fla yuɛlɛzan vu lɛ.

Ézai 36:11

Éliakim koo, Sɛbina valé Joak koo, wo lé Rabasaké lɛ léé: ’I we fe ko, i wuozannu lɛ aramé dére gi, naa, ko ’bɛ gi maan; té i we fe ko lɛ Juda dére gi lo, munu lé wo ke é dɔle flagɔrɔ ta, dé wo da ’ma.

Jérémi 5:15

Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Daniɛl 2:10

Kaldémunu a zi pa a lɛ léé: We lé minwiinzan blɛn a laa, mi do kpen ’ka tɛrɛ la ’ko yé ’bɛ é bɔa a fele lɛ lo. Dé é a minwiinzan‐oo zan‐an nyaoo, dé é a blɛn‐oo, dé plɛplɛ faa a a leeoo, é ’ka bɔa ’bɛ zoɛ we ’ko laale lɛ mi lee gla nya lo, dé é a yokɛlɛzan nyaoo, dé é a monénénu va ’monédɔzan nyaoo, dé é a Kaldé mi nyaoo, wo lee lo.

Daniɛl 2:2

Yokɛlɛzannu koo, monénénu va ’monédɔzannu koo, ’monédɔzannu koo, Kaldémunu koo, minwiinzan blɛn munu nwunvɔ wo laana, léé, ’wo ’élé nyɛ ’konu fe. Wo da, yé wo dɔ minwiinzan blɛn ’lɛ.

Daniɛl 3:8

Bléyi ’ko duo gi, Kaldé mi kenu bié yé wo we dɔ Juifinu nwiin.

Daniɛl 4:7

Yé yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo da. Maa nyɛo fe wo lɛ, yé wo ’ka a gi fe lɛ an lɛ lo.

Daniɛl 5:11

Mi do ana ilé tɛrɛ la ’ko, ’té bale sauunnu léli a a gi. I ti bléyi va, wa ye léé, a va a é kinile, yé a gi kini, yé wedɔɔle lé ke bélé balenu lé wedɔɔle zo, é a a gi. Yé i ti minwiinzan blɛn Nébukanɛsaa, i ti boen, é a dɔ yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo nwiinzan nya.

Daniɛl 5:7

Minwiinzan blɛn sia plɛplɛ léé, monénénu va ’monédɔzannu koo, Kaldé munu koo, ’monédɔzannu koo, ’wo wo laa ’wo da. Minwiinzan blɛn we fe Babilɔn wedɔɔmunu lɛ yé é léé: Dé miomian sɛbɛ ’ko ta fe yé é a gi fe an lɛ, wo dan galunaa tɔvarɔ zén lɛ a ta yé wo kyan vɔ a bɔrɔ ma, yé wo dan nyanana yaazan nɔ lɛ a lɛ plale mi nwiin gi.

Daniɛl 9:1

Mɛdenu bɛn gi mi do lé wa laama Asuérus be Darius, yeean é kɛlɛ Kaldé munu nwiinzan blɛn nya;

Zakari 2:4

É lé ’bɛ lɛ léé: ’I vlan buru, bé fe pɛniɛ ’ko lɛ léé: Mi gu kiɛre valé winu kiɛre lé wo ke Jérusalɛm bɛ, wolé we ma lé Jérusalɛm lɛ é dan vo lɛ é sole;

Kelewenu 7:20

’Bɛ bléyi va lé wo Moizi yaa. É a é nɔnɔmi Kazambale yuɛ gi. Wa pa moné yaa é ti lé kɔn gi;

Kelewenu 7:22

We lé Éjipitinu a dɔɔ, wa faa paa Moizi gi. É a plɛplɛ dérenu valé we kɛlɛlenu gi.

Éfez munu 5:27

Léglizi tɔbɔle ’ko, ’té a tiri ’ka lo, ’té a ma ’ka é yurule lo, ’té gun do kpen ’ka a ma lo, ’té é ke sauun valé wéiin, Jézu a a va léé, ’é a ye ébo zé nya, amalé ébo nɔ alé we gi.

Weblezannu 8:18

É lé Zébak valé Salmuna lɛ léé: Munu lé ka wo gyɛ Tabɔɔ, wa kaa? Wa zi pa léé: Wa bii zo, wo faa do do a bélé minwiinzan be zo.