Bale Lé We Gifezan 3:2 - Kazambale lé Sebe Sauunu 1979

² Mi yaabléyi a, yé mi gabléyi a; fɛ suru?-?bléyi a, yé fɛ lé wa suru a soowɔla bléyi a;

Bale Lé We Gifezan 3:2 ပူးပေါင်းရင်းမြစ်များ

Wepélisiananu 17:21

Naa, Izak lé Sara é dan a yaa lɛ i lɛ bléyi ’ko va lɛɛ bɛ gi, yee ɛ va lé maa dan an gi pa lɛ do.

Wepélisiananu 47:29

Izraɛl gale bɔ aan wo é pu, é ’é be Jozɛfu laa yé é lé a lɛ léé: Dé maa i yuɛi bɔ, ilé zanté, ’i bɛ wɔra an boro wuo, yé i wezin kɛlɛ an lɛ yé i kɛlɛ yarapawelazan nya anlé we ma. Té i an pa Éjipiti tɛrɛ la lo.

1 Minwiinzannu 13:2

É siaa balebanna ta Gakelebale dére nya, yé é léé: Balebanna! Balebanna! Gakelebale léma: Bé ye, wo dan né do yaa lɛ David gɔnɔ gi; wo dan a tɔ laa lɛ Jozias; gɔ nwiin yobannanu lé balebanzannu lé woo lasikɔrɔ kyɛ blé i ta bɛ, é dan saraka bo lɛ wo nya i ta, yé wo dan mi wɔlɛnu kyɛ ble lɛ i ta.

2 Minwiinzannu 4:16

Élizé lé a lɛ léé: Bléyi ’ko duo nya, lɛɛ bɛ gi, négɔné é dan kɛlɛ lɛ i lee. Yé é léé: Gba, anzan, Bale lé mi, té i dabli kɛlɛ i wuo le lɛ lo.

JOB (Job) 14:14

Dé migale éé vuoan kɔɔn é ziin, ’Té an bli é vo we lɛ anlé kleble bléyi faa va, Fɔɔ yé an nwabléyi é bɔ a zo.

JOB (Job) 14:5

Dé alé yinu ’léé a é fele, dé bé monénu nɔnɔ, Dé i wo glɛ dɔ yé é ’ka bɔa giéle lɛ ’bɛ ta lo,

JOB (Job) 7:1

Blami ’ka tɛrɛ la bélé sunya zo loo? Alé yinu ’ka bélé yi do nyanamapazan zo loo?

Lɛrɛvɔ Sɛbɛ 113:9

Éé sɔn le kɛla néyaazan nya, Yé éé a kɛla né bu lé a gi éé nanaan élé nénu va, a nya. ’Ka Gakelebale tɔ zin fe.

Lɛrɛvɔ Sɛbɛ 52:5

Wenaané sɔ i lɛ é mini wezin ta, Viéwole sɔ i lɛ é mini we drɔle ta. Ka ye do.

Wegɔnévɔlenu 24:27

’Ilé béera wenu bɛ pa ékema, ’ilé féi ma’lɛrɛ, ’bɛ zuo yé ’ilé kɔn dɔ.

Ézai 28:24

Mi lé ke gona fɛwɔlɛ vɔna, éé bwi woo yifaamaa? Éé tɛrɛ fun‐aan yifaamaa?

Ézai 38:1

’Bɛ bléyi va, Ézékia gyɛ kɛlɛ gagyɛ nya. Balelayezan Amosi be Ézai da a va yé é lé a lɛ léé: Gakelebale léma: I dan ga lɛ, i ’ka dan vo lɛ é yuɛma é dɛrɛ lo, amalé ’i dére vo ilé kɔngimunu va.

Ézai 38:5

’I go bé fe Ézékia lɛ léma: Gakelebale, i ti David lé Bale léma: Maa ilé bazorodére ’ma, maa i yuɛ’yi ye. Bé ye, maa dan lɛɛ vu ta soru nɔ lɛ i lɛ é ziin.

Ézai 54:1

Bii sɔnzan lé i ’ka né yaan lo, i gi ’é nana, Bii lé i ’ka vɔle lu zi dɔɔa lo, ’i fɔrɔ ginanale blɛn nya; Naa, lebɔrale benu é dan kɛlɛ lɛ kiɛre Yé é mini bofla le benu ta, azama. Gakelebale ɛ fe.

Jérémi 1:10

Sin, maa i pla migɔnɔnu valé bɛntɛrɛnu nwiin, léé, ’i wo si wo dɔna, yé ’i wo gyɛ; ’i wo guru zana a gi yé ’i wo sɛrɛ tata; ’i wo dɔ ’wo dɔna yé ’i wo nyana ’wo pa gi.

Jérémi 45:4

Bé fe Baruk lɛ léé: Gakelebale léma: Bé ye, fɛ lé maa a dɔ, maa dan a sɛrɛ lɛ, yé fɛ lé maa a suru, maa dan a soowɔla lɛ, ’bɛ gi léé, tɛrɛ ’ko faa lé.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 15:13

Jézu a zi pa léé: Fɛ faa lé Lagi Ti ’ka a vɔ lɛ lo, wo dan wo soowɔla lɛ.

WENÉNÉ LÉ LUK A GYE (Évangile selon Luc) 1:13

Naa, lanje lé a lɛ léé: Zakari, Bale ilé bazoro dére ’ma, amalé té i kana lo. I na Élizabɛt é dan né yaa lɛ gɔné nya i lɛ yé bé tɔ pa Jan.

WENÉNÉ LÉ LUK A GYE (Évangile selon Luc) 1:20

Bé ye, an dérenu lé maa a fe i lɛ ’ko, ’té wo lɛ é dan sɔɔ lɛ wo lɛsɔɔbléyi va bɛ, i ’ka bli pa lɛ wo gi lo, bɛwemalé i dan kɛlɛ lɛ bobogyɛzan nya, ’té i ’ka bɔa wefele lɛ lo, fɔɔ yé wo yi é bɔ.

WENÉNÉ LÉ LUK A GYE (Évangile selon Luc) 1:36

Bé ye, i buru Élizabɛt é ziin, é négɔné bɔn si élé kwa ta gi, yé le lé wa laama sɔnzan bɛ, a moné suiɛdozan lé ke ’ko.

WENÉNÉ LE JAN A GYE (Évangile selon Jean) 16:21

Dé le a né yaana, dé a yaabléyi bɔ a gi kyɛ éé dɔa, naa, dé é a yaa faa nyanéblele sele ’ka dɔa a gi é dɛrɛ lo, mi yaale tɛrɛ la lé gi nanale we ma.

WENÉNÉ LE JAN A GYE (Évangile selon Jean) 7:30

Wa kwa kulina a ma léé, ’wa kunwo, naa, azé bléyi ’ka tan bɔ lɛ lo, amalé mi do kpen ’ka é bɛ mane lɛ a ma lo.

Kelewenu 7:17

Blivolɛdére lé Kazambale a fe Abraam lɛ, a lɛsɔɔbléyi bɔ é pu, yé Juifinu ’léé gi gyɛ di yé wo fan Éjipiti tɛrɛ la,

Kelewenu 7:20

’Bɛ bléyi va lé wo Moizi yaa. É a é nɔnɔmi Kazambale yuɛ gi. Wa pa moné yaa é ti lé kɔn gi;

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

Bélidɔwesɛbɛ Fiézan 34:5

Gakelebale wuozan Moizi ga ’bɛna, Moab tɛrɛ la, Gakelebale a fe fɛan zo, a yɛrama.

Ébrunu 9:27

Naa, Bale a fe léé, mi faa é gaan gɔnɔ do kpen, ’bɛ zuo yé é wolé we ble.

1 Samuɛl 2:5

Munu lé wo ke é kanle é vinin, wa ’wobo danna buru yele we ma, Yé wo lé lɔrɔ ke wo gyɛna é vinin, wo kan; Sɔnzan négɔné yaa sɔrafié, Yé né kiɛre yaazan kɛlɛ sɔn le nya.