Kolɔs munu 3:5 - Kazambale lé Sebe Sauunu 1979

⁵ Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

Kolɔs munu 3:5 ပူးပေါင်းရင်းမြစ်များ

Fwile 37:22

Fintran ma ginninnu valé é blannu a é ke ’léé do; a faa a kyan gyɛle nya, kyan tegele nya.

Matio 15:19

Gibɔrɔle naané koo, migyɛle koo, leginile valé gɔnéginile koo, pɛnpɛnnégyɛle koo, kyeenwole koo, viéwole mi ma koo, mi tɔ sɛrɛle koo, woo ɛ sié mi bli gi.

Rom munu 1:26

Bɛwemalé Kazambale wo nɔ ’wolé blibɔmawenu lé ke yaragyɛwe baba nya, wo lɛ; naa, we lé le valé gɔné a kɛla, wo ’bɛ vo, yé we lé le valé le ’ka a kɛla lo, wolé lomu ’bɛ kɛlɛ.

Rom munu 1:29

Woo weple gɔnɔ faa kɛla, woo we lɛrɛlɛrɛ kɛla, wo bli éé bɔa gɔɔli ma, woo mi blifliwe kɛla, wo bli éé bɔa mi bɛ lé fɛ ma, woo mi gya, woo we sian, woo dabli kɛla, woo mimafɛ kɛla, wa é fanle we ’konu nya;

Rom munu 6:13

Té ka ka kɔlɛvafɛnu nɔ wenyané lɛ weple kɛlɛfɛnu nya lo; naa, ’ka kabozen nɔ Kazambale lɛ, munu lé wo ke é gale é vinin yé wo béli, wo nya, yé ’ka ka kɔlɛvafɛnu nɔ Kazambale lɛ we tegele kɛlɛfɛnu nya ma.

Rom munu 6:6

kaa gi dɔɔ léé, kaalé blami dɔbɛ a é gyɛle yili la Krist va, kɔlɛ lé wenyané ke nyanama pana a nya, a gale kaa ma we gi, léé, té kaa kɛlɛ wenyané lé luu nya é dɛrɛ lo;

Rom munu 7:23

naa, é a bélé fɛan zo lé bélidɔwe do a é ziin an kɔlɛvafɛnu gi; ’té ’bɛ bélidɔwe ’ko éé guli daan bélidɔwe lé é sɔ an bli lɛ, a va, yé é an kɛlɛ wenyané lé ke an kɔlɛvafɛnu gi bélé bélidɔwe do zo bɛ, alé luu nya.

Rom munu 7:5

Bléyian va lé kaa ke kaa dɔbɛ kyɛn nya, bélidɔwe éé wenyané kɔɔlenu ’léé wɛɛ?-?an kaa bli gi, yé woo nyanama paan kaa kɔlɛvafɛnu gi yé a tɔnɔ kɛlɛ kaa ma gale nya.

Rom munu 8:13

Dé ka tawo dɔbɛ kyɛn lé blibɔmawe yɛrama, ka dan ga lɛ; naa, ka kɛlɛwe naanénu lé wo ka kun, dé ka wo yi ga kabo lee Kazambale Léli lé plɛplɛ nya, ka dan béli lɛ,

1 Korent munu 5:1

Maa a ’ma gɔnɔ kiɛre nya léé, pɛnpɛnnégyɛle a ka méléna. Pɛnpɛnnégyɛle ’ko a lɛrɛlɛrɛ é mini yolémunu zé ta; yee lé ke léé, ka va mi do é yaati na si.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

1 Korent munu 6:13

Fɛblelenu a mi bɔn zé nya, yé mi bɔn a fɛblelenu zé nya. Webozen lé; naa, Kazambale é dan wo fiénu lé we nyaa lɛ. Naa, wo ’ka mi kɔlɛ kɛlɛ lɛ pɛnpɛnnégyɛle we gi lo. Naa, wa kɛlɛ Mizan zé nya, yé Mizan a kɔlɛ zé nya.

1 Korent munu 6:18

’Ka so pɛnpɛnnégyɛle lee vlan nya. Wenyané bɛnu lé mi éé ’bɛnu kɛla, ’bɛ ’ka mi kɔlɛ gi lo, naa, mian é ébo no pɛnpɛnnégyɛle lɛ, ’té ’bɛzan ɛ wenyané kɛla ébozen kɔlɛ ma.

2 Korɛnt Munu 12:21

An kana léé, dé an bɔ, yara dɛrɛ é dan an gyɛ lɛ anzé Bale yara kalé we ma, yé an dan wuvɔ lɛ mi kiɛre lé wo wenyané kɛlɛ turu yé wo ’ka ’wo bli nɔla lɛ we tiridɔle koo, pɛnpɛnnégyɛle koo, we vɔnle koo, wo ma lo, wolé we ma.

Galasi munu 5:24

Munu lé wo ke Jézu Krist zé nya, wo ’wo dɔbɛ kyɛn gyɛ yiliblan ta, é valé élé blibɔmawenu valé é lɔrɔ nya.

Éfez munu 4:19

Nyɛ ’ka zén‐é wo gi lo, wo ’wobo nɔ we vɔnle lɛ, tiridɔwe gɔnɔ faa kɛlɛle we gi bélé blii lé.

Kolɔs munu 2:11

Yé Krist gi lé wo ka gane dɔ, ganedɔle lé mi ’ka a kɛlɛ lɛ mi lɛ lo, a nya, naa, Krist lé ganedɔle lé ke kalé sɔnvɔle ka dɔbɛ kyɛn ma nya.

1 Tɛsalɔnik munu 4:3

We lé é sɔ Kazambale lɛ, yee lé ke léé, ’ka kɛlɛ sauun, té ka pɛnpɛnné gyɛ lo;

1 Tɛsalɔnik munu 4:5

Té ka kabo nɔ le lé we gi bélé fɛan zo lé yolémunu lé wo ’ka Kazambale dɔɔa lo, wa kɛla fɛan zo, a zo lo.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

Ébrunu 12:16

’Ka yuɛ pa kabozen va, té pɛnpɛnnégyɛzan é kɛlɛ ka méléna lo; mi lé Balebɔwe ’ka a ma lo bélé Ézau zo, té ’bɛzan ’é kɛlɛ ka méléna lo. É dɔna dan fɛ pala do kpen va.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

SEBE LÉ JAK A GYE (Épitre de Jacques) 4:1

Gulidanlenu valé zɔdɔlenu lé wo ke ka méléna bɛ, woo sié kyɛɛn? Wo ’ka sié fɛyelɔrɔ lé woo guli daan ka kɔlɛnu gi bɛ, wo va loo?

1 Piɛri 2:11

’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.