Kolɔs munu 3:24 - Kazambale lé Sebe Sauunu 1979

²⁴ ka a gi dɔɔ léé, ka dan tɔnɔ ye lɛ ka ban nya Mizan va. ’Ka kɛlɛ Mizan Krist lé luu nya ma.

Kolɔs munu 3:24 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Wegɔnévɔlenu 11:18

Mi nyané éé dabli tɔnɔ yé, naa, mi lé éé we tegele kɛla, éé gooli bozen yé.

Matio 10:41

Mian éé balelayezan sié a kɛlɛle balelayezan nya we ma, wo dan a gooli pa lɛ balelayezan gooli zo. Mian éé mi tegele sié a kɛlɛle mi tegele nya we ma, wo dan ’bɛzan gooli pa lɛ mi tegele gooli zo.

Matio 5:12

Ka bli ’é vo drɔɔ yé ’ka vo gi nanale blɛn gi, naa, ka gooli é dan kɛlɛ lɛ blɛn la gi. A zo duo lé balelayemunu lé wo ke ka ’lɛ é vinin, wo nyané pa wo ta yee ɛ zo.

Matio 5:46

Munu lé ka sɔ wo lɛ, dé wo saa ɛ sɔ ka lɛ, ’té a yara lé ka mɛ tɔnɔ ye ’bɛ maa? Vagɔɔlisimunu é ziin, yee duoan wa kɛla loo?

Matio 6:16

Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

Matio 6:5

Dé ka a bazorona, té ka we kɛlɛ bélé bodrɔzannu zo lo. É sɔ wo lɛ léé, munu ’wo nagini, amalé woo dɔa loru, ’té woo bazoroan bazorokɔnnu gi, ’té woo bazoroan flaworo dii zi blannu ta. Maa lé ka lɛ webozen nya léé, wo ’wozé gooli ye.

WENÉNÉ LÉ LUK A GYE (Évangile selon Luc) 14:14

Wo ’ka bɔa a lɛgi kɛlɛle lɛ i lɛ lo, naa, Bale é dan a lɛgi kɛlɛ lɛ i lɛ mi tegelenu nwayi nya gale va, amalé i gi é dan nana lɛ ’bɛ yi la.

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

WENÉNÉ LE JAN A GYE (Évangile selon Jean) 12:26

Dé é sɔ mian lɛ léé, é anlé nyanama pa, ’é da an zuo ma; yé fɛana lé an ke, ana lé anlé nyanamapazan é dan kɛlɛ lɛ é ziin. Mian éé anlé nyanama paan, an Ti é dan ’bɛzan tɔ kɛlɛ lɛ blɛn.

Kelewenu 20:32

Laona, an ka vo Kazambale lee, é valé alé zin dére lee; mi lé é bɔalɛ, é ka tin yé é tɔnɔfɛ nɔ ka lɛ é va, munu faa lé é wo pa é yɛrama, wo va bɛ, maa ka vo ’bɛzan lee.

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

Rom munu 14:18

Mian éé Krist bɔa we yaa ’ko nya, ’bɛzan ɛ sɔ Kazambale lɛ, ’té ’bezan lé we a é zima munu yuɛ gi.

1 Korent munu 11:23

We lé maa a paa ka gi bɛ, Mizan ɛ gɔɔn an lɛ. Yee lé ke ’ko: yian nya lé wo dan Mizan Jézu pa lɛ munu lee, é buru si,

1 Korent munu 3:8

Mian éé fɛ vɔa koo, mian éé ’yi zén‐é a ta koo, wolé we a do, yé wo dan wo fiénu banwo lɛ wo panyanama yɛrama.

1 Korent munu 7:22

Naa, mian Mizan a laa, ’té é a luu nya, é a Mizan lé miné nya. A zo duo lé, miné lé Mizan a laa, é a Krist lé luu nya.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Éfez munu 6:6

Té ka kɛlɛ wo yuɛ va saa na lo, bélé fɛan zo lé ka a kalé we kɛlɛna munu yuɛ va néné, a zo lo, naa, ’ka kɛlɛ bélé Krist wuomunu lé wo ke Kazambale lé blibɔmawe kɛlɛna wo bli faa nya, wo zo.

Éfez munu 6:8

Ka a gi dɔɔ léé, kaa faa va mi do do, dé é a luu nyaoo, dé é a miné nyaoo, wezin lé é a kɛlɛ é dan a ma ban ye lɛ Mizan va.

Kolɔs munu 2:18

Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

Ébrunu 10:35

Amalé sin, té ka bli si we lɛ lo. Kalé blivole we lɛ ma gooli a blɛn.

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

Ébrunu 9:15

We ’ko ma lé Krist kɛlɛ gipawe dɛrɛ gizan nya; wenyanénu lé munu a kɛlɛ bléyian va lé wo ke gipawe vininzan va, é ga wo sile wo lee we gi, munu lé Bale wo laa, tɔnɔ lé é ’ka nyaan lo, ’té Bale a fe léé, é dan a nɔ lɛ wo lɛ bɛ, wolé a blele we gi.

1 Piɛri 1:4

É ziin, é kaa yaa é dɛrɛ kaalé tɔnɔ blele we gi. Tɔnɔ ’ko ’ka sɛra lo, a tiri ’ka dɔa lo, a ma ’ka yuruan lo yé a ta a é dɔle la gi kazé nya.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

RUT (Ruth) 2:12

Gakelebale ’é a lɛi kɛlɛ i lɛ ma; Gakelebale Izraɛl lé Bale lé, i da i ta yɔɔ lɛ a bɛ wuo, ’é i banwo tegele ma.