Kolɔs munu 1:23 - Kazambale lé Sebe Sauunu 1979

²³ ’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Kolɔs munu 1:23 ပူးပေါင်းရင်းမြစ်များ

Lɛrɛvɔ Sɛbɛ 125:5

Naa, munu lé woo goo san zinu ta, Gakelebale, ’i wo sɛrɛ tata ma, wo valé wenaané kɛlɛzannu nya. Izraɛl munu, ’wo vo drɔɔ ma.

Jérémi Lé Wuvɔ Sɛbɛ 3:66

Oo Gakelebale, ’i wo zuo bin i bli flile nya, yé ’i wo kulu ga Lanu wuo.

Ézékiɛl 18:26

Dé mi tegele é yara si we tegele kɛlɛle ta yé é weple kɛlɛ yé é ga ’bɛ we ma, ’té é ga, weple lé é a kɛlɛ, a we ma.

Sofoni 1:6

wo lé wo yara si Gakelebale la koo, wo lé wo ’ka maa Gakelebale naginian lo, ’té wo ’ka we laan an lee lo bɛ, maa dan wo faa kulu ga lɛ.

Maak 16:15

Yé é lé wo lɛ léé: ’Ka go tɛrɛ faa la, yé ’ka Wenéné ’ko fe munu faa lɛ.

WENÉNÉ LÉ LUK A GYE (Évangile selon Luc) 22:32

Naa, an bazoro ilé we ma, léé, té i blipale ta é zana lo; yé bii, dé i bli nɔla yian ma, ’i i bwenu dɔ gligli ma.

WENÉNÉ LÉ LUK A GYE (Évangile selon Luc) 6:48

É a bélé mi lé é ke kɔn dɔna, yé é kɔngane vɔna guru bo baa, yé é kɔngane vɔ gɔlɛ ta, a zo. ’Yi fan yé ’yiyoro plɛplɛ zén kɔn ’ko ma yé é ’ka zana lɛ lo; wa dɔ é zima, azama.

WENÉNÉ LE JAN A GYE (Évangile selon Jean) 15:6

Dé mian é ’ka voo an gi lo, wa vulian béera bélé yilibɛ zo, yé ’é ga; ’bɛ zuo yé woo yee yilibɛnu sian yé woo wo vɔa kyɛ va, yé wo kyɛ é ble.

Kelewenu 1:17

É a é pale ko va, ’té éé nyanama duo paan.

Kelewenu 1:25

yé ’é kɛlɛ nyanama ’ko pazan nya, yé ’é kɛlɛ nwunvɔzan nya ko va; naa, Judas sɔn vɔ a ma yé é go fɛ lé ana a nyɛɛ, ana.

Kelewenu 1:8

Naa, dé Léli Sauun vɔ ka ta tɔɔn ’té ka plɛplɛ ye, yé ka kɛlɛ anlé wenayezannu nya, Jérusalɛm koo, Judé tɛrɛ faa koo, Samari tɛrɛ koo, wona, fɔɔ tɛrɛ glɛ sina.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Kelewenu 2:5

Juifinu lé wo ke Balebɔmunu nya, ’té wo si bɛntɛrɛ faa la, wa é zénle ékeva Jérusalɛm.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 26:16

Naa, ’i nwa, ’i dɔ loru. An bɔra i va wean ma, yee lé é ke ’ko: I an ye fɛan zo kyɔ ’ko koo, wenu lé maa dan wo gɔɔn lɛ i lɛ koo, maa i kɛla wo zuofezan valé wo nayezan nya.

Kelewenu 4:12

Mi bɛ ’ka mi sié we gi lo; yé tɔ bɛ ’ka munu va la wuo ’ko, yé ko si we gi ’bɛ nya lo.

Rom munu 10:18

Naa, maa léé: Wo ’ka a ’ma lɛ loo? ’Bɛ kaan lo. Wo dére nwɛɛn tɛrɛ faa la, Yé wenu lé wa fe, wo bɔ fɔɔ tɛrɛ glɛ sina.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 5:5

yé bli kɛlɛle fɛ lɛ ’ka ko gya yara nya lo; Léli Sauun lé Bale a nɔ ko lɛ, é Kazambale lé sɔlɛle wɔra ko bli nya bélé nyɔnɔbɔ zo, azama.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

1 Korent munu 3:5

Maa a laa ka lee. Apolɔs a mɛ fɛ nyaa? Yé Pɔl a mɛ fɛ nyaa? Ko a Kazambale wuomunu nya; kolé we ma lé ka bli vo Jézu lɛ. Nyanama lé Mizan a nɔ ko lɛ do do, ko pa.

2 Korɛnt Munu 10:1

Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

2 Korɛnt Munu 11:23

Wo léé, ’wa Krist gi nyanamapazannu nyaa? Maa a we fena bélé tavozan zo. Yé maa nii? Maa ’ka ’bɛ nya loo? Anzé gié wozé ta. An nyanama pa é baba é mini wo ta; wo an bla é baba é mini wo ta, wo an vɔ bokɔn gi, ’bɛ gié wozé ta baa, yé maa anbo bɔra ga lɛ gɔnɔ kiɛre.

2 Korɛnt Munu 3:6

Yé é bɔ ko va é ziin yé ko bɔ kɛlɛle lɛ gipawe dɛrɛ gi nyanamapazannu nya léli yɛrama, naa, sɛbɛ yɛrama kaan lo; sɛbɛ éé fɛ gya, yé Léli éé fɛ bélié.

2 Korɛnt Munu 4:1

Ko nyanama ’ko ye Bale lé nyanai zénle ko ta nya, amalé dé ko a pana ko fuu ’ka sié ko ta lo.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Galasi munu 4:11

Maa a kanana léé, Nyanama faa lé maa a pa kalé we ma bɛ, dé a tɔnɔ ’ka kɛla loo?

Galasi munu 5:5

Naa, ko, Kazambale Léli éé bɔa ko va, yé ko a blivolɛdére lɛsɔɔle lɛbɛnna, yee lé ke léé, ’wo ko ye tegele ko blipale ma.

Galasi munu 5:7

É kyɛn ka a vlan buruna é zima; de ɛ ka dɔ léé, té ka webozen lɛdɔma loo?

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Éfez munu 2:21

Kɔnguru faa lé wa dɔ é zima, éé toroan Jézu gi, a kɛlɛle kɔn sauun nya we ma Mizan gi.

Éfez munu 3:17

Krist ’é nyana ka bli gi ka bli vole a lɛ we ma ma; ka suni ’é wɔra sɔlɛle gi yé ka dɔ a gi gyéiin ma;

Éfez munu 4:16

Kɔlɛvafɛnu faa a é yerele ékema yé wo kɛlɛ fɛ zénle ékeva plɛplɛ do nya, gane plinna valé bɛ plinna miinnu lé we ma, yé Krist ma lé a tinle éé sié, plɛplɛ lé é ke a kɔlɛvafɛnu do do zé nya é zima bɛ, a yɛrama, ’té kɔlɛ ébo dɔa gligli sɔlɛle gi.

Bélidɔwesɛbɛ Fiézan 2:25

É léé, a péli ’é sia ’bɛ yi la bɛ, é dan ko lee kana zén lɛ tɛrɛlamunu faa gi, yé di é dan kini lɛ wo gi; dé wo ko tɔ blɛn ’ma, wo ma é dan nyɔɔn lɛ yé nyɛ é dan zén lɛ wo gi kolé we ma. A zo lé Gakelebale a fe an lɛ.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

Kolɔs munu 1:25

An kɛlɛ léglizi wuozan nya, we lé Kazambale a bɛ pa an lee kazé nya, a we ma; é léé, maa Kazambale dére faa fe ka lɛ.

Kolɔs munu 2:7

ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.

1 Tɛsalɔnik munu 3:3

léé, té bléyi ’ko va kleblelenu é mi do kpen fuu si é ta lo. Kabozen a gi dɔɔ léé, Bale ko kɛlɛ kle?-?blezannu nya.

1 Tɛsalɔnik munu 3:5

Amalé dé an ’ka bɔa we ’ko vole lɛ ’ko zo lo, an Timoté pa ka lɛ zia léé, dé kalé blipale a kaa? ’é da ’é a zuo fe an lɛ. Kana a an gi léé, dé migidanzan ka gi dan mii? yé nyanama lé ko pa, dé é vo é plaa?

1 Tɛsalɔnik munu 5:8

Naa, kaa lé kaa ke yiéyi munu nya, kaa kaabo kun ma; blipale valé sɔlɛle ’é kɛlɛ kaa golɛtayɔɔfɛ nya; yé bli kɛlɛle sile we gi lɛ ’é kɛlɛ kaalé kanakoro nya ma.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

1 Timoté 1:12

Kaazan Jézu Krist lé é an dɔ plɛplɛ, maa a bɔ vɔa léé, é an ye yarapawelazan nya, yé maa lé an ke é vinin Bale sɔnɔzan koo, nyané pa mi tazan koo, ’wiiéwelazan koo, wo nya, é an kɛlɛ Bale va nyanama pazan nya. Naa, maa we ’konu kɛlɛ an tanyila, ’té an bli ’ka é pale lo, bɛwemalé é nyanai zén an ta.

1 Timoté 2:7

Aléwemalé Bale an kɛlɛ yee we fezan valé nwunvɔzan nya, blipale lé we valé webozen paale bɛn bɛnu gi we ma. Maa a webozen fena, maa ’ka viéwona lo.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Tite 3:7

dé é ko kɛlɛ tegele élé zin ma faa yé ko bli ’é kɛlɛ vole é yuɛma lé a glɛ ’ka lo, a yele lɛ.

Ébrunu 10:38

Yé anlé mi tegele é dan béli lɛ blipale ma, naa, dé é diéra, an gi ’ka dan nana lɛ alé we ma lo.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

Ébrunu 6:19

Bli vole we lɛ ’ko, é a kaa gi kaa bélimafɛ blɛɛn boen nya. Éé goo fɔɔ yé éé wɔraan Balebangikɔn gi, sɔ lé wa kɛlɛ kɔnmi nya, a zi, yé ’bɛ a la gi.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.