Kolɔs munu 3:10 - Kazambale lé Sebe Sauunu 1979

¹⁰ yé mi dɔbɛ dɛrɛ lé éé goo é tavɔɔle nya we dɔɔle gi ’é kɛlɛzan yɛrama bɛ, ’ka ’bɛ si.

Kolɔs munu 3:10 ပူးပေါင်းရင်းမြစ်များ

Wepélisiananu 5:1

Adam kulunu lé sɛbɛ lé ke ’ko. Bale mi kɛlɛ aan wo, é a kɛlɛ é bɔmazan nya.

JOB (Job) 29:14

Maa wetegele zén an ta, yé yee ɛ ke anlé varɔ nya. Anlé we drɔle a anlé varɔ blɛn valé an ’wuo ma nɔɔn nya.

Lɛrɛvɔ Sɛbɛ 51:10

’I ginanale valé fɛti kɛlɛle vun we, maa ’ma, Yé an wɔlɛnu lé i wo yéli bɛ, ’wo dɔ é ke ’léé yé an gi ’é nana ma;

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 59:17

É dan wetegele zén lɛ ’é ta gɔlɛtayɔɔfɛ nya, yé é dan silewegi wɔra lɛ ’é ’wuo ma bélé kanakoro zo; é dan welɛgipale zén lɛ ’é ta varɔ nya, yé é dan maawole zén lɛ ’é ta sɔ zo.

Ézékiɛl 11:19

Maa dan wo bli kɛlɛ lɛ do, yé maa dan bli dɛrɛ pa lɛ wo gi; maa dan gɔlɛbli si lɛ wo gi, yé maa dan bli zin pa lɛ wo gi,

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Ézékiɛl 36:26

Maa dan bli dɛrɛ vɔ lɛ ka gi, yé maa dan léli dɛrɛ pa lɛ ka gi. Maa dan gɔlɛbli si lɛ ka gi, yé maa dan nɛbli nɔ lɛ ka lɛ.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Rom munu 13:12

Béli tanna mɔn, é vo sɛ yé tu é kini. Bɛwemalé ’ka daan gunuti va we kɛlɛle ma, yé ’ka yiéyi lé gulidanfɛnu sia.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

Rom munu 6:4

Kaa ga wo nya yé Bale kaa pa wo nya, kaa batizéwole nya, léé, fɛan zo lé Ti lé plɛplɛ Krist nwa gamunu va, a zo duo lé kaa é ziin, kaa tawo tawobɛ dɛrɛ nya.

Rom munu 8:29

Munu lé é wo dɔɔ ézé nya é vinin, é wo dɔ é kyɛn é Be bɔmazannu nya é ziin, a Be kɛlɛle né vininzan nya bwe kiɛre worona we gi.

2 Korɛnt Munu 3:18

Yé sɔné ’ka ko yara lo amalé ko Mizan lé fuasan yé tegele bélé fɛan zo lé mi é ’é yara yé vlinvlin gi, a zo. ’Bɛ zo lé, Mizan Léli éé goo ko dɔbɛ nɔlale nya, ’té éé kolé fuasan taa paan, fɔɔ yé kolé fuasan é kɛlɛ bélé Mizan zé zo.

2 Korɛnt Munu 4:16

Bɛwemalé ko fuu ’ka sié ko ta lo. Dé ko kɔlɛ a gana ko maoo, mi lé é ke ko gi, ’té éé nɔlaan é boroné nya yi faa do do ma.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

2 Korɛnt Munu 5:17

Dé mi a Krist gi, ’té é a mi dɛrɛ nya; we kyɛnnu faa gié yé wenu faa kinin we dɛrɛnu nya.

Galasi munu 3:27

Ka faa lé wo ka batizéwo Krist gi, ka Krist zén ka ta sɔ zo.

Galasi munu 6:15

Naa, dé mi gane a é dɔleoo, dé a gane ’ka é dɔle looo, ’bɛ ’ka we do kpen nya lo; kɛlɛle mi dɛrɛ nya ɛ ke we nya.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Éfez munu 2:15

naa, é bélidɔwe valé a sɔnnénu nyaa ’é kɔlɛ gi, Juifinu valé bɛn bɛnu kɛlɛle mi dɛrɛ nya do kpen yeebozen gi we ma, yé ’bɛ zo lé é wo zén ékeva.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

Kolɔs munu 3:14

Naa, we ’konu ta loru, munu ’é sɔ ka lɛ ma; sɔlɛle a we lɛsɔɔle nya yé é a bélé kyɛsidi lé wa dɔ sɔ la, a zo.

Filémɔn 1:6

Maa a laana Kazambale lee léé, wezin faa lé ke kaazé nya Krist gi, kaa nanale ékeva Bale lé we gi we ma lé, munu a gi dɔɔ.

Ébrunu 6:6

dé wo diéra, ’té wa Kazambale Be gyɛna é ziin yiliblan ta yé wa yaragyɛwe bɔna a ma, bɛwemalé mi ’ka bɔa dale lɛ wo nya wo pa gi yé wo ’wo bli nɔla é dɛrɛ lo.

1 Jan 2:3

Dé ko Jézu lé bélidɔwenu kɛla, ’bɛna lé ko gi dɔɔ léé, ko Jézu dɔɔ.

1 Jan 2:5

Naa, mian éé tawoo Jézu dére ta, Kazambale lé sɔlɛle boen a ’bɛzan gi weboen nya. Ka a Jézu gi weboen nyaa? A tɔmase lé ke ’ko:

Wegɔɔnle 21:5

Yé webleblin tazan léé: Bé ye, maa fɛnu faa kɛlɛ fɛ dɛrɛnu nya. Yé é léé: ’Bé gyɛ ma, naa, we ’ko a sɔbɛlawe nya yé é a webozen nya.