Kolɔs munu 3:16 - Kazambale lé Sebe Sauunu 1979

¹⁶ Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Kolɔs munu 3:16 ပူးပေါင်းရင်းမြစ်များ

1 Minwiinzannu 3:28

Minwiinzan we ’ko yuɛ gi bo fɛan zo, Izraɛlnu faa a ’ma. Yé wa ye léé, Bale lé wedɔɔle a a gi, yé é zi gɔɔn a lɛ alé weblele gi, amalé woo kanaan minwiinzan blɛn lee.

Minwiinzannu lé Wezuofe Sɛbɛ 25:7

Wa mi wuru do yɔ ziɛn wɔlɛ sɔraa, yé wo bwenu lé woo lɛrɛ vɔa Gakelebale lɛ ’wo zua, ’té wa blaboo, wa mi ’léé ’ko va.

Néémi 12:46

Naa, é vinin, David valé Azafa bléyi va, ’té lɛrɛvɔmunu koo, Bale tɔbɔlɛrɛnu valé Bale bɔvɔlɛrɛnu koo, wo ’lɛzannu a, Bale tɔbɔle we gi.

JOB (Job) 23:12

We lé é an béli dɔ a nya, an ’ka sɔn vɔ lɛ a kɛlɛle ma lo; Dé wean si a ’léé, maa ’bɛ kɛla anlé blibɔmawe nya.

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Lɛrɛvɔ Sɛbɛ 119:54

Maa i déretawenu vɔa lɛrɛ nya, Kɔn lé maa ke a gi bɛn nya, a gi.

Lɛrɛvɔ Sɛbɛ 138:1

David zé lé. Maa i tɔ kɛla blɛn an bli faa nya, Maa i tɔ zin fé lɛrɛvɔle nya bɛkɛlɛ?-?balenu méléna.

Lɛrɛvɔ Sɛbɛ 28:7

Gakelebale a anlé plɛplɛ valé an takuunzan nya, An bli a a lɛ, yé éé bɔa an va; Ginanale lé éé giéan é glɛ ta, é a an bli gi, Yé maa a tɔ zin fé anlé lɛrɛvɔlenu nya.

Lɛrɛvɔ Sɛbɛ 32:7

Bii a an yɔɔna nya, i an ta béli dɔ kleblele lee. I an zi lɛ sɔɔan guliwuo vo lɛ lɛrɛnu nya. Ka ye do.

Lɛrɛvɔ Sɛbɛ 71:23

Dé maa i tɔ nwa an gi é dan nana lɛ a we ma, An boen lé bé si munu lee, ’bɛ gi é dan nana lɛ;

Wegɔnévɔlenu 14:8

Yuɛikinizan lé wedɔɔle lé ke alé tawobɛ vabole nya; ’tugyɛzannu lé tavowe a dabli nya.

Wegɔnévɔlenu 18:1

Mi lé é ébo sié munu va, é a ébozen lé sɔlɛwe ginina; a bli éé flian wedɔɔwe faa ma.

Wegɔné Ma Lɛrɛ 1:1

Wegɔné ma lɛrɛ lé Salomɔn a vɔ, yee lo.

Ézai 26:1

’Bɛ yi la wo dan lɛrɛ vɔ lɛ Juda tɛrɛ la léé: Kolé fla plɛplɛ a; É a gɔrɔ kɛlɛ blɛn ko takuunfɛ nya.

Ézai 30:29

Ka dan lɛrɛ vɔ lɛ bélé fɛti kɛlɛzannu zo é béli; ka gi é dan nana lɛ bélé mi lé ke tawona béli fɛnle yɛrama, a zo, ka gole Gakelebale lé gɔ ma we ma, ka gole Izraɛl lé gɔlɛ ma we ma.

Ézai 5:1

Lɛrɛ lé an sɔlɛzan a vɔ élé dɔrɔféi ma, maa dan a vɔ lɛ an sɔlɛzan lɛ. An sɔlɛzan lé dɔrɔféi ana, Gɔpané lé ana tɛrɛ ke é zima, ana.

Jérémi 15:16

Maa i dérenu ye yé maa wo ble; i dérenu a an bli gi néné yé woo an gi nanaan; naa, Gakelebale, lai sunyanu lé Bale, wo i tɔ laan an ta.

Matio 26:30

Dé wo lɛrɛ vɔ faa yé wo go Ɔlivi gɔ nwiin.

WENÉNÉ LÉ LUK A GYE (Évangile selon Luc) 2:51

’Bɛ zuo é go wo va Nazarɛt, yé é pla wo wuo. We ’konu faa vo a bu bli gi.

WENÉNÉ LE JAN A GYE (Évangile selon Jean) 15:7

Dé ka vo an gi yé an dérenu vo ka gi, fɛ faa lé é sɔ ka lɛ, ’ka a ma laa, yé wo dan a nɔ lɛ ka lɛ.

Rom munu 10:17

A zo lé blivole we lɛ éé sié we lé mi a maan, yee ɛ va. Yé we lé mi a maan, éé sié Krist dére ɛ va.

Rom munu 15:14

An bwenu, dé é a kazé we nya, maabozen a gi dɔɔ léé, ka a mi zin babanu nya, yé ka we faa dɔɔ, yé ka bɔa é ziin we plale lɛ ka ke lɛ.

1 Korent munu 14:15

Maa dan a kɛlɛ lɛ kaa? Maa dan bazoro lɛ an léli nya; é ziin, maa dan a zoro lɛ anlé wedɔɔle nya. Maa dan lɛrɛ vɔ lɛ an léli nya; é ziin, maa dan a vɔ lɛ anlé wedɔɔle nya.

1 Korent munu 14:26

Amalé, bwenu, ka dan a kɛlɛ lɛ kaa? Dé ka a léglizi kɛlɛna, é a lé mi faa ’é we kɛlɛ; mi ke ’é lɛrɛ vɔ; mi ke ’é we paa munu gi; we dɛrɛ lé Bale a gɔɔn mi ke lɛ, ’bɛnu ’é ’bɛ fe; mi ke ’é dére bɛnu vɔ; mi ke ’é danamla kɛlɛ; ’ka we faa kɛlɛ munu dɔle gligli we ma.

Éfez munu 1:17

We lé maa a laan kazé nya, yee lé ke ’ko: Kaazan Jézu Krist zé Bale, Fuasan faa Ti, ’é wedɔɔbli nɔ ka lɛ ma, yé ’é pa ka ta ma, kalé yeebozen dɔɔle we gi ma;

Éfez munu 5:17

Bɛwemalé, té ka kɛlɛ ’tugyɛzannu nya lo, naa, Mizan lé blibɔmawe a fɛan zo, ’ka a dɔɔ ma.

Éfez munu 5:19

’Ka we fe ka ke lɛ Lɛrɛvɔsɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo vɔle nya. ’Ka lɛrɛ vɔ yé ’ka Mizan bɔ vɔ ka bli faa nya a tɔ zin fele nya.

Éfez munu 5:26

a kɛlɛle sauun we gi, yé é a gi bɔ ’yi valé é dére nya.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

Kolɔs munu 1:9

Bɛwemalé, é sia yian nya lé ko ka tawe ’ma, ko ’ka daanma bazorole ma Kazambale lɛ ka tɔ ma lo; ’té ko a laan Bale lee léé, ’é we dɔɔle faa nɔ ka lɛ yé ’é ka gi kini léliwenu gi, yé ’bɛ zo lé ka alé blibɔmawe dɔɔ,

Kolɔs munu 4:6

Ka dére ’é kɛlɛ é zin yifaama, wɛ ’é kɛlɛ a ma ma, é a lé ka we zi paan mi do do lɛ fɛan zo, kalé a dɔɔle we ma.

1 Tɛsalɔnik munu 1:8

Mizan dére si ka va yé é nwɛɛn Masédɔane valé Akai tɛrɛ la, ’bɛ saa kaan lo; munu a gi dɔɔ fɛfaana léé, ka bli a Kazambale lɛ, amalé é ’ka lé, ko ’bɛ fe lo.

1 Tɛsalɔnik munu 4:18

Bɛwemalé, ’ka ka ke tɔrɔ paa dére ’konu nya ma.

2 Tɛsalɔnik munu 3:15

Naa, té ka a ye bélé ka nyanézan zo lo; ’ka we pla a lɛ bélé ka bwe zo.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

2 Timoté 3:15

É sia i kiéné la bléyi va fɔɔ kyɔ, Kazambale lé sɛbɛ sauunnu lé wo bɔalɛ léé, wo i kɛlɛ wedɔɔzan nya yé i si we gi blivole nya Jézu Krist lɛ bɛ, i wo dɔɔ.

Tite 3:6

É Léli Sauun lé plɛplɛ nɔ ko lɛ kiɛre ko Siéwegizan Jézu Krist lé we ma, léé,

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

SEBE LÉ JAK A GYE (Épitre de Jacques) 5:13

Ka va mi do a nyané blenaa? ’É bazoro ma. Yé mi do gi a nananaa? ’Bɛ ’é lɛrɛ vɔ ma.

1 Jan 2:14

Né tinu, mi lé é ke ana tɛrɛ bɔrayi nya, ka a dɔɔ, amalé maa sɛbɛ gyɛ ka lɛ. ’Kaa pɛniɛnu, ka a plɛplɛ yé Kazambale dére a ka gi, yé ka Satan kele, amalé maa sɛbɛ gyɛ ka lɛ.

1 Jan 2:24

We lé ka a ’ma a pélisia bléyi va, ’é vo ka gi ma. Yé we lé ka a ’ma a pélisia bléyi va, dé é vo ka gi, ’té ka dan vo lɛ Be valé Ti gi é ziin.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

2 Jan 1:2

Webozen lé é ke kaa gi, ’té é dan kɛlɛ lɛ kaa va lɛɛfaama a glɛ ’ka lo, alé we ma lé ka sɔ an lɛ.

Wegɔɔnle 14:3

’Té woo lɛrɛ dɛrɛ vɔa webleblin koo, fɛ yuɛmale ziɛn koo, mi segelenu koo, wo ’lɛ. Yé dé é ’ka mi baa yɔ yaa wɔlɛ vu ta fié lé wo wo tabo tɛrɛ la, wo nya lo, mi do kpen ’ka bɔa lɛrɛ ’ko vɔle lɛ lo.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;