Bale Lé We Gifezan 5:2 - Kazambale lé Sebe Sauunu 1979

² Naa, nyɛgyɛle éé sié ’wuo gi kiɛre bɔrɔle va fɛan zo bɛ, a zo duo lé ’tugyɛwe éé sié dére kiɛre fele va.

Bale Lé We Gifezan 5:2 ပူးပေါင်းရင်းမြစ်များ

Wepélisiananu 18:27

Abraam we fe é ziin yé é léé: Maa lé ma, maa lé an ke fɛpun valé kyɛyee nya é pla, an bli tadɔ plɛplɛ yé an we fe Mizan lɛ.

Wepélisiananu 18:30

Abraam léé: Té Mizan bli é fli lo ma, yé maa dan we fe lɛ. Dé mi tegele yɔ do wɔlɛ vu ɛ ke ana nii? Yé Gakelebale léé: Dé maa mi tegele yɔ do wɔlɛ vu ye ana, maa ’ka dan we do kpen kɛlɛ lɛ lo.

Wepélisiananu 18:32

Abraam léé: Té Mizan bli é fli lo ma, yé maa ’ka dan we bɛ laa lɛ a lee é dɛrɛ lo. Dé mi tegele vu ɛ ke ana nii? Yé Gakelebale léé: ’Bɛ mi tegele vu lé we ma, maa ’ka dan fla ’wii lɛ pelo.

Wepélisiananu 28:20

Jakɔb bale kun yé é léé: Dé Kazambale kɛlɛ an va, dé é yuɛ pa an va, ta lé maa dan go lɛ a wo lɛ bɛ, a gi, dé é fɛblele valé sɔ nɔ an lɛ,

Wepélisiananu 28:22

gɔlɛ ’ko lé maa a dɔ weseledɔmigifɛ nya ’ko, é dan kɛlɛ lɛ Kazambale lé kɔn nya; yé fɛnu faa lé i dan wo nɔ lɛ an lɛ, maa dan wo vuzan nɔ lɛ i lɛ.

Lɛrɛvɔ Sɛbɛ 115:3

Kolé Bale a la gi, Weowean é sɔ a lɛ, yee lé éé a kɛla.

Wegɔnévɔlenu 10:19

Mi lé éé we fé kiɛre, é ’ka vuruan wenyané kɛlɛle ma lo, naa, mi lé éé lɔlu kunwo, a ’wuo a a ta.

Wegɔnévɔlenu 20:25

Dé mi ’ka é bɔn‐in bɔrɔan faa yé é bale kun lo, é voéla é dan kɛlɛ lɛ a kunsan nya.

Bale Lé We Gifezan 10:12

Wedɔɔzannu ’léé dérenu a zinwe saa nya; naa, tavozan ébo sɛra é lɔlu nya.

Bale Lé We Gifezan 10:13

Alé wefele pélisiana a ’tugyɛwe nya, alé wefele ’wuoplana a ’tugyɛwe nyané nya.

Bale Lé We Gifezan 5:3

Dé i Kazambale kun we do gi, té i mɔn a giwe kɛlɛna lo, naa, ’tugyɛzannu ’ka sɔa a lɛ lo, azama; balekundére lé bé fe, bé lɛ sɔɔ.

Bale Lé We Gifezan 5:7

Dé bé ye léé, tɛrɛ do la woo yaan nyanégyɛzannu ta, ’té woo mi lé se sié é lee, ’té woo weblele gi sɛra, té ’bɛ i gi vuru lo; naa, mi blɛn a é plale mi lé ’bɛ mini a lɛ, ’bɛ wuo, yé mi lé ’bɛ mini wo fiénu lɛ, wa é plale ’bɛzan wuo é ziin.

Ézai 55:9

Fɛan zo lé la valé tɛrɛ ke é sile ékema baa, A zo duo lé an kɛlɛwe valé ka kɛlɛwe ke é sile ékema, Yé a zo duo lé an gibɔrɔle valé ka gibɔrɔle ke é sile ékema.

Lévinu 5:4

Dé mi do a ébo glewona yé é léé, ’é dan wezin kɛlɛ lɛ, taa, dé é a fe léé, ’é dan wenyané kɛlɛ lɛ, yé é bɛ nwa ’bɛ we ma, yé é voéla yé a sele dɔ a gi, ’té we a a nwiin é dɔle.

Matio 6:7

Dé i a bazorona, té i boadérenu kiɛre kiɛre fe bélé bɛn bɛnu zé zo lo. É dɔ wo gi léé, ’wolé wefele kiɛre ma lé Bale é dan wo dére ’ma lɛ.

Matio 6:9

’Ka bazoro ’ko zo: Ko Ti lé é ke la gi, munu ’é kana i tɔ ma ma;

Maak 6:23

Yé é yo ble a lɛ léé: Dé i fɛan laa an lee, yee lé maa dan a nɔ lɛ i lɛ. Dé bé fe léé, maa anlé tɛrɛ fee bɛ do nɔ i lɛoo, maa nyi sié.

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

Weblezannu 11:30

Jɛfeté Gakelebale kun, yé é léé: Dé i Amɔn munu pa an lee,