Kolɔs munu 3:11 - Kazambale lé Sebe Sauunu 1979

¹¹ Grɛki koo, Juifi koo, ganedɔzan koo, ganedɔlozan koo, bwigimunu koo, Site mi koo, luu koo, miné koo, wo ’ka ’ko lo, naa, Krist a fɛ faa nya, yé é a we faa gi.

Kolɔs munu 3:11 ပူးပေါင်းရင်းမြစ်များ

Lɛrɛvɔ Sɛbɛ 117:2

Naa, alé zin a blɛn ko vazia, Yé éé yara paan we la yifaama. ’Ka Gakelebale tɔ zin fe.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 52:10

Gakelebale a mi sauun nya fɛan zo, É a nagɔɔn bɛnnu faa yuɛ va; Kolé Bale éé mi sié we gi fɛan zo, Tɛrɛ glɛ sina munu faa é dan a ye lɛ.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Ézékiɛl 47:22

Ka dan a guli lɛ zara nya ’munnu zunle nya, ka koo, bɛnnu lé wo ke ka méléna, ’té wo dan né yaa lɛ ka va koo, kazé nya. Ka dan wo ye lɛ bélé flamunu zo Izraɛl munu méléna. Ka dan zara guli lɛ wo nya ’munnu zunle nya Izraɛl bɛnnu va.

OZÉ (Osée) 2:23

Gakelebale léma: ’Bɛ yi la, maa dan lanu dére ’ma lɛ, yé wo dan tɛrɛ dére ’ma lɛ,

Amɔs 9:12

Yé Édom mi pɔnénu valé bɛn faa lé an tɔ ke wo ma, wo dan kɛlɛ lɛ David kulu zé nya. Gakelebale lé é dan we ’konu lɛ sɔɔ lɛ, a zo lé é a fe.

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

WENÉNÉ LE JAN A GYE (Évangile selon Jean) 14:23

Jézu lé a lɛ léé: Dé an sɔ mianzan lɛ, é dan tawo lɛ an dére ta, yé é dan sɔ lɛ an Ti lɛ, yé ko dan da lɛ a va, yé ko dan ko nyanana kɛlɛ lɛ a va.

WENÉNÉ LE JAN A GYE (Évangile selon Jean) 15:5

Maa a bélé dɔrɔyili zo, yé ka a bélé a bɛnu zo. Mi lé éé voo an gi yé maa voo a gi, éé baan di, naa, dé an ’ka lo, ka ’ka bɔa we do kɛlɛle lɛ lo.

WENÉNÉ LE JAN A GYE (Évangile selon Jean) 17:23

’té maa a wo gi, ’té bii a an gi, wo kɛlɛle tegele mi do nya we gi, yé tɛrɛlamunu a gi dɔɔ léé, bii ɛ an pa zia yé wa dɔɔ é ziin léé, wo sɔ i lɛ, bélé an sɔ i lɛ fɛan zo a zo.

Kelewenu 15:17

Mi pɔnénu lé Mizambale naginile we gi, É valé bɛnnu faa lé, an tɔ ke wo ma, wo nya. Mizambale lé é we ’konu kɛlɛ,

Kelewenu 28:2

Ana bwiimunu wo wezin kɛlɛ ko lɛ é baba. Lɛɛ da yé dunu vɔ é baba, amalé wo kyɛ blɛn sɔn, yé wo ko faa dɔ a zi.

Kelewenu 28:4

Bwiimunu méné ye aan wo é dunle a bɛ ma, wo lé ’wo ke lɛ léé: Mi ’ko a migyɛzan nya weboen nya. A sole wɛyi lee zuo, é ’ka sɔ lɛ Mi Tegle lɛ léé, é vo é yuɛma lo.

Rom munu 1:14

Grɛkinu valé bwigimunu koo, wedɔɔmunu valé tanyilamunu koo, wo faa lɛ wefele vɛɛn a an ma.

Rom munu 10:12

Glɛ ’ka é dɔle Juifinu valé Grɛkinu gi lo. Wo faa zan a do kpen, Mizan nya, yé é a é zin munu faa lé wa tɔ laan, wo lɛ.

Rom munu 3:29

Kazambale ’a Juifinu saa lé Bale nyaa? Gba. É ’ka bɛn bɛnu lé Bale nya loo? Yee lé. É a é ziin bɛn bɛnu lé Bale nya.

1 Korent munu 12:13

Kazambale Léli do kpen nya lé wo kaa faa batizéwo kɛlɛle kɔlɛ do kpen nya we ma; dé ko a Grɛkinu nyaoo, dé ko a luu nyaoo, dé ko a miné nyaoo, yee Léli do kpen lé kaa faa a mini bélé ’yi zo.

1 Korent munu 14:11

Bɛwemalé, dé maa ’ka mi do dére gi maan lo, ’té maa a ’bɛzan yuɛ gi bélé bwiizan zo, yé ’bɛzan a an yuɛ gi bélé bwiizan zo é ziin.

1 Korent munu 7:19

Dé wo mi gane dɔoo, dé wo ’ka a gane dɔ lɛ looo, ’bɛ ’ka we do nya lo; Kazambale lé bélidɔwe kɛlɛle ɛ ke we blɛn nya.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Éfez munu 1:23

yé léglizi a Krist kɔlɛ nya, mi lé éé fɛ faa faan fɛfaana, léglizi a ’bɛzan lɛsɔɔle nya é ziin.

Éfez munu 2:14

Naa, yee ɛ ke kolé zénle ékeva nya, yé zapale lé ke lɛgɔnɔ fié ’ko méléna bélé gɔrɔ zo, é a zana a gi yé é wo fiénu kɛlɛ mi do nya;

Éfez munu 2:15

naa, é bélidɔwe valé a sɔnnénu nyaa ’é kɔlɛ gi, Juifinu valé bɛn bɛnu kɛlɛle mi dɛrɛ nya do kpen yeebozen gi we ma, yé ’bɛ zo lé é wo zén ékeva.

Éfez munu 3:17

Krist ’é nyana ka bli gi ka bli vole a lɛ we ma ma; ka suni ’é wɔra sɔlɛle gi yé ka dɔ a gi gyéiin ma;

Éfez munu 3:6

Yee we yɔɔle lé ke ’ko: Wenéné lé we ma bɛn bɛnu a tɔnɔblezannu nya ko Juifinu va, ko valé wo a kɔlɛ do nya, yé blivolɛdére lé Bale a fe Jézu Krist lé we ma, é a ko valé wo dɔlafɛ nya.

Éfez munu 6:8

Ka a gi dɔɔ léé, kaa faa va mi do do, dé é a luu nyaoo, dé é a miné nyaoo, wezin lé é a kɛlɛ é dan a ma ban ye lɛ Mizan va.

Kolɔs munu 2:10

yé kalé we faa lɛ a é sɔɔle Krist gi; é a la worona wemaplɛplɛzannu valé fɛ faa lé woo wo lɛdɔama, wo nwiinzan nya.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

2 Jan 1:9

Miomian éé go baa yé é ’ka voo Krist lé wepaale va lo, Kazambale ’ka azé nya lo. Yé mian éé tawo wepaalenu ’ko ta, Kazambale valé é Be a azé nya.