Bale Lé We Gifezan 8:3 - Kazambale lé Sebe Sauunu 1979

³ Té ibo tunu léé, i si a ma baa lo, yé té i yara pa wenaané kɛlɛle ta lo; naa, we faa lé é sɔ a lɛ, é bɔa a kɛlɛle lɛ, azama.

Bale Lé We Gifezan 8:3 ပူးပေါင်းရင်းမြစ်များ

Wepélisiananu 47:9

Jakɔb lé Faraɔn lɛ léé: An giélɛɛ faa a lɛɛ yɔ suiɛdo wɔlɛ vu. Anlé tɛrɛlalɛɛnu ’ka di lo yé wa lɛɛ lɛrɛlɛrɛnu nya. Wo ’ka bɔ lɛ an tranu gié tɛrɛlalɛɛ nya ékema lo.

Wegɔnévɔlenu 14:29

Mi lé a bli ’ka flian é kele lo, a gi kini é baba, naa, mi lé éé daan ébo ma léé, a bli é fli, é élé tavole nagɔɔn‐an.

Wegɔnévɔlenu 24:21

An be, ’i kana Gakelebale valé minwiinzan blɛn lee; té i vɔ awomunu va lo.

Wegɔnévɔlenu 30:31

wisoo lé gulidanfɛnu ke a ta, ’bɛ a do; boligɔné a do; minwiinzan lé mi do kpen ’ka bɔa dɔle lɛ a ma plɛplɛ lo, ’bɛ a do, woo lé.

Bale Lé We Gifezan 10:4

Dé minwiinzan bli nwa i ma, té i si i dɔna lo; bli drɔɔ éé wenyané blɛn yi gaan.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Daniɛl 5:19

alé we ma lé bɛngɔnɔnu faa koo, bɛnnu koo, dére faa vɔmunu koo, woo kanaan a lee, ’té wo ma éé nyɔɔn‐an a ’lɛ. Dé é sɔ minwiinzan blɛn lɛ léé, é munuan wo gyɛ, éé wo gya; dé é sɔ a lɛ léé, é munuan vo é yuɛma, éé wo voo. Dé é sɔ a lɛ léé, é munuan wo tɔ nwa, éé a nwaan; dé é sɔ a lɛ léé, é munuan wo zun, éé wo zunwo.