Kolɔs munu 1:5 - Kazambale lé Sebe Sauunu 1979

⁵ Fɛ lé a ta ke é dɔle kazé nya la gi, ka bli a ’bɛ lɛ, bɛwemalé ka bli a é pale yé sɔlɛle a ka gi. Bli vole we lɛ ’ko, ka a dɔɔ, webozen dére lé ka a ’ma é kyɛn, ’bɛ a gɔɔn ka lɛ, ’bɛ gi léé, Wenéné a gɔɔn ka lɛ.

Kolɔs munu 1:5 ပူးပေါင်းရင်းမြစ်များ

Lɛrɛvɔ Sɛbɛ 31:19

Kwakwa ’é vɔ viéwolɔlunu ta ma, Yuɛma plɛplɛ lɔlunu lé woo we fé mi tegele ma, Boblɛn naané valé serele bole nya, kwakwa ’é vɔ wo ta ma.

WENÉNÉ LÉ LUK A GYE (Évangile selon Luc) 12:33

’Ka ka leefɛnu dan yé ’ka a ma gɔɔli nɔ nyanégyɛmunu lɛ. Gɔɔli pa balanu lé wo ’ka sɛra lo, ’ka wo kɛlɛ kabo zé nya, yé fɛwezan lé é ’ka nyaan lo, ’ka wo téé la gi, fɛana lé kyeenwozan ’ka wɔraan lo, yé gyan ’ka vɔa fɛ ma lo, ana.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Kelewenu 13:26

An bwenu, ka lé ka ke Abraam kululazannu nya, ka lé ka kanaan Kazambale léé, wo misiéwegidére ’ko pa kaanu ɛ lɛ zia.

Kelewenu 23:6

Pɔl a gi dɔɔ léé, munu lé wo ke é zénle ékeva bɛ, wo gi a é bɔile fié; a lɛ do a Sadusémunu nya, yé a lɛ do a Farizimunu nya; yé é siaa webolikinimunu ’lɛ léé: An bwenu, maa a Farizimi nya, Farizimi be nya. An bli a mi nwale gale va lɛ, amalé wo ke anlé we blena ’ko.

Kelewenu 24:15

Mi tegelenu valé munu lé wo ’ka tegele lo, wo dan nwa lɛ gale va. An bli a Kazambale lɛ a we ma, bélé fɛan zo lé wo bli ke a lɛ, a zo.

Rom munu 10:8

’Té mɛ we lé we tegele a fé we ’ko ma siin? É léé: Dére a i sɔnɔ, é a i ’léé, é a i bli gi. Dére lé mi éé paan a ta, yee lé ko alé we fé. Yee lé ke ’ko:

1 Korent munu 13:13

Sin, fɛ yaa ’ko, woo voo ana: blipale koo, bli kɛlɛle we lɛ koo, sɔlɛle koo, woo lé. Naa, wo faa tagɔné lé ke sɔlɛle nya.

1 Korent munu 15:19

Dé tɛrɛ la ’ko saa lé ko bli ke Krist lɛ, ’té ko a nyanai zénlazannu nya é mini munu faa ta.

2 Korɛnt Munu 5:19

Naa, Kazambale a Krist gi, tɛrɛlamunu nanale ebozen va we gi; é ’ka munu lé wesɛrɛ?-?lenu vo lɛ wo nwiin lo, yé é nanale ’é va dére bɛ pa ko lee, léé, ’ko fe.

2 Korɛnt Munu 6:7

webozen dére koo, Kazambale lé plɛplɛ koo, we tegele lé é ke gulidanfɛnu valé mi botakuunfɛnu nya, ’bɛ koo, wo nya.

Galasi munu 2:14

Maa a ye aan wo léé, wo giébɛ ’ka Wenéné bozen yɛrama lo, maa lé Piɛri lɛ wo faa yuɛ va léé: Biian, wo i yaa Juifi mi nya ’naan, dé i giébɛ valé bɛn bɛnu giébɛ a do, yé é ’ka Juifinu zé zo lo, é kɛlɛ kaa yé i bɛn bɛnu kɛla Juifinu nya gla nyaa?

Galasi munu 2:5

Ko ’ka zi nɔ lɛ wo lɛ lo, yé ko ’ka ko ’wuo dɔ lɛ wo wuo bléyi do kpen nya lo, Wenéné bozen vole ka va we ma.

Galasi munu 5:5

Naa, ko, Kazambale Léli éé bɔa ko va, yé ko a blivolɛdére lɛsɔɔle lɛbɛnna, yee lé ke léé, ’wo ko ye tegele ko blipale ma.

Éfez munu 1:13

Ka é ziin, webozen dére lé é ke ka siéwegi Wenéné nya, ka a ’ma aan wo, ka bli vo a lɛ yé ka wɔra Krist gi, yé é fɛ dɔ ka ma Léli Sauun lé, wa nɔle we fe, a nya;

Éfez munu 4:21

’té dé ka alé we ’ma webozen nya, ’té webozen lé é ke Krist gi, ’té ’bɛ yɛrama lé wo we paa ka gi.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

1 Timoté 1:15

Sɔbɛlawe lé é a lé mi faa a nyi si, yee lé ke ’ko: Jézu Krist da tɛrɛ la wenyanékɛlɛmunu sile we gi we ma, yé maa a wo va wenyanékɛlɛzan blɛɛn nya.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

1 Piɛri 2:2

Ka a bélé liinénu zo, amalé ka bli ’é bɔ nyɔyi tegele lé ke Bale dére nya, a ma, fɛan zo lé liinénu bli éé bɔa nyɔyi ma, a zo. Dé ka a mini, ka dan tin lɛ a nya yé ka béli,

1 Piɛri 3:15

naa, ’ka Krist pa é yɛrama ka bli gi Kazan nya. We lé ka bli ke a lɛ, dé miomian é a gi laa ka lee, ’ka gi fe a lɛ. ’Ka a fe bli drɔɔ valé kanale nya,

2 Piɛri 1:12

Yee ɛ lé we ma lé ma ’ka daan we ’konu sele dɔle ma ka gi lo. Dé ka gi dɔɔ é zima yé ka dɔ gligli webozen lé ka a ’ma, a gioo, maa a sele dɔa ka gi duowo.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.