Kolɔs munu 1:9 - Kazambale lé Sebe Sauunu 1979

⁹ Bɛwemalé, é sia yian nya lé ko ka tawe ’ma, ko ’ka daanma bazorole ma Kazambale lɛ ka tɔ ma lo; ’té ko a laan Bale lee léé, ’é we dɔɔle faa nɔ ka lɛ yé ’é ka gi kini léliwenu gi, yé ’bɛ zo lé ka alé blibɔmawe dɔɔ,

Kolɔs munu 1:9 ပူးပေါင်းရင်းမြစ်များ

Lɛrɛvɔ Sɛbɛ 119:99

An bɔn‐in bɔrɔan ilé wepladérenu ma, Amalé an we dɔɔ é mini an gi wepaazannu faa ta.

Lɛrɛvɔ Sɛbɛ 143:10

’I ilé blibɔmawe kɛlɛle paa an gi, Naa, bii a anzé Bale nya. I léli zima ’é go an nya zi tegele ta ma,

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 12:5

Sunyanu vo ’wo yuɛ pana Piɛri ta bokɔn gi yé léglizigimunu ’ka daan lɛ a ma bazorole ma Kazambale lɛ lo.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

1 Korent munu 1:5

Maa Bale bɔ vɔa léé, é fuafɛnu faa fan ka lee Jézu Krist gi. Krist lé we a é dɔle gligli ka worona, amale ka we faa dɔɔ, yé a fedére a ka ’léé.

Éfez munu 1:8

’Bɛ zo lé Kazambale élé zin blɛn kɛlɛ kaa lɛ kiɛre wedɔɔle gɔnɔ faa valé gi kinile gɔnɔ faa nya.

Éfez munu 5:10

We lé é sɔ Mizan lɛ, ’ka yee ɛ nagini;

Éfez munu 5:17

Bɛwemalé, té ka kɛlɛ ’tugyɛzannu nya lo, naa, Mizan lé blibɔmawe a fɛan zo, ’ka a dɔɔ ma.

Éfez munu 6:6

Té ka kɛlɛ wo yuɛ va saa na lo, bélé fɛan zo lé ka a kalé we kɛlɛna munu yuɛ va néné, a zo lo, naa, ’ka kɛlɛ bélé Krist wuomunu lé wo ke Kazambale lé blibɔmawe kɛlɛna wo bli faa nya, wo zo.

Filip munu 1:4

É sia yian nya lé ka Wenéné ’ma é vinin fɔɔ kyɔ, ka bɔ ko va Kazambale lé Wenéné nwɛɛnna. Amalé, dé maa a bazorona ka faa tɔ ma, an bazoroan yifaama gi nanale nya.

Kolɔs munu 1:6

Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

Kolɔs munu 4:5

’Ka we kɛlɛ béeramunu vazia wedɔɔle nya; té ka bléyi do kpen sɛrɛ é pla lo.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 5:17

Té ka daan bazorole ma lo.

2 Tɛsalɔnik munu 1:11

Bɛwemalé ko bazoroan yifaama ka tɔ ma léé, ka‐an Bale ka laa, kolé Bale ’é ka ye munu lé wo laa yara lé, wo nya; yé a bɔn‐in danmawe zimanu faa koo, nyanamanu lé woo sié kalé blipale va koo, ’é wo kɛlɛle lɛ sɔɔ ka lɛ élé plɛplɛ nya.

Filémɔn 1:4

Maa anlé Bale bɔ vɔa yifaama, ’té an bazoroan i tɔ ma.

Filémɔn 1:6

Maa a laana Kazambale lee léé, wezin faa lé ke kaazé nya Krist gi, kaa nanale ékeva Bale lé we gi we ma lé, munu a gi dɔɔ.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

1 Piɛri 2:15

É a Kazambale lé blibɔmawe nya léé, wezin kɛlɛle nya lé ka tavomunu lé tanyila wefele tadɔa.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.

1 Jan 2:17

Tɛrɛlawe éé giéan, é valé ’é sɔlɛwenu nya é ziin. Naa, mian éé Kazambale lé blibɔmawe kɛla, éé voo ana lɛɛfaama.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.