Kolɔs munu 1:28 - Kazambale lé Sebe Sauunu 1979

²⁸ Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

Kolɔs munu 1:28 ပူးပေါင်းရင်းမြစ်များ

Ezidras 7:25

Yé bii, Ezidras, ’i weblezannu valé wewuodɔzannu dɔ, wedɔɔle lé Bale a nɔ i lɛ, a yɛrama, yé munu faa lé wo ke yuu zi, ’wo wolé wenu ble, munu faa lé wo ilé Bale lé bélidɔwenu dɔɔ, wo lé; yé munu lé wo ’ka wo dɔɔa lo, bé paa wo gi.

Wegɔnévɔlenu 8:5

’Wuoplɛplɛzannu, ’ka wevasile draan; ’Tugyɛzannu, ’ka gikinile draan.

Bale Lé We Gifezan 12:9

vungoi é dan nɔla lɛ vun nya, fɛana lé é ke é vini, ana, yé léli é dan go lɛ é ziin Kazambale lé é a nɔ, a va; we ’konu faa bɔle ’lɛ, i Kɛlɛzan sele ’é dɔ i gi ma.

Jérémi 3:15

Maa dan ka tabinzannu nɔ lɛ ka lɛ an bligiwe yɛrama, yé wo dan ka pa lɛ gikinile valé wedɔɔle nya.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Ézékiɛl 7:10

Bé ye, a yi lo; bé ye, é bɔ. Izé bɔ. Yili vwi bi. Boblɛn foe.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Maak 6:34

Jézu zun aan wo ’yitagoro gi, é mi gu blɛn ye. Wa bélé ’blanu lé wo tabinzan ’ka lo, wo zo; amalé Jézu nyanai zén wo ta, yé é kun we kiɛre paale ma wo gi.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Kelewenu 11:20

Naa, wo va mi kenu lé wo ke Sipri tɛrɛ la munu valé Sirɛne munu nya, wo da Antiɔs, yé wo we fe Grɛkinu lɛ é ziin, yé wo Mizan Jézu lé wenéné fe ’bɛnu lɛ.

Kelewenu 13:38

Ko bwenu, ’ka we ’ko ’ma ma. Mi ’ko lé we ma lé wo mi ma we vole lé we fe ka lɛ.

Kelewenu 17:18

Migivuruzannu palu fié lé wo wo laama épikuri valé sitoisi, wo va mi kenu kun wefele ma a lɛ. Yé wo va mi kenu léé: Boawefezan ’ko, é a mɛ we ɛ fenaa? Yé dé wo va mi bɛnu a ’ma léé, é a Jézu valé mi nwale gale va lé we ɛ fena, wo léé: É dɔ ko gi léé, é a bale bɛnu ɛ lé we fena.

Kelewenu 17:3

a gɔɔnle wo lɛ we gi léé, é a lé Krist é nyané ble yé é nwa gamunu va. Yé é léé: Jézu lé, maa ke alé we fena ka lɛ, yee lé ke Krist nya.

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

Kelewenu 3:20

léé, a bléyi ’é bɔ yé Mizambale ’é fu vɔ ka ma, yé ’é Jézu Krist pa ka lɛ zia. Bale a fe léé, é dan a pa lɛ ka lɛ zia, naa,

Kelewenu 5:42

Yé yi faa do do ma wo vo we paana munu gi, ’té woo Jézu Krist lé wenéné fé Balebangikɔn valé kɔnnu gi, wo ’ka daan lɛ a ma lo.

Kelewenu 8:35

Yé Filip we si a la, yé é a pélisia sɛbɛ kuru ’ko la yé é Jézu lé wenéné fe a lɛ.

Kelewenu 8:5

Filip go Samari tɛrɛ la fla do la yé é Krist lé we fe ’bɛna.

Kelewenu 9:20

Tɔɔn, yé é we fe bazorokɔnnu gi léé, Jézu a Kazambale Be nya.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

1 Korent munu 1:23

naa, Krist lé wa dun yiliblan ta, ko yee ɛ lé we fé. Juifinu éé we ’ko yé ’wolé we gi sɛrɛwe nya; bɛnnu a yé ’tugyɛwe nya,

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 12:8

Kazambale Léli éé wedɔɔdére no mi do lɛ, yé éé gikinidére no mi do lɛ Kazambale Léli duo nya,

1 Korent munu 15:12

Yé dé ko fe léé, Krist nwa gale va, é kɛlɛ kaa yé ka va mi kenu léé, mi ’ka nwaan gale va loo?

1 Korent munu 2:15

Naa, lélimi zé a é yɛrama; éé we faa gi bɔié é bɔina, dɔlé té mi do kpen ’ka léli mi lé we gi bɔina dɔɔa lo.

1 Korent munu 2:6

Naa, duowo, ko wedɔɔdére fé munu lé wo bɔ baa Bale lé we gi, wo lɛ. É ’ka bléyi ’ko va wedɔɔle nya lo, yé bléyi ’ko va minwiinzannu lé, wolé we é dan nyaa lɛ lao bɛ, é ’ka wolé wedɔɔle nya lo.

1 Korent munu 4:14

Maa ’ka we ’konu gyɛna ka lɛ yara nwɛnnwɛnné nya lo; ka a anlé blibɔmanénu nya, amalé maa we plaan ka lɛ.

2 Korɛnt Munu 10:14

Ko ’ka mi vininnu lé wo Kazambale lé Wenéné fe ka lɛ, wo nya loo? Dé ko go ka va é vinin ’naan, mɛmalé sin é dɔ ka gi léé, ko ko glɛ kini siin?

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

2 Korɛnt Munu 4:5

Ko ’ka kobozen lé we fena lo; Mizan Jézu Krist lé we lé ko ke a fena, yé ko léé, ko a ka wuozannu nya Jézu lé we ma.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Éfez munu 5:27

Léglizi tɔbɔle ’ko, ’té a tiri ’ka lo, ’té a ma ’ka é yurule lo, ’té gun do kpen ’ka a ma lo, ’té é ke sauun valé wéiin, Jézu a a va léé, ’é a ye ébo zé nya, amalé ébo nɔ alé we gi.

Bélidɔwesɛbɛ Fiézan 4:5

Ka ye, maa Bale lé bélidɔwenu valé alé gɔnɔlawenu paa ka gi, Gakelebale, anlé Bale a pa an ’léé fɛan zo, a zo, kalé wo ta tawole we gi, tɛrɛ lé ka dan a kɛlɛ lɛ kazé nya, a ta.

Kolɔs munu 1:22

Naa, sin, é ka nana ’é va Krist lé tɛrɛlakɔlɛ gale we ma, léé, ’é da ka nya ’é va mi sauunnu nya, ’té we do kpen ’ka ka ma lo, ’té gun ’ka ka ma lo;

Kolɔs munu 2:10

yé kalé we faa lɛ a é sɔɔle Krist gi; é a la worona wemaplɛplɛzannu valé fɛ faa lé woo wo lɛdɔama, wo nwiinzan nya.

Kolɔs munu 2:3

Gikinile valé wedɔɔle lé fɛwezannu faa a é yɔɔle yee ɛ gi.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 3:2

É a lé léglizi tabinzan é kɛlɛ mi wéiin nya, ’té a na a do kpen, yuɛgidozan nya, bokunzan nya, mi zin nya é giébɛ gi, bɛn sɔlɛzan nya, wepaamigizan zin nya.

Ébrunu 10:14

Naa, munu lé é wo kɛlɛ sauun é gun si wo ma lɛɛ faa zé nya saraka do kpen bole nya.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

2 Piɛri 3:15

É a lé ka gi dɔɔ léé, Kaazan lé bli tiéé we ma lé ka dan béli lɛ, bélé fɛan zo lé kaa bwe Pɔl lé é sɔ kaa lɛ, é a gyɛ ka lɛ sɛbɛ gi, wedɔɔle lé Bale a nɔ a lɛ, a yɛrama bɛ, a zo.