Daniɛl 1:17 - Kazambale lé Sebe Sauunu 1979

¹⁷ Kazambale pɛniɛ ziɛn ’ko kɛlɛ ’wuoatazannu nya, yé é wo gi kini sɛbɛ lé we nya, yé é wedɔɔle nɔ wo lɛ, ’té Daniɛl éé yuɛzi we faa valé nyɛgyɛle faa gi fé.

Daniɛl 1:17 ပူးပေါင်းရင်းမြစ်များ

1 Minwiinzannu 3:12

bé ye, maa dan we kɛlɛ lɛ i dére yɛrama. Maa dan wedɔɔbli valé gikinibli nɔ lɛ i lɛ fɛan zo, i bɔmazan ’ka tan kɛlɛ lɛ lo, yé wo ’ka dan i bɔmazan ye lɛ monomono lo.

1 Minwiinzannu 3:28

Minwiinzan we ’ko yuɛ gi bo fɛan zo, Izraɛlnu faa a ’ma. Yé wa ye léé, Bale lé wedɔɔle a a gi, yé é zi gɔɔn a lɛ alé weblele gi, amalé woo kanaan minwiinzan blɛn lee.

2 Minwiinmunu lé Wezuofe Sɛbɛ 1:10

Amalé, ’i wedɔɔle valé gikinile nɔ an lɛ, fɛan zo lé é a lé an tawo munu ’ko nwiinzan nya yé maa a dɔɔ. Naa, ilé munu kiɛre ’ko, de ɛ bɔa wolé weblele lɛɛ?

2 Minwiinmunu lé Wezuofe Sɛbɛ 1:12

Wean é ke i bli gi, yee lé ke bɛ; amalé maa wedɔɔle valé gikinile nɔ i lɛ. Yé ’bɛ ta loru, fua koo, tɛrɛlafɛnu koo, tɔbɔle koo, maa dan a nɔ lɛ i lɛ, yé wo dan mini lɛ minwiinzannu lé wo ke i ’lɛ, wo faa zé ta. Yé minwiinzannu lé wo dan kɛlɛ lɛ i zuo, wo va mi do kpen zé ’ka dan kɛlɛ lɛ blɛn bélé izé zo lo.

2 Minwiinmunu lé Wezuofe Sɛbɛ 26:5

É Bale nagini é bli faa nya Zakari lé tɛrɛla bléyi va. Zakari Bale lee kanale paa a gi. Yé bléyian va lé é a Gakelebale naginina, Gakelebale alé we faa nyian wo.

JOB (Job) 32:8

Naa, webozen lé ke léé, léli do a mi gi, Plɛplɛfaazan lé flinle nya, yee ɛ mi gi kinié;

Wegɔnévɔlenu 2:6

Naa, Gakelebale ɛ wedɔɔle no mi lɛ; a ’léé lé wedɔɔdére valé gikinidére éé sié;

Bale Lé We Gifezan 2:26

Naa, mi lé é sɔ Bale lɛ, a lɛ lé, éé wedɔɔle koo, gikinile koo, ginanale koo, wo no; naa, éé a kɛla léé, wenyanékɛlɛzan é fɛ ye, ’té éé a tééan, a nɔle munu lé wo sɔ Kazambale lɛ wo lɛ we gi. ’Bɛ é ziin, ’bɛ a boawe valé fuzuobinwe nya.

Ézai 28:26

Alé Bale a kɛlɛbɛ paa a gi, é we ’konu gɔɔn a lɛ.

Ézékiɛl 28:3

Bé ye, i we dɔɔ é mini Daniɛl ta, we do kpen ’ka é yɔɔle i lee lo;

Daniɛl 1:18

Wo nagɔɔn?-?bléyi lé minwiinzan blɛn a dɔ, é bɔ aan wo, miblalenu nwiinzan da wo nya Nébukanɛsaa ’lɛ.

Daniɛl 1:20

We faa lé é a laa wo lee, ’té é a lé wa zi pa gikinile valé wedɔɔle yɛrama, wozé gié yokɛlɛmunu valé monénénu lé wedɔɔzannu lé wo ke alé tɛrɛ la fɛfaana, wozé wedɔɔle ta gɔnɔ vu.

Daniɛl 1:4

pɛniɛnu lé gyɛ pɔlɛ do kpen ’ka wo ma lo, ’té wo yara ke é nɔnɔmi, ’té wo ke wedɔɔzannu koo, gikinizannu koo, ’wuoatazannu koo, wo nya, ’té woo bɔaléé, wo minwiinzan blɛn lé kɔn gi nyanama pa, yé wo Kaldé dére valé alé sɛbɛwɔlɛnu paa wo gi.

Daniɛl 10:1

Pɛɛs munu nwiinzan blɛn Sirus plale mi nwiin lɛɛ yaazan nya, wo we do gɔɔn Daniɛl lé wa laama Bɛlsatasaa bɛ, a lɛ. We ’ko a webozen nya. Yé we tɔntɔn blɛn lé é dan bɔ lɛ, é a nagɔɔn. Daniɛl we ’ko gi kuli, yé a gi kini yuɛziwe ’ko gi ’male we ma.

Daniɛl 2:19

Bale yee we yɔɔleo nagɔɔn Daniɛl lɛ yuɛzi gi é béli. Yé Daniɛl lanu lé Bale drɔɔ vo.

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 2:23

An tranu lé Bale, maa i tɔ zin fe yé maa i bɔ vɔa léé, i wedɔɔle valé plɛplɛ nɔ an lɛ, yé we lé ko a laa i lee, bé nagɔɔn an lɛ, yé i minwiinzan blɛn lé we yɔɔle gi bɔra ko lɛ.

Daniɛl 2:30

Dé wo we yɔɔle gi bɔra an lɛ, ’té é ’ka kɛlɛ lɛ léé, wedɔɔle lé é mini mi yuɛmalenu faa zé wedɔɔle ta, é a an gi lo, naa, wa gi bɔra an lɛ léé, maa we ’ko gi fe minwiinzan blɛn lɛ, yé ’wuogibɔrɔlenu lé wo ke i bli gi, yé i wo dɔɔ.

Daniɛl 4:6

Maa léé, é a lé wo Babilɔn wedɔɔmunu faa laa, ’wo da an ’lɛ ’ko, yé nyɛ lé maa a gyɛ, ’wa gi fe an lɛ.

Daniɛl 5:14

Maa a ’ma i ma léé, balenu léli a i gi, yé i va a é kinile, yé i gi kini, yé wedɔɔle lé a glɛ ’ka lo, é a i gi.

Daniɛl 7:1

Babilɔn minwiinzan blɛn Bɛlsasaa plale mi nwiin lɛɛ vininzan nya, Daniɛl nyɛ gyɛ yé é yuɛziwenu ye, ’té é a é yiale. ’Bɛ zuo yé é yee nyɛ gyɛ sɛbɛ ta, yé é a va we blɛnnu zuo fe.

Daniɛl 8:1

Minwiinzan blɛn Bɛlsasaa plale mi nwiin lɛɛ yaazan nya, maa Daniɛl, maa yuɛziwe do ye, yuɛziwenu lé maa wo ye é vinin, wo zuo.

Mi Nɔnɔle 12:6

Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

Kelewenu 6:10

Naa, wedɔɔle valé Kazambale Léli lé é ke we fena wo nya bɛ, wo ’ka bɔa dɔle lɛ ’bɛnu ma plɛplɛ lo.

Kelewenu 7:10

Naa, Kazambale kɛlɛ a va, yé ’bɛ a si élé kleblelenu faa gi. ’Bɛ wedɔɔle nɔ a lɛ, yé ’bɛ a kɛlɛ mi zin nya Éjipitinu nwiinzan blɛn Faraɔn yuɛ gi yé Faraɔn a kɛlɛ élé kɔnzan valé Éjipiti tɛrɛ la gbɔrɔnama nya.

Kelewenu 7:22

We lé Éjipitinu a dɔɔ, wa faa paa Moizi gi. É a plɛplɛ dérenu valé we kɛlɛlenu gi.

Kolɔs munu 1:9

Bɛwemalé, é sia yian nya lé ko ka tawe ’ma, ko ’ka daanma bazorole ma Kazambale lɛ ka tɔ ma lo; ’té ko a laan Bale lee léé, ’é we dɔɔle faa nɔ ka lɛ yé ’é ka gi kini léliwenu gi, yé ’bɛ zo lé ka alé blibɔmawe dɔɔ,

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.