Kolɔs munu 2:4 - Kazambale lé Sebe Sauunu 1979

⁴ Maa a we ’ko fena léé, té mi do kpen é ka saan dabli dérenu nya lo we ma.

Kolɔs munu 2:4 ပူးပေါင်းရင်းမြစ်များ

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 24:4

Jézu a zi pa wo lɛ léé: ’Ka yuɛ pa kabozen va, té mi do kpen é ka saan lo ma.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Kelewenu 20:30

Yé maa gi dɔɔ léé, ka va mi kenu é dan nwa lɛ yé wo dan zirizowenu paa lɛ munu gi, yé Jézu zuomunu é dan zén lɛ wo zuo.

1 Korent munu 2:4

Maa ’ka we paa lɛ ka gi yé an Bale dére fe ka lɛ blami lé wedɔɔdére nya lo, naa, maa ka bɔn‐in kini Léli Sauun lé plɛplɛ nagɔɔnle nya,

2 Korɛnt Munu 11:3

Naa, fɛan zo lé méné Eve saan élé dabli kɛlɛle nya, an kana léé, dé ka ’wuo é da sɛrɛ yé ka ’ka Krist kunwo ka bɛ fié nya yé ka vo a va loo?

Galasi munu 2:4

naa, maa a kɛlɛ viébwenu lé wo da kyeen gi yé wo wɔra ko worona bɛ, wolé we ma. Ko vole koboma lé ko a ye Jézu Krist gi, wo da a mavɔɔle we gi, ko kɛlɛle luu nya é ziin we ma.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Kolɔs munu 2:18

Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

Kolɔs munu 2:8

’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo.

2 Timoté 2:16

’I paa tɛrɛla boawenu fele ma, naa, munu lé woo wo fé, wolé Kazambale lé zi sɔnɔwe gi é dan gyɛ lɛ yifaama,

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

1 Jan 2:18

Né kiénénu, bléyi voéla lé é ke ’ko. Ka a ’ma léé, Kristmazan é dan da lɛ, yé sin, Kristmazannu kiɛre ana. Amalé ko a gi dɔɔ léé, bléyi voéla bɔ.

1 Jan 2:26

Maa we ’konu gyɛ ka lɛ ka ’wuo?-?sɛrɛzannu lé we ma.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

2 Jan 1:7

Misaanmunu kiɛre ana tɛrɛ la sin. Wo léé: Jézu Krist ’ka da lɛ blami nya lo. Misaanzannu lé é ke wo nya; Jézu Krist mazannu lé é ke wo nya.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 20:3

É a vuli guru lé a wɔlɛ ma nyaana ’ka lo, a gi, yé é a lɛ tan a ta yé é a ’léé béé, té ’é bɛnnu saan é dɛrɛ lo we gi, fɔɔ yé lɛɛ wuru soru lɛ é sɔɔ. ’Bɛ zuo é a lé wo daan a ma sɛ.

Wegɔɔnle 20:8

É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.