Kolɔs munu 1:13 - Kazambale lé Sebe Sauunu 1979

¹³ É kaa si gunuti lé plɛplɛ wuo, yé é kaa pla é sɔlɛbe wuo.

Kolɔs munu 1:13 ပူးပေါင်းရင်းမြစ်များ

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 53:12

Bɛwemalé maa dan azé nɔ lɛ a lɛ mi blɛnnu va; Maa dan gulizarafɛ guli lɛ yee valé mi plɛplɛnu ma, Ébo nɔ ga lɛ Yé wa pa wenaané kɛlɛzannu va, ’bɛzama; É mi kiɛre lé wenyanénu si Yé é dɔ wegyɛzannu lé we gi, ’bɛzama.

Ézai 60:2

Ka ye, gunuti éé tɛrɛ ta sɔɔlaan, Yé munu a gunu tiritiri va; Naa, Gakelebale a i ta, Alé fuasan bɔra bii ɛ va.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

WENÉNÉ LÉ LUK A GYE (Évangile selon Luc) 13:24

’Ka kwa kuli é zima léé, ’ka wɔra zi ’léé kiéné na; naa, maa fe ka lɛ, mi kiɛre é dan wɔrale ana gi dan lɛ yé wo ’ka dan bɔ lɛ a lɛ lo.

WENÉNÉ LÉ LUK A GYE (Évangile selon Luc) 22:53

Maa a ka va yifaama Balebangikɔn gi yé ka ’ka an kun lɛ lo. Naa, bléyi ’ko a ka valé gunutinu lé plɛplɛ bléyi nya.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 3:35

Be sɔ Ti lɛ, yé é we faa bɛ pa a lee.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

2 Korɛnt Munu 11:14

Yé ’bɛ ’ka givuruwe nya lo; Satan bozen é ébo ma nɔlaan Bale lé lanje zo.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Éfez munu 4:18

Wolé we ’léé a é vole, wa wo tanyila, yé wo tɔné gi a é yuyu, amalé wo ’ka a gi dɔɔa léé, Kazambale éé mi bélié lo.

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Éfez munu 5:8

É li, ’té ka a gunutinu va, yé sin ka va a é kinile Mizan gi. ’Ka tawo ka va kinile yɛrama.

Éfez munu 6:12

Naa, kaa ’ka buo sié tɛrɛlamunu ma lo; naa, la worona wemaplɛplɛzannu koo, fɛnu lé woo wo lɛdɔama koo, tɛrɛ ’ko la gunuti nwiinzannu koo, léli lɛrɛlɛrɛnu lé wo ke fɛna lorunu na koo, wo ma lé kaa buo sié.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

2 Piɛri 1:11

’Ko zo lé Bale é dan a nyi si lɛ é bli faa nya léé, ka wɔra Kaazan, kaa Bélizan Jézu Krist lé fuatɛrɛ lé é ’ka nyaan lo, a ta.

1 Jan 2:8

Naa, duowo, bélidɔwe dɛrɛ lé maa a gyɛna ka lɛ. We ’ko na a é gɔɔnle Jézu lé tawobɛ gi, yé a na a é gɔɔnle é ziin kazé tawobɛ gi, naa, gunutinu a giéna yé san bozen da é kwakwa.

1 Jan 3:14

Bwenu sɔ kaa lɛ, bɛwemalé kaa a gi dɔɔ léé, kaa si gale va yé kaa go vole é yuɛma va. Mian sɔlɛle ’ka a gi lo, ’bɛzan a ga wuo.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.