Kolɔs munu 3:4 - Kazambale lé Sebe Sauunu 1979

⁴ Krist lé ke kalé vole é yuɛma nya, dé é da, ka dan da lɛ a va é ziin fua gi.

Kolɔs munu 3:4 ပူးပေါင်းရင်းမြစ်များ

Lɛrɛvɔ Sɛbɛ 17:15

Naa, dé é a maa nya, we ’ka an nwiin lo, yé an dan i yara ye lɛ, Dé an vuo tɔɔn, dé maa i ye, ’bɛ anzé bɔ.

Lɛrɛvɔ Sɛbɛ 73:24

I dan go lɛ an nya, ’té i we plaan an lɛ, ’Bɛ zuo i dan an bɛn si lɛ ilé fua fɛna.

Matio 13:43

Yé mi tegelenu é dan bi lɛ nyananyana bélé yiri zo ’wo Ti Bale lé tɛrɛ la. Mi lé we ’ma tɔné ke a ’wuo ma, ’bɛzan a ’ma ma.

WENÉNÉ LÉ LUK A GYE (Évangile selon Luc) 17:30

A zo duo lé é dan kɛlɛ lɛ maa blami Be nagɔɔn yi nya.

WENÉNÉ LE JAN A GYE (Évangile selon Jean) 11:25

Jézu lé a lɛ léé: Maa lé ke gamunu nwazan nya, é valé mi vo é yuɛmazan nya. Mian é bli vo an lɛ, dé é gaoo, é dan béli lɛ.

WENÉNÉ LE JAN A GYE (Évangile selon Jean) 14:3

Yé dé maa go, dé maa ka nyanana ma’lɛrɛ faa, maa dan da lɛ é ziin, yé maa dan ka sia lɛ yé maa go ka nya, yé fɛana lé an ke, yé ka kɛlɛ ana é ziin.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 20:31

Naa, maa we ’konu gyɛ sɛbɛ gi ka bli vole a lɛ we ma léé, Jézu ɛ ke Krist nya, Kazambale Be nya, yé dé ka bli vo a lɛ yé ka béli a tɔ ma.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Rom munu 8:18

É a an gi léé, wo ’ka bɔa lao klenu ’ko danle lɛ fua lé kaa dan a ble lɛ tɛlɛ tɛlama bɛ, a ma lo.

Rom munu 8:19

Kazambale kɛlɛfɛnu faa é ziin, wa Kazambale benu nagɔɔnle lɛbɛnna bli pɛpɛ nya.

1 Korent munu 1:7

Amalé ka ’ka vuruan blɛ do kpen ma lo, ’té bléyian va lé Jézu Krist é dan ébozen nagɔɔn lɛ munu yuɛ va, ka a ’bɛ bléyi lɛbɛnna.

1 Korent munu 15:43

Serelebomafɛ lé wa paan, ’té éé nwaan fɛ nɔnɔmi nya. Fɛ tɔɔtɔɔ lé wa paan, ’té éé nwaan fɛ plɛplɛ nya;

2 Korɛnt Munu 4:17

Kolé klenu ’ka we do nya lo yé wo dan nyaa lɛ laoɛ. Wo ma tɔnɔ é dan kɛlɛ lɛ fuasan lé ke fɛ boen nya, ’té a glɛ ’ka lo, a nya. É gié mi lé gi bɔrɔle faa ta.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Filip munu 3:21

É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.

1 Tɛsalɔnik munu 4:17

’Bɛ zuo yé ko mi yuɛmalenu lé, ko vo ’ko, wo dan ko faa sia lɛ ékeva wo nya latinu ta, keele we gi Mizan nya la worona. A zo lé ko dan vo lɛ yifaama Mizan va.

1 Timoté 6:14

’i tawo Bale lé bélidɔwe ta tegele, té a do kpen é vuru i ma lo, yé ’i kɛlɛ a gi wéiin fɔɔ yé Kaazan Jézu Krist é da.

2 Timoté 1:1

Maa Pɔl ɛ ke sɛbɛ ’ko gyɛna Timoté zé nya. Maa a Jézu Krist lé nwunvɔzan nya Kazambale lé blibɔmawe nya, we lé Bale a fe léé, mi éé bélié Jézu Krist gi, a fele we ma.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 5:4

Yé dé Mipazan segele da yian ma, tɔkoro lé ke fua tɔbɔle nya, ’té é ’ka sɛra lo, ka dan a ye lɛ kazé nya.

1 Jan 2:28

Sin, né kiénénu, ’ka vo Jézu gi, yé dé é bɔra kaa yuɛ va yé kaa bli ta dɔ plɛplɛ, yé dé a dabléyi bɔ yé yara ’ka kaa gya yé é kaa si ’é ma baa lo.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

1 Jan 5:12

Mian Be ke azé nya, é béli. Yé mian Kazambale Be ’ka azé nya lo, é ’ka é bélile lo.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.