Kolɔs munu 3:17 - Kazambale lé Sebe Sauunu 1979

¹⁷ Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

Kolɔs munu 3:17 ပူးပေါင်းရင်းမြစ်များ

1 Minwiinzannu 18:32

Yé é balebanna kɛlɛ gɔlɛ ’konu nya Gakelebale tɔ nya. Guru lé ’sawɔlɛ suo yaa éé sɔa a gi, é a bo balebanna zi.

Wegɔnévɔlenu 3:6

’i gi bɔrɔ a ma ilé tawobɛ faa gi, yé é dan ilé zinu ta bɔ lɛ ékema.

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Kelewenu 19:17

Juifinu faa valé Grɛkinu faa lé wo ke é nyanale Éfɛz, wo we ’ko ’ma yé kana zén wo faa gi, yé wo Mizan Jézu tɔ zin bɔ.

Kelewenu 4:30

’i bɛ soi yé mi bélile koo, gyɛzorowenu koo, we blɛnblɛnnu koo, yé ’wo kɛlɛ i wuozan sauun Jézu tɔ ma.

Rom munu 1:8

É vinin, we faa ’lɛ, maa anlé Bale bɔ vɔa Jézu Krist gi ka faa lé we ma, léé, ka tɔ a é bɔle blipale gi tɛrɛ faa la.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

Éfez munu 1:17

We lé maa a laan kazé nya, yee lé ke ’ko: Kaazan Jézu Krist zé Bale, Fuasan faa Ti, ’é wedɔɔbli nɔ ka lɛ ma, yé ’é pa ka ta ma, kalé yeebozen dɔɔle we gi ma;

Éfez munu 5:20

’Ka ka Ti Bale bɔ vɔ yifaama we faa ma, Kaazan Jézu Krist tɔ nya,

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 2:11

’té nɛnɛ faa a fé léé, Jézu Krist a Mizan nya, Tibale tɔ bɔle we ma.

Kolɔs munu 1:12

Ti lé é ka ma’lɛrɛ yé ka kazé tɔnɔ ye Kazambale lé munu va fɛna fu va, ’ka a bɔ vɔ ma.

Kolɔs munu 2:7

ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

Kolɔs munu 3:23

We faa lé ka kɛla, ’ka kɛlɛ ka bli faa nya, bélé fɛan zo lé ka a kɛlɛna Mizan lɛ, yé ka ’ka a kɛlɛna munu lɛ lo, a zo;

1 Tɛsalɔnik munu 1:1

’Kaa Tɛsalɔnik léglizigimunu lé ka ke Tibale valé Mizan Jézu Krist gi bɛ, ko we ka va. Kazambale ’é zin kɛlɛ ka lɛ yé ’é ka vo drɔɔ ma. Maa Pɔl koo, Silvɛn koo, Timoté koo, ko ɛ ke sɛbɛ ’ko gyɛna ka lɛ.

1 Tɛsalɔnik munu 5:18

Wean é sɔ Kazambale lɛ léé, ka a kɛlɛ Jézu Krist gi, yee lé ke ’ko: ’ka Kazambale bɔ vɔ we faa gi.

2 Tɛsalɔnik munu 2:17

’wo ka tɔrɔ paa yé ’wo plɛplɛ nɔ ka lɛ nyanama zin faa pale valé dére zin faa fele we ma.

Ébrunu 1:5

Lanjenu va lanje kyɛn lɛ lé Kazambale léé: An be lé ke i nya, Maa i yaa kyɔɔ? Yé é ziin, lanje kyɛn ma lé é a fe léé: Maa dan kɛlɛ lɛ a Ti nya, Yé é dan kɛlɛ lɛ an be nyaa?

Ébrunu 13:15

Jézu lé we ma lé kaa Kazambale tɔ zin fele boo saraka nya Kazambale lɛ yifaama. Kaa lɔlunu lé wa tɔ bɔraan gɔrɔ la, wolé saraka lé.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Jan 2:23

Dé mian éé a fé léé, Jézu ’ka Bale Be nya lo, ’té Bale ’ka ’bɛzan Ti nya lo; mi lé é a fe léé, Jézu a Bale Be nya, ’té Bale a ’bɛzan Ti nya é ziin.

1 Jan 3:18

Né kiénénu, té kaa mi lɔrɔ pa dérenu valé kaa nɛnɛ saa nya lo, naa, kaa mi lɔrɔ pa webozen valé we kɛlɛle nya ma.