Kolɔs munu 3:15 - Kazambale lé Sebe Sauunu 1979

¹⁵ Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

Kolɔs munu 3:15 ပူးပေါင်းရင်းမြစ်များ

Lɛrɛvɔ Sɛbɛ 100:4

’Ka wɔra alé kɔn gi a tɔ zin fele nya, ’Ka wɔra alé gɔrɔ gi lɛrɛvɔlenu nya, ’Ka a bɔ vɔ, ’ka a tɔ drɔɔ vo.

Lɛrɛvɔ Sɛbɛ 107:22

’Wa ban a bɔvɔlenu nya ma, ’Wa kɛlɛwenu zana dɔɔ ’té woo siaan ginanale nya ma.

Lɛrɛvɔ Sɛbɛ 116:17

Maa dan i ban lɛ i bɔvɔle nya, Yé an dan Gakelebale laa lɛ é tɔ nya.

Lɛrɛvɔ Sɛbɛ 29:11

Gakelebale éé plɛplɛ no élé munu lɛ; Gakelebale élé munu drɔɔ voo yé éé gi nanale no wo lɛ.

Ézai 26:3

Mi lé a bli ta ke plɛplɛ, I vole drɔɔ nɔ a lɛ. É pa bii ɛ ta, amalé é dan vo lɛ drɔɔ.

Ézai 27:5

’té dé ka ’ka an si lɛ ka yɔɔna nya lo, yé kaa nana lo, yé kaa nana lo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 57:19

Maa dan an tɔ zin fele pa lɛ a ’léé. Mi lé ke baa valé mi lé ke é pu, ’wo vo drɔɔoo, ’wo vo drɔɔ; maa dan wo béli lɛ. A zo lé Gakelebale a fe.

Jonas 2:9

Munu lé wo ’wobo yere boamiyili ma, Wo ’wobo si mi lé éé zin kɛla wo lɛ, a ma.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

Rom munu 1:21

Naa, wo Kazambale dɔɔ aan wo, wo ’ka a bɔ lɛ ’é bɔbɛ gi lo, yé wo ’ka a bɔ vɔ lɛ lo; naa, wolé gibɔrɔle kɛlɛ boawe nya yé wo ’ka ’wo ’wuogibɔrɔ mawe ye lɛ é dɛrɛ lo.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

1 Korent munu 10:17

Buru a do kpen, yé kaa a kɔlɛ do kpen nya, dɔlé ’té kaa a kiɛre. Naa, buru do kpen lé kaa faa a blé.

1 Korent munu 7:15

Naa, dé é a le zana nyaoo, dé é a gɔné na nyaoo, dé é ’ka Krétiɛn nya lo, dé é sɔ a lɛ léé, ’wo kini ékema, ’wo kini ékema ma. Dé wolé we a ’bɛ zo, wo vole ékeva ’ka glawe nya lo. Kazambale ko laa léé, ko vo ékeva drɔɔ.

2 Korɛnt Munu 4:15

Naa, kalé we ma lé we ’konu faa ke bɔna, yé Bale lé zin kɛlɛle gi gyɛle lé we ma lé mi kiɛre kiɛre é dan Kazambale bɔ vɔ lɛ, yé ’bɛ é dan Bale tɔ bɔ lɛ.

2 Korɛnt Munu 9:11

Ka dan fua ble lɛ bɛ faa ma, ’té ka bɔa fɛ kiɛre nɔle lɛ mi bɛnu lɛ, yé ’bɛ zuowe é dan kɛlɛ lɛ Kazambale bɔ vɔle nya.

Éfez munu 4:16

Kɔlɛvafɛnu faa a é yerele ékema yé wo kɛlɛ fɛ zénle ékeva plɛplɛ do nya, gane plinna valé bɛ plinna miinnu lé we ma, yé Krist ma lé a tinle éé sié, plɛplɛ lé é ke a kɔlɛvafɛnu do do zé nya é zima bɛ, a yɛrama, ’té kɔlɛ ébo dɔa gligli sɔlɛle gi.

Éfez munu 4:4

Fɛan zo lé Kazambale ka laa yé ka bli kɛlɛ we do kpen lɛ, a zo duo lé kɔlɛ a do kpen, yé Kazambale Léli a do kpen,

Éfez munu 5:1

’Ka kɛlɛ Kazambale zuosonazannu nya, sɔlɛnénu wezannu zo.

Éfez munu 5:20

’Ka ka Ti Bale bɔ vɔ yifaama we faa ma, Kaazan Jézu Krist tɔ nya,

Kolɔs munu 1:12

Ti lé é ka ma’lɛrɛ yé ka kazé tɔnɔ ye Kazambale lé munu va fɛna fu va, ’ka a bɔ vɔ ma.

Kolɔs munu 2:7

ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.

Kolɔs munu 3:17

Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

1 Tɛsalɔnik munu 5:18

Wean é sɔ Kazambale lɛ léé, ka a kɛlɛ Jézu Krist gi, yee lé ke ’ko: ’ka Kazambale bɔ vɔ we faa gi.

1 Timoté 2:1

Bɛwemalé an we plaan ka lɛ we bɛnu faa ’lɛ, ’ka fɛnu ma laa, ’ka bazoro, ’ka muun pa, ’ka Bale bɔ vɔ. ’Ka we ’konu kɛlɛ munu faa tɔ ma,

1 Timoté 6:12

’I guli dan, guli zin lé wa daan blipale nya, a nya; vole é yuɛma lé a glɛ ’ka lo, ’bé kun kli. A yele we ma lé Bale i laa, ’té i dɔ a ta munu kiɛre yuɛ va bɛ, yee lé.

Ébrunu 13:15

Jézu lé we ma lé kaa Kazambale tɔ zin fele boo saraka nya Kazambale lɛ yifaama. Kaa lɔlunu lé wa tɔ bɔraan gɔrɔ la, wolé saraka lé.

Wegɔɔnle 7:12

yé wo léé: Amɛɛn! Tɔzinfele koo, kɛlɛle blɛn koo, wedɔɔle koo, bɔvɔle koo, tɔbɔle koo, plɛplɛ koo, gla koo, wa kolé Bale zé nya lɛɛfaama ma! Iiin, é a a zo.