Kolɔs munu 3:3 - Kazambale lé Sebe Sauunu 1979

³ Naa, ka a é gale, yé kalé vole é yuɛma a é yɔɔle Krist va Kazambale gi.

Kolɔs munu 3:3 ပူးပေါင်းရင်းမြစ်များ

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 5:21

Naa, fɛan zo lé an Ti éé munu nwaan gamunu va ’té éé wo bélié, a zo duo lé mi lé é sɔ an lɛ léé, maa a béli, ’bɛzan lé maa a bélié.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

WENÉNÉ LE JAN A GYE (Évangile selon Jean) 5:40

Yé é ’ka sɔ lɛ ka lɛ léé, ka da an va ka vole é yuɛma we gi lo.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

Rom munu 5:21

léé, fɛan zo lé wenyané pla munu nwiin gale nya, a zo duo lé zin éé plaan munu nwiin kɛlɛle tegele nya, yé a ’wuo éé plaan vole é yuɛma lé a glɛ ’ka lo, a nya, Kozan Jézu Krist lé we ma.

Rom munu 6:11

A zo duo lé, kabozen, ’ka kabo ye é gale wenyané vazia yé ’ka kabo ye é yuɛma Jézu Krist gi Kazambale zé nya.

Rom munu 6:2

Gba. Kaa lé, kaa ga wenyané vazia, é kɛlɛ kaa yé kaa vo wenyané kɛlɛna é ziin?

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 15:45

Bɛwemalé é a é gyɛle sɛbɛ gi léé: Mi vininzan Adam a mibozen yuɛmale nya; Adam voélazan a mibéliléli nya.

1 Korent munu 2:14

Naa, blami pla ’ka Kazambale Léli lé wenu gi maan lo, wa a yuɛ gi tavowe nya. Mi éé wo gi maan Bale Léli nya, amalé blami pla ’ka wo gi maan lo.

2 Korɛnt Munu 5:14

Ko sɔle Krist lɛ é ko tunu, amalé é dɔ ko gi léé, dé mi do kpen ga mi faa lé we ma, ’té mi faa ga;

2 Korɛnt Munu 5:7

Naa, ko a tawona blipale yɛrama, ko ’ka tawona fɛ lé ko yuɛnu a yé, ’bɛ yɛrama lo.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Éfez munu 3:9

yé we lé é ke é yɔɔle yifaama Kazambale lé, é fɛ faa bɔra, a bli gi, Kazambale é dan we ’ko kɛlɛle lɛ sɔɔ lɛ fɛan zo, yé maa wo bɔn‐in kini a nya;

Filip munu 4:7

Yé Kazambale lé vole drɔɔ lé, kalé bɔn‐in bɔrɔlenu ’ka sɔa a gi ’male lɛ lo, é dan ka bli valé kalé gibɔrɔlenu tabin lɛ ka kɛlɛle Jézu Krist gi we ma.

Kolɔs munu 1:5

Fɛ lé a ta ke é dɔle kazé nya la gi, ka bli a ’bɛ lɛ, bɛwemalé ka bli a é pale yé sɔlɛle a ka gi. Bli vole we lɛ ’ko, ka a dɔɔ, webozen dére lé ka a ’ma é kyɛn, ’bɛ a gɔɔn ka lɛ, ’bɛ gi léé, Wenéné a gɔɔn ka lɛ.

Kolɔs munu 2:20

Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo?

Kolɔs munu 2:3

Gikinile valé wedɔɔle lé fɛwezannu faa a é yɔɔle yee ɛ gi.

Kolɔs munu 3:4

Krist lé ke kalé vole é yuɛma nya, dé é da, ka dan da lɛ a va é ziin fua gi.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

1 Piɛri 3:4

naa, ’lɛrɛfɛ lé é ke é yɔɔle mi gi, ’té é ’ka sɛra lo, ’ka ’lɛrɛ ’bɛ nya. Yee lé ke bli zin valé bli drɔɔ nya. Yee ɛ ke fɛwezan nya Kazambale yuɛ gi.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.