Daniɛl 1:2 - Kazambale lé Sebe Sauunu 1979

² Mizambale Juda nwiinzan blɛn Jojakim pa a lee, ’é valé Balebangikɔn gi nyanamapafɛ kenu nya. Nébukanɛsaa nyanamapafɛ ’konu si yé é go wo nya Sinéaa tɛrɛ la, yé é wo pa ’élé bale lé kɔn gi fɛwezannu pana.

Daniɛl 1:2 ပူးပေါင်းရင်းမြစ်များ

Wepélisiananu 10:10

É pla é vinin Sinéa tɛrɛ la flanu nwiin, ’bɛ gi lé Babɛl koo, Érɛk koo, Akad koo, Kalné koo, wo nwiin.

Wepélisiananu 11:2

Wo go aan wo yirinwanazia, wo fɛna dégélé do ye Sinéaa tɛrɛ la, yé wo nyana ana.

2 Minwiinzannu 24:1

Jojakim bléyi va, Babilɔn nwiinzan Nébukanɛsaa go guli dan lɛ a va. Jojakim pla a wuo lɛɛ yaa; ’bɛ zuo Jojakim nwa a ma é ziin.

2 Minwiinmunu lé Wezuofe Sɛbɛ 36:5

Jojakim plale sia munu nwiin, ’té a lɛɛ a yɔ do wɔlɛ soru. Yé é pla munu nwiin Jérusalɛm lɛɛ vu ta do. Wean é ke é naané Gakelebale, alé Bale yuɛ gi, é a kɛlɛ.

2 Minwiinmunu lé Wezuofe Sɛbɛ 36:7

Nyanamapafɛnu lé ke Gakelebale lé kɔn gi, Nébukanɛsaa a sia yé é go wo nya Babilɔn, yé é wo pla élé fuakɔn gi Babilɔn.

Ezidras 1:7

Gakelebale lé kɔn gi nyanamapafɛnu lé Nébukanɛsaa wo si Jérusalɛm yé é wo pla élé bale lé kɔn gi, minwiinzan blɛn Sirus wo nɔ wo lɛ é pa gi.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 42:24

De ɛ Jakɔb nɔ léé, wo ’wii alé fɛ taa? De ɛ Izraɛl pa ’wiiéfɛtazannu lee? Gakelebale kaan loo? Ko wenyané kɛlɛ a ma. É ’ka sɔ lɛ ko lɛ léé, ko alé zi ta tawo lo, Ko ’ka tɔné dɔ lɛ alé bélidɔwe lɛ lo.

Jérémi 25:1

Juda nwiinzan blɛn Jozias be Jojakim plale munu nwiin lɛɛ ziɛnzan nya, yee lé ke Babilɔn nwiinzan blɛn Nébukanɛsaa lɛɛ vininzan nya, Gakelebale we fe Jérémi lɛ Juda munu lé we ma.

Jérémi 27:16

Maa lé Balebanzannu valé munu faa ’ko lɛ léé: Gakelebale léma: Kalé balelayezannu lé woo balelawe fé ka lɛ léé: É vo sɛ yé wo dan Gakelebale lé kɔn gi nyanamapafɛnu si lɛ Babilɔn yé wo da wo nya é ziin, té ka tɔné dɔ wo lɛ lo. Naa, wa balelawe fena ka lɛ vié nya.

Jérémi 28:3

É vo lɛɛ fié yé Gakelebale lé kɔn gi nyanamapafɛnu faa lé Babilɔn nwiinzan Nébukanɛsaa a si fɛkona yé é go wo nya Babilɔn, maa dan da lɛ wo nya wo pa gi fɛkona.

Jérémi 35:11

Bléyian va lé Babilɔn munu nwiinzan blɛn Nébukanɛsaa nwa tɛrɛ ’ko ma, ko léé, kaa go Jérusalɛm; kaa si Kaldé munu valé Siri munu lé sunyanu ma baa. ’Bɛ zo lé ko nyanaan Jérusalɛm.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Jérémi 51:44

Maa dan we lɛdɔ lɛ Bɛl gi Babilɔn; maa dan fɛblele so lɛ a ’léé, yé bɛnnu ’ka dan yoro lɛ a vazia é dɛrɛ lo. Babilɔn zi gɔrɔ boen dia;

Daniɛl 5:13

Wo da Daniɛl nya minwiinzan blɛn ’lɛ. Minwiinzan blɛn we fe Daniɛl lɛ yé é léé: Juda munu lé an ti, minwiinzan blɛn wo si luu nya yé é da wo nya ’ko, wovazan do lé wa laama Daniɛl bɛ, bii ɛ ke a nyaa?

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Abaku 1:16

Amalé éé saraka boo élé séli lɛ, yé éé lasikɔrɔ kyɛ blé élé duɛnu lɛ. Naa, wolé we ma lé éé fɛ nyɔnɔzan blé, ’té alé fɛ a néné.

Zakari 5:11

É a zi pa an lɛ léé: Wo go alé kɔn dɔ lɛ Sinéaa tɛrɛ la; yé dé wo nyaa a dɔle nya, wo dan yee kyɛɛ dɔra lɛ a gi.

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?

Weblezannu 2:14

Gakelebale bli fli Izraɛl ma. É wo pa gulizarafɛ sizannu lee, yé ’bɛnu gulizarafɛnu si wo lee. É wo dan wo nyanézannu lé wo ke wo zi, wo lee, yé wo ’ka bɔa lɛ yé wo dɔ wo nyanézannu ’lɛ é dɛrɛ lo.

Weblezannu 3:8

Bɛwemalé Gakelebale bli fli Izraɛl ma, yé é wo dan Mézopotami nwiinzan Kusan‐Riséataim lee. Yé Izraɛl lé nénu vo é plale Kusan‐Riséataim wuo lɛɛ sɔraa.

Weblezannu 4:2

Gakelebale wo dan Kanaan nwiinzan Jabɛn lé é pla munu nwiin Asɔɔ, a lee. Alé sunyanu nwiinzan a Sizéra nya, yé é nyana Arosɛt‐Goim.

1 Samuɛl 5:2

Wolé Bale lé kɛsu siale zuo wo go a nya Dagɔn lé kɔn gi yé wa dɔra Dagɔn bɛ do la.