Kolɔs munu 2:16 - Kazambale lé Sebe Sauunu 1979

¹⁶ Bɛwemalé, té ka nyi si léé, mi do é ka béli dɔ fɛblele koo, fɛminile koo, fɛti lé we koo, moné dɛrɛ lé we koo, flinyi lé we koo, wolé we ma lo.

Kolɔs munu 2:16 ပူးပေါင်းရင်းမြစ်များ

2 Minwiinzannu 4:23

Yé é léé: Mɛmalé i a a va léé, i go a va kyɔɔ? Moné dɛrɛ ’ka tan bɔra lɛ lo, yé flinyi kaan lo. É lé é zana lɛ léé: Té i ’bɛ gi bɔrɔ pa lo.

Minwiinzannu lé Wezuofe Sɛbɛ 23:31

fɛnu faa lé wa no Gakelebale lɛ a kyɛblele nya, wa no yifaama, flinyinu koo, moné dɛrɛ bɔrale faa koo, fɛtinu koo, wo faa bléyi va, wo ’léé a fɛan zo, yé wo dɔnama a fɛan zo, a yɛrama.

2 Minwiinmunu lé Wezuofe Sɛbɛ 31:3

Minwiinzan blɛn ’é leefɛ kenu nɔ balebanwinu lé wa kyɛ blé, wo nya; bladi valé nyanadi zé koo, flinyinu zé koo, moné dɛrɛnu valé fɛtinu zé koo, é wo nɔ, fɛan zo lé wa gyɛ Gakelebale lé bélidɔwe gi, a zo.

Néémi 10:31

yé dé tɛrɛ ’ko la munu da danfɛnu valé blefɛnu nya flinyi nya wo danle we ma, ko fe léé, ko ’ka dan wo va fɛ do kpen lɔ lɛ flinyi valé fɛtiyi la lo, yé é ziin, ko fe léé, a lɛɛ sɔrafiézan nya, ko ’ka dan féi pa lɛ lo, yé munu lé kolé vɛɛn ke wo ma, ko ’ka dan go lɛ vɛɛn la wo va ’bɛ lɛɛ gi lo.

Néémi 10:33

Bale ’lɛburu koo, blɛ lé a nɔle ’ka nyaan lo koo, balebanwi lé wa kyɛ blé, ’té a nɔle ’ka nyaan lo, ’té é ke flinyinu koo, moné dɛrɛnu koo, fɛtinu koo, wozé nya bɛ, yee koo, fɛnu lé ke é pale é yɛrama koo, Izraɛl lé wenyané ’yibo sarakanu koo, we faa tere lé wa kɛla kolé Bale lé kɔn gi koo, woo siklagɔɔli no yee nyanamanu ’ko lé we ma, lɛɛ do do ma.

Néémi 8:9

Gbɔrɔnama Néémi koo, Ezidras lé ke Balebanzan valé sɛbɛgifezan nya, yee koo, Lévinu lé wo we paa munu gi koo, wo lé munu faa lɛ léé: Yi ’ko a Gakelebale, kalé Bale lé yi nyané nya; té ka kle pa kabo ta lo, té ka wuvɔ lo. Naa, munu faa lé wo bélidɔwe dérenu ’ko ’ma, wo wuvɔ.

Lɛrɛvɔ Sɛbɛ 42:4

An yuɛyi kɛlɛ anlé fɛblele nya é yiéyi valé é béli, ’Té wa fé an lɛ bléyi faa ma léé: Izé Bale a kyɛɛn?

Lɛrɛvɔ Sɛbɛ 81:3

’Ka lɛrɛ vɔ, ’ka poo gyɛ yé a dére ’é we, Kɔnɔ lé a dére ke néné, é valé gitaa, ’wo wo gyɛ ma.

Ézai 1:13

Té ka an ban boafɛ nya é dɛrɛ lo; lasikɔrɔpo koo, moné dɛrɛ fɛtinu koo, flinyinu valé zénle ékevanu koo, wo faa an bli la naanaa. Wenyané lé ka kɛla kalé fɛti blɛnnu bléyi va, maa ’ka dɔa ’bɛ nyi wuo lo.

Ézékiɛl 4:14

Yé maa léé: Aa, Mizan Gakelebale, bé ye, anboen tiri ’ka dɔ lɛ monomono lo; é sia an kiéné ma fɔɔ bléyi ’ko va, dé é a wi gale nyaoo, dé é a wi lé fɛ a gyɛ, a nyaoo, maa ’ka tan a vinin ble lɛ lo. Yé wi nɛ tiridɔle ’ka tan wɔra lɛ an ’léé lo.

Ézékiɛl 45:17

Sarakanu faa lé wa bo fɛti koo, moné dɛrɛ bɔrale koo, flinyinu koo, Izraɛl lé fɛtinu faa koo, wo nya, ’bɛ faa a wo nwiinzan nwiin kɔné nya. Wenyané ’yibo saraka koo, blɛ koo, balebanwi lé wa kyɛ blé koo, bɔvɔ saraka koo, yee ɛ wo no Izraɛl munu lé wenyané ’yibo saraka nya.

Lévinu 16:31

É dan kɛlɛ lɛ kalé flinyi valé kabo kɛlɛle kiéné yi nya. É a bélidɔwe lé a glɛ ’ka lo, a nya.

Amɔs 8:5

Ka léma: Yiba, mɛ bléyi va lé moné dɛrɛ yi éé giéan yé ko ’sa daan? Mɛ bléyi va lé flinyi éé giéan, yé ko kolé boonu lɛ soo? Ko dan fɛdangifɛ wɔra lɛ ékeva yé ko dan a vlɛ taa pa lɛ, ko dan kilo kɛlɛ lɛ dabli nya;

Mi Nɔnɔle 10:10

’Ka béli fɛn ka ginanayinu valé kalé fɛti yinu la, ’té ka balebanwi kyɛ blé Gakelebale lɛ, ’té ka Bale bɔvɔ sarakanu boo, yé wo dan ka sele dɔ lɛ maa, kalé Bale gi. Maa a Gakelebale, kalé Bale nya.

Matio 15:11

Fɛ lé éé wɔraan mi ’léé, é ’ka mi tiri dɔa lo, naa, we lé éé bɔraan mi ’léé, yee ɛ mi tiri dɔa.

Maak 7:19

’Bɛ ’ka goo a bli gi lo; éé goo a bɔn gi yé éé goo fɛyɔɔna. We ’ko fele nya lé Jézu fɛ faa kɛlɛ blefɛ nya.

Kelewenu 15:20

Naa, ’wo sɛbɛ gyɛ wo lɛ léé: Fɛ lé wa no miyilinu lɛ, ’té é kɛlɛ é lɛrɛlɛrɛ, té wa ble lo; té wo pɛnpɛnné gyɛ lo; winu lé fɛ fɔnɔ wo bɔrɔ gi yé wo ga, té wo ’bɛnu ble lo; té wo wi nyɛ ble lo.

Rom munu 14:10

Naa, bii, mɛmalé i i bwe ma we bléé? Yé bii, mɛmalé i i bwe yé mi ple nyaa? Naa, kaa faa é dan dɔ lɛ Kazambale lé webleblin ’lɛ.

Galasi munu 4:10

Yinu koo, monénu koo, bléyinu koo, lɛɛnu koo, ka a wolé we kɛlɛna.

Kolɔs munu 2:20

Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo?

Ébrunu 13:9

Té ka we paale dɛrɛ bɛnu nyi si lo. Naa, mi bli dɔle gligli zin nya fila vɔ é mini fɛblelenu lé, wo tɔnɔ ’ka é blemunu ma lo, wo ta.

Ébrunu 9:10

Balebanle ’ko zo a tɛrɛla bélidɔwe nya é pla; fɛblele koo, minifɛnu koo, fɛ valé mi zurubɛ faa koo, ’bɛnu a a ma wenu nya, yé wo vo ana fɔɔ yé we tavɔɔ bléyi bɔ.

SEBE LÉ JAK A GYE (Épitre de Jacques) 4:11

Bwenu, té ka wenaané fe ka ke ma lo. Dé mian wenaané fe é bwe ma, dé mian é bwe ma we ble, ’té é a wenaané fena bélidɔwe ma, ’té é a bélidɔwe ma we blena. Yé dé i a bélidɔwe ma we blena, ’té i ’ka a ta tawozan nya lo, ’té i a a ma we blezan nya.

1 Samuɛl 20:18

Jonatan lé a lɛ léé: Moné dɛrɛ é dan bɔra lɛ tɛlɛ; i nyanana é dan vo lɛ é pla, amalé wo dan a ye lɛ léé, i ’ka ana lo.

1 Samuɛl 20:5

David a zi pa léé: Bé ye, moné dɛrɛ é bɔraan tɛlɛ, yé é a lé maa nyana minwiinzan va fɛblele we gi; ’i zi nɔ an lɛ ’an go, yé maa dan yɔɔ lɛ féi fɔɔ zuoma yiri vɔle nya.