Kolɔs munu 3:22 - Kazambale lé Sebe Sauunu 1979

²² ’Kaa miwuomunu, kazannu lé wo ke tɛrɛlamunu nya, ’ka wo lɛdɔma we faa gi ma; té é kɛlɛ wo yuɛ va saawo kalé we kɛlɛle néné wo yuɛ gi we ma lo; naa, ’ka a kɛlɛ bli tegele nya, kanale Mizan lee nya.

Kolɔs munu 3:22 ပူးပေါင်းရင်းမြစ်များ

Wepélisiananu 42:18

A yi yaazan nya, Jozɛfu lé wo lɛ léé: An kanaan Bale lee. ’Ka kɛlɛ ’ko zo yé ka vo é yuɛma.

Néémi 5:15

Munu lé wo wo dɔ gbɔrɔnamanu nya an ’lɛ é vinin, wo pla munu nwiin plɛplɛ; woo buru valé dɔrɔ sié wo lee; ’bɛ ta loru, woo gɔɔlifu sikla yɔ fié sié wo lee; wo wuozannu é ziin, wo yaa munu ta. An kanaan Bale lee, amalé an ’ka anzé kɛlɛ lɛ ’bɛ zo lo.

Néémi 5:9

Yé maa léé: We lé ka ke a kɛlɛna ’ko, é ’ka é zima lo. É ’ka lé ka tawo kanale nya kolé Bale lee loo? Dé ka kɛlɛ ’bɛ zo, bɛnnu lé ke ko nyanézannu nya, wo ’ka dan ko sɔnɔ lɛ loo?

Lɛrɛvɔ Sɛbɛ 123:2

Bé ye, fɛan zo lé wuomunu yuɛ a ’wozannu lɛ, Yé fɛan zo lé wuo le yuɛ a ’é nwiin le lɛ, A zo duo lé ko yuɛ ke Gakelebale kozé Bale lɛ, Fɔɔ yé é nyanai zén ko ta.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Bale Lé We Gifezan 5:7

Dé bé ye léé, tɛrɛ do la woo yaan nyanégyɛzannu ta, ’té woo mi lé se sié é lee, ’té woo weblele gi sɛra, té ’bɛ i gi vuru lo; naa, mi blɛn a é plale mi lé ’bɛ mini a lɛ, ’bɛ wuo, yé mi lé ’bɛ mini wo fiénu lɛ, wa é plale ’bɛzan wuo é ziin.

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Matio 6:22

Mi yuɛwɔlɛ a mi kɔlɛ lé kyɛbɔ nya. Dé i yuɛ fuu a é ta, ’té i kɔlɛ faa va a é kinile;

Matio 8:9

Naa, maa a é plale an nwiinzannu wuo, yé sunyanu a an wuo é ziin. Dé maa a fe a do lɛ léé: ’I go, éé goo. Yé dé maa a fe a koɛ lɛ léé: ’I da, éé dan. Yé dé maa a fe an wuozan lɛ léé: ’I we ’ko kɛlɛ, éé a kɛla.

WENÉNÉ LÉ LUK A GYE (Évangile selon Luc) 6:46

Mɛmalé ka an laan Mizan, Mizan, yé ka ’ka tawoo an dére ta loo?

WENÉNÉ LÉ LUK A GYE (Évangile selon Luc) 7:8

Maa a é plale an nwiinzannu wuo, yé anzé sunyanu a an wuo é ziin. Dé maa fe a do lɛ léé: ’I go, éé goo, dé maa fe a koɛ lɛ léé, ’i da, ’bɛ é dan; dé maa fe an wuozan lɛ léé, ’i we ’ko kɛlɛ, éé a kɛla.

Kelewenu 2:46

Wa yi faa do do ma é nanale ékeva Balebangikɔn gi, ’té woo Taboyi lé buru blé kɔnnu gi, ’té woo fɛ blé gi nanale valé bli do nya.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Kolɔs munu 3:20

’Kaa nénu, ’ka ti valé ’ka bu lɛdɔma we faa gi ma, naa, ’bɛ a wezin nya Mizan lé we gi.

1 Tɛsalɔnik munu 2:4

Naa, Kazambale a ye léé, a yara lé é Wenéné fele bɛ pa ko lee, bɛwemalé ko we fé. Ko ’ka kwa kulina léé, kolé we ’é sɔ munu lɛ lo; naa, Kazambale lé é ko bli gi ginian, ko a a va léé, kolé we ’é sɔ yee ɛ lɛ.

Filémɔn 1:16

Maa ’ka a fena léé, bé ye é ziin bélé luu zo lo, naa, sin alé we zima mini luu zé ta; bé ye sin i sɔlɛ zuané nya. É a an zuané nya, yé izé mini anzé ta, tɛrɛlawe vazia, yé é ziin Mizan gi.