Kolɔs munu 1:10 - Kazambale lé Sebe Sauunu 1979

¹⁰ yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 1:10 ပူးပေါင်းရင်းမြစ်များ

Wegɔnévɔlenu 16:7

Dé mi giébɛ sɔ Gakelebale lɛ, dé é a a nyanézan boen nyaoo, Bale éé yee valé ’bɛ kɛla mi do.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Daniɛl 12:4

Bii Daniɛl, ’i dérenu ’ko tadɔ yé ’i sɛbɛ ’ko ’léé béé fɔɔ yé bléyi voélazan é bɔ. Mi kiɛre é dan a ta fe lɛ, yé wedɔɔle gi é dan gyɛ lɛ.

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Abaku 2:14

Naa, Gakelebale lé fuatɔ dɔɔle é dan fan lɛ tɛrɛ la bélé wɛyi a é fanle fɛan zo, a zo.

WENÉNÉ LE JAN A GYE (Évangile selon Jean) 15:16

Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

WENÉNÉ LE JAN A GYE (Évangile selon Jean) 15:8

Dé ka baan di, ’bɛ a gɔɔn léé, ka a an zuomunu nya, yé ’bɛ é dan an Ti tɔ bié lɛ.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Rom munu 1:13

Bwenu, é sɔ an lɛ léé, ka a gi dɔɔ léé, gɔnɔ kiɛre nya maa a a va léé, an go ka va, anlé nyanama ma tɔnɔ ke yele we ma ka méléna, bélé fɛan zo lé maa a ye bɛn bɛnu méléna, a zo; naa, fɔɔ bléyi ’ko va maa ’ka tan zi ye lɛ lo.

Rom munu 4:12

Yé é a ganedɔmunu ti nya é ziin. Ganedɔmunu lé wo ’ka a nya é pla lo, ’té wo bli ke é pale bélé fɛan zo lé Abraam bli ke é pale bléyian va lé a gane ’ka é dɔle lo, a zo, Abraam a wo ti nya é ziin.

Rom munu 6:4

Kaa ga wo nya yé Bale kaa pa wo nya, kaa batizéwole nya, léé, fɛan zo lé Ti lé plɛplɛ Krist nwa gamunu va, a zo duo lé kaa é ziin, kaa tawo tawobɛ dɛrɛ nya.

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

2 Korɛnt Munu 5:9

Bɛwemalé, ko ke kwa kulina léé, dé ko a kɔlɛ ’ko gioo, dé ko si a gioo, ’ko kɛlɛ mi zinnu nya a yuɛ gi.

2 Korɛnt Munu 9:8

Kazambale é bɔalɛ é wezin gɔnɔ faa kɛlɛ ka lɛ, yé dé ka nyaa ka mawenu faa kɛlɛle nya faa, ’bɛ zuo fɛ éé voo ka lee kiɛre yé ka bɔalɛ ka wezin kiɛre kɛlɛ mi bɛnu lɛ.

Éfez munu 1:17

We lé maa a laan kazé nya, yee lé ke ’ko: Kaazan Jézu Krist zé Bale, Fuasan faa Ti, ’é wedɔɔbli nɔ ka lɛ ma, yé ’é pa ka ta ma, kalé yeebozen dɔɔle we gi ma;

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Éfez munu 4:13

We ’konu é dan vo lɛ ana fɔɔ yé kaa faa bli é vo we do lɛ, yé kaa faa é Kazambale Be dɔɔ, yé kaa faa é tin yé kaa yara é kini bélé Jézu yara a é kinile fɛan zo, a zo.

Éfez munu 5:10

We lé é sɔ Mizan lɛ, ’ka yee ɛ nagini;

Éfez munu 5:15

Bɛwemalé, ’ka yuɛ pa ka giégane va; té ka tawo bélé ’tugyɛmunu zo lo; naa, ’ka tawo bélé wedɔɔmunu zo.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

Kolɔs munu 2:19

Yé Jézu lé é ke ’wuo nya, é ’ka paan ’bɛ ma lo, dɔlé ’té kɔlɛ faa lé é ke é kunle ékema, ’té é ke é zénle ékema plɛplɛ wɔlɛvɔna é ke ’léénu valé miinnu nya bɛ, ’wuo ma lé éé tin‐é, fɛ tinbɛ lé éé sié Kazambale va, a nya.

Kolɔs munu 2:6

Ka Jézu Krist si kazan nya, amalé, sin, ’ka tawo a gi;

Kolɔs munu 3:20

’Kaa nénu, ’ka ti valé ’ka bu lɛdɔma we faa gi ma, naa, ’bɛ a wezin nya Mizan lé we gi.

Kolɔs munu 4:5

’Ka we kɛlɛ béeramunu vazia wedɔɔle nya; té ka bléyi do kpen sɛrɛ é pla lo.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

2 Timoté 2:4

Sunya ’ka vɔɔma tɛrɛlawenu gi lo, ’té dé é sɔ a lɛ léé, élé we é sɔ é nwiinzan lɛ.

Tite 3:1

’Bé sele dɔ munu gi léé, ’wo pla minwiinmunu faa wuo; ’wo wo lɛdɔma; nyanama zin gɔnɔ faa pale ’é sɔ wo lɛ;

Tite 3:14

Yé é a lé ko we paa kolé munu gi léé, ’wo wezin kɛlɛ, fɛnu lé munu mawe ke wo gi é kele bɛ, a nɔle wo lɛ we ma, té wo kɛlɛ munu lé wo ’ka tɔnɔ yé lo, wo nya lo.

Ébrunu 11:5

Énɔk lé blipale nya lé Kazambale a sia yé é ’ka ga lɛ lo. Kazambale ɛ a sia aléwemalé wo ’ka a ye lɛ é dɛrɛ lo; naa, a siale ’lɛ, wa ma we zin fe léé, é sɔ Kazambale lɛ,

Ébrunu 13:16

Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

2 Piɛri 1:8

Naa, dé we ’konu a ka bli gi yé wo fan ana, ka ’ka kɛla boazannu valé mimagalenu nya Kaazan Jézu Krist dɔɔle gi lo.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

1 Jan 3:22

Dé kaa fɛofɛan laa Bale lee, kaa a yé a va, kaa a alé bélidɔwenu kɛlɛna, é valé a sɔlɛwenu nya, azama.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

3 Jan 1:6

Yé wo ilé mi lɔrɔpale lé we fe kolé léglizi gi ’ko. Dé i tawofɛ nɔ wo lɛ Kazambale lé we kɛlɛbɛ yɛrama, ’té ’bɛ a é zima. I bɔ.