Kolɔs munu 2:18 - Kazambale lé Sebe Sauunu 1979

¹⁸ Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

Kolɔs munu 2:18 ပူးပေါင်းရင်းမြစ်များ

Wepélisiananu 3:13

Yé Bale, Gakelebale lé lezan lɛ léé: Mɛmalé i ’bɛ kɛlɛɛ? Lezan ézé fe léé: Méné dabli kɛlɛ an lɛ yé maa a ble.

JOB (Job) 38:2

Mi lé é an giwe ta saan Élé boawe fele nya, de léé?

Ézai 57:9

Ka goo nyɔnɔ nya minwiinzan blɛn va; kalé zianbla ginzannu bo bɔ. Ka munu nwunvɔa baa, ka goo kalé wenyané kɛlɛna fɔɔ yé kabo zun gamunu nyanana.

Ézékiɛl 13:3

Mizan Gakelebale léma: ’Tugyɛ balelayezannu lé woo tawoo ’wobo ’wuogiwe zuo, ’té wo ’ka yuɛziwe do kpen ye lɛ lo, we tɔntɔn ’é bɔ wo ma ma.

Daniɛl 11:38

Naa, duowo, kɔn plɛplɛnu lé wo gi bale ke é dɔle é dɔlafɛ ta, é dan wo lɛdɔ lɛ a ma. Bale ’ko lé a tranu ’ka a dɔɔ lɛ lo, é dan blɛ kɛlɛ lɛ a lɛ, kyan koo, gɔɔlifu koo, gɔlɛwezannu koo, fɛ vlɛzannu koo, wo nya.

Mi Nɔnɔle 25:18

Naa, wo ’wobo nagɔɔn ka nyanézannu nya. Wo ka saan wolé dabli kɛlɛle nya Péɔɔ lé we gi, yee valé wo buru Kozbi lé we gi; Madian minwiinzan do lu lé; wa gyɛ migyɛgyɛ nya a yi la bɛ, ’té wa Péɔɔ bɔna.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Rom munu 1:25

wo Kazambale lé webozen tavɔɔ vié nya yé Fɛfaakɛlɛzan lé, é a lé mi a drɔɔ vo lɛɛfaama a glɛ ’ka lo, wo ’bɛ vo yé wo ’bɛ kɛlɛfɛnu lɛdɔama ’bɛ pa gi, ’té woo ’bɛnu bɔa, azama. Amɛɛn.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

1 Korent munu 13:4

Sɔlɛle bli a tiéé; é a é fanle zin nya, é ’ka maawoo lo; sɔlɛle ’ka we blɛn fé lo, é ’ka bliian boblɛn nya lo.

1 Korent munu 3:3

Dé maawole valé zavɔlenu a tan ka méléna, ’té ka ’ka ka dɔbɛ kyɛn gi loo? Yé té ka ’ka tawona munu lé tawobɛ yɛrama loo?

1 Korent munu 4:18

Mi kenu wobo kɛlɛ blɛn, bélé fɛan zo lé maa ’ka dan go lɛ ka va lo, a zo.

1 Korent munu 4:6

Bwenu, kalé we ma lé maa we ’konu dan maa valé Apolɔs ma, we paale ka gi we ma léé, té ka gié we lé wa gyɛ sɛbɛ gi, a ta lo; té ka kabo kɛlɛ blɛn mi do tɔ gi lo, ’té ka sɔn vɔa mi do ma lo.

1 Korent munu 8:1

Dé é a yobanwinu lé we nya, ko faa ’bɛ gi dɔɔ wéiin. Wedɔɔle éé mi bliian boblɛn nya; naa, sɔlɛle éé mi dɔa gligli.

1 Korent munu 9:24

Ka a gi dɔɔ léé, munu lé woo za kɛla vlan buruna, wo faa éé vlan buruwo, naa, wo va mi do kpen ɛ a ma gooli yé. Yee kaan loo? ’Ka vlan buru a yebɛ yɛrama.

2 Korɛnt Munu 11:3

Naa, fɛan zo lé méné Eve saan élé dabli kɛlɛle nya, an kana léé, dé ka ’wuo é da sɛrɛ yé ka ’ka Krist kunwo ka bɛ fié nya yé ka vo a va loo?

2 Korɛnt Munu 12:20

Naa, an kana léé, dé maa bɔ ka va, maa ’ka dan ka ye lɛ bélé fɛan zo lé é sɔ an lɛ, a zo lo, yé ka dan maa ye lɛ fɛan zo lé é ’ka sɔ lɛ ka lɛ lo, a zo. An kana léé, wesiale koo, maawole koo, zapale koo, zakɛlɛle koo, mi tɔ sɛrɛle koo, mi tɔ naané bɔle koo, boblɛn koo, we bilibili koo, maa dan wo ye lɛ.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Bélidɔwesɛbɛ Fiézan 29:29

Weyɔɔlenu a Gakelebale, kolé Bale zé nya; wenagɔɔnlenu a ko valé kolé nénu zé nya, yifaama, léé, ko tawo bélidɔwe ’konu faa ta.

Filip munu 3:14

’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.

Kolɔs munu 2:23

Wezen lé, we ’konu a munu yuɛ gi bélé wedɔɔle zo; woo Bale bɔa ’wobo lé plɛplɛ nya, woo ’wobo kɛla kiéné, woo nyané paan ’wobo kɔlɛ ta, azama. Naa, we ’konu tɔnɔ ’ka lo, wo sɔ mi dɔbɛ kyɛn lɛ é pla.

Kolɔs munu 2:4

Maa a we ’ko fena léé, té mi do kpen é ka saan dabli dérenu nya lo we ma.

Kolɔs munu 2:8

’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo.

1 Timoté 1:7

É sɔ wo lɛ léé, ’wo kɛlɛ bélidɔwe dɔɔzannu nya, naa, dérenu lé wa fé, é valé we lé wa fé wo sɔbɛla nya bɛ, wo ’ka wo gi maan lo.

1 Timoté 4:1

Naa, Kazambale Léli lé wéiin léé, bléyi voélanu nya mi kenu é dan si lɛ Kazambale lé we gi yé wo dan ’wo péli vɔ lɛ misaanyonu valé yonu lé wepaale va.

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

1 Jan 2:26

Maa we ’konu gyɛ ka lɛ ka ’wuo?-?sɛrɛzannu lé we ma.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 3:11

Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.