Kolɔs munu 3:1 - Kazambale lé Sebe Sauunu 1979

¹ Bɛwemalé, dé Bale ka nwa ékeva Jézunu nya gamunu va, ’ka lagi loru fɛnu nagini, fɛana lé Krist ke é nyanale Kazambale bɛyila, ana.

Kolɔs munu 3:1 ပူးပေါင်းရင်းမြစ်များ

Lɛrɛvɔ Sɛbɛ 110:1

David zé lé. Lɛrɛ do lé. Gakelebale lé anzan lɛ léé: ’I nyana an bɛyila, Fɔɔ yé maa i nyanézannu pla i wuo.

Lɛrɛvɔ Sɛbɛ 16:11

I dan vole é yuɛma zi gɔɔn lɛ an lɛ. Ginanale kiɛre boen ana i yara, Yé ginanamawenu lé woo ’ka nyaan lo, wa i bɛyila.

Wegɔnévɔlenu 15:24

Wedɔɔzan bélizi éé goo loru, a paale we gi, zi lé éé goo gamunu nyanana lé ke guru gi, a ma.

Bale Lé We Gifezan 10:2

Wedɔɔzan bli a é bɛyilazia, yé tavozan bli a é bɛbolazia.

Matio 22:44

Mizambale lé anzan lɛ léé: ’I nyana an bɛyila Fɔɔ yé maa i nyanézannu pla i wuo.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Matio 6:20

Naa, ’ka fɛwezannu téé la gi; boworo valé gyan ’ka wo sɛra ’bɛna lo; kyeenwozannu ’ka wɔraan kɔn gi yé wo fɛnu sia kyeen nya ’bɛna lo.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

Maak 12:36

David bozen a fe Léli Sauun nya léé: Mizambale lé anzan lɛ léé: ’I nyana an bɛyila Fɔɔ yé maa i nyanézannu pla i wuo.

Maak 14:62

Jézu a zi pa a lɛ léé: Iin, maa lé. Yé ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Maak 16:19

Mizan we fe aan wo wo lɛ faa, yé Bale a sia yé é goan la gi, yé é nyana Kazambale bɛyila.

WENÉNÉ LÉ LUK A GYE (Évangile selon Luc) 12:33

’Ka ka leefɛnu dan yé ’ka a ma gɔɔli nɔ nyanégyɛmunu lɛ. Gɔɔli pa balanu lé wo ’ka sɛra lo, ’ka wo kɛlɛ kabo zé nya, yé fɛwezan lé é ’ka nyaan lo, ’ka wo téé la gi, fɛana lé kyeenwozan ’ka wɔraan lo, yé gyan ’ka vɔa fɛ ma lo, ana.

WENÉNÉ LÉ LUK A GYE (Évangile selon Luc) 20:42

Lɛrɛvɔ Sɛbɛ gi David bozen léé: Mizambale lé anzan lɛ léé: ’I nyana an bɛyila

WENÉNÉ LÉ LUK A GYE (Évangile selon Luc) 22:69

É sia bléyi ’ko va, maa blami Be, an dan nyana lɛ Plɛplɛfaazan bɛyilazia.

Kelewenu 2:34

David ’ka go lɛ la gi lo, naa, yeebozen léé: Mizambale lé anzan lɛ léé: ’I nyana an bɛyila

Kelewenu 7:55

Naa, Léli Sauun Étiɛne kun, yé é lagi gini téiin, yé é Kazambale lé fuasan ye, yé é Jézu ye é dɔle Kazambale bɛyila.

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

Rom munu 8:6

Gibɔrɔle mi dɔbɛ kyɛn lé we nya, a ’wuo éé plaan ga nya, yé gibɔrɔle Kazambale Léli lé we nya ’wuo éé plaan bélile valé vole drɔɔ nya.

2 Korɛnt Munu 4:18

Yé é ziin, fɛnu lé mi éé ’bɛnu yé é yuɛ nya, ko ’ka ko yuɛ vɔa ’bɛnu ta lo, ko yuɛ vɔa fɛnu lé mi ’ka wo yé é yuɛ nya lo, wo ɛ ta; naa, yuɛyefɛnu a giéfɛnu nya yé fɛnu lé mi ’ka wo yé é yuɛ nya lo, wo dan vo lɛ ana lɛɛfaama, a glɛ ’ka lo, azama.

Éfez munu 4:10

Mi lé é zun tɛrɛ wuo, yee duo ɛ go lanu faa ta loru, fɛnu faa fanle we gi.

Éfez munu 5:22

’Kaa gɔné nanu, ’ka pla ka zananu wuo bélé fɛan zo lé ka ke Mizan wuo, a zo.

Kolɔs munu 2:20

Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo?

Kolɔs munu 3:2

Ka bli ’é bɔ lagi loru fɛnu ma ma, té ka bli é bɔ tɛrɛlafɛnu ma lo.

Ébrunu 1:13

Yé lanjenu va lanje kyɛn lɛ lé Bale léé: ’I nyana ’é bɛyila Fɔɔ yé ’é i nyanézannu faa pla i wuoo?

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 10:12

Naa, Balebanzan ’ko zé a é yɛrama. É wenyané ma saraka bo gɔnɔ do ’té, ’bɛ zuo, é nyana Kazambale bɛyila yé é a yifaama é nyanale ’bɛna,

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.