Kolɔs munu 1:6 - Kazambale lé Sebe Sauunu 1979

⁶ Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

Kolɔs munu 1:6 ပူးပေါင်းရင်းမြစ်များ

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Lɛrɛvɔ Sɛbɛ 98:3

Alé zin koo, a yara pale Izraɛl mawe kɛlɛle ta koo, Wo sele dɔ a gi. Kolé Bale éé mi sié we gi fɛan zo, munu a ye fɔɔ tɛrɛ glɛ sina.

Matio 24:14

Wo dan Kazambale plale mi nwiin lé wenéné ’ko fe lɛ tɛrɛ faa la, wenayedére nya, bɛnnu faa lɛ. A zuo, a ’wuo pla bléyi é dan bɔ lɛ.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Maak 16:15

Yé é lé wo lɛ léé: ’Ka go tɛrɛ faa la, yé ’ka Wenéné ’ko fe munu faa lɛ.

Maak 4:8

A wɔlɛ kenu dia tɛrɛ zima ta, yé a gɔn bɔ, yé é toro, yé a wɔlɛ baa, yé a nɛnɛ do wɔlɛ kɛlɛ yɔ do wɔlɛ vu, a nɛnɛ do wɔlɛ kɛlɛ yɔ yaa, a nɛnɛ do wɔlɛ kɛlɛ yɔ soru.

WENÉNÉ LE JAN A GYE (Évangile selon Jean) 15:16

Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

WENÉNÉ LE JAN A GYE (Évangile selon Jean) 17:19

Yé maa anbozen pa é yɛrama wolé we ma, wo é ziin, wo pale é yɛrama webozen yɛrama we gi.

WENÉNÉ LE JAN A GYE (Évangile selon Jean) 4:23

Naa, bléyi do é dan bɔ lɛ yé é bɔ sin, a nya lé Balebɔmunu bozennu wo dan Ti bɔ lɛ léli valé webozen nya. Balebɔmunu lé, Ti ke wo naginina, wo lé ke bɛ.

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 12:24

Naa, munu vo Kazambale dére nwɛɛnna, yé a lɛ vo sina duowo.

Kelewenu 16:14

Le do ana bɛ, wa laama Lidi, é a tɔmunu lé sɔdanzan nya yé é si Tiatii. Le ’ko éé kanaan Kazambale lee, yé é tɔné dɔ ko lɛ. Mizambale a bli lɛ so, we lé Pɔl a fe, a ’male we gi.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Rom munu 1:13

Bwenu, é sɔ an lɛ léé, ka a gi dɔɔ léé, gɔnɔ kiɛre nya maa a a va léé, an go ka va, anlé nyanama ma tɔnɔ ke yele we ma ka méléna, bélé fɛan zo lé maa a ye bɛn bɛnu méléna, a zo; naa, fɔɔ bléyi ’ko va maa ’ka tan zi ye lɛ lo.

Rom munu 15:19

gyɛzorowenu valé weblɛnblɛnnu kɛlɛle koo, Léli Sauun lé plɛplɛ koo, wo nya lé Jézu Krist bɛn bɛnu kɛlɛ ’é lɛdɔmazannu nya. ’Bɛ zo lé an Krist lé Wenéné faa nwɛɛn di, é sia Jérusalɛm valé é sɔnɔ tɛrɛnu ma fɔɔ yé é bɔ Iliri tɛrɛ la.

Rom munu 15:28

Dé an we ’ko kɛlɛle lɛ sɔɔ faa, dé maa blɛ ’konu nɔ wo lɛ, maa dan go lɛ Esipanye yé maa gié ka vazia.

Rom munu 16:26

naa, sin, a ta bɔra balelayemunu lé sɛbɛ gyɛle nya. Gakelebale a béli dɔ a zo, yé sin wa nagɔɔn bɛnnu faa lɛ, wo bli vole Kazambale lé we lɛ we gi yé wa lɛdɔma.

2 Korɛnt Munu 10:14

Ko ’ka mi vininnu lé wo Kazambale lé Wenéné fe ka lɛ, wo nya loo? Dé ko go ka va é vinin ’naan, mɛmalé sin é dɔ ka gi léé, ko ko glɛ kini siin?

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Éfez munu 3:2

Naa, ka ’ka a ’ma lɛ léé, Kazambale élé zin bɛ pa an lee kalé tɔnɔ yele we ma loo?

Éfez munu 4:21

’té dé ka alé we ’ma webozen nya, ’té webozen lé é ke Krist gi, ’té ’bɛ yɛrama lé wo we paa ka gi.

Éfez munu 4:23

yé Kazambale Léli ’é ka kɛlɛ mi dɛrɛnu nya ka ’wuogibɔrɔlenu gi,

Éfez munu 5:9

Naa, mi va kinile tɔnɔ lé ke wezin gɔnɔ faa koo, we tegele gɔnɔ faa koo, webozen gɔnɔ faa koo, wo nya.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 4:17

É ka kɛlɛ lɛ léé, maa a blɛnu ginina lo; naa, é sɔ an lɛ léé, ka tɔnɔ ye yé ka gooli ye a ma.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

1 Tɛsalɔnik munu 1:5

Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

2 Tɛsalɔnik munu 2:13

Ko bwenu, ka sɔ Mizambale lɛ é baba, amalé é a lé ko Kazambale bɔ vɔ yifaama kalé we ma. Naa, a péli sia bléyi va Kazambale ka si a va ka sile we gi we ma. Kazambale Léli lé ka kɛlɛle sauun valé ka bli vole webozen lɛ, ’bɛ ka si we gi.

1 Piɛri 5:12

Maa a dére sɛ ’ko pana ka lɛ zia Silvɛn lé é ke an yuɛ gi yarapawela bwe nya, a lee. Maa a gyɛ we plale ka lɛ valé ka bɔn gi kinile we gi léé, Kazambale lé zin bozen a ’bɛ ɛ zo. ’Ka dɔ a ta ma.