Amɔs 9:9 - Kazambale lé Sebe Sauunu 1979

⁹ Ka ye, maa dan an dére do fe lɛ, yé maa dan Izraɛlnu fɛɛ lɛ bɛngɔnɔnu faa méléna, bélé fɛan zo lé woo ’sa fɛɛan guli ta, ’té a wɔlɛ do kpen ’ka diaan tɛrɛ va lo, a zo.

Amɔs 9:9 ပူးပေါင်းရင်းမြစ်များ

Ézai 27:12

’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Ézai 28:28

Woo buruwɔlɛ sunwo, naa, wo ’ka voo a sunna yifaama lo. Wa sunwo gorogane valé wisoo nya, naa, wo ’ka a wɔlɛ wiima lo.

Ézai 30:28

A fulu a bélé yuu blɛn lé é zana ’é gɔ la, a zo, yé é bɔ mi bɔrɔ ma. É dan bɛnnu va fɛɛ lɛ; alé bɛnnu va fɛɛle ɛ ke mi guru zanale a gi nya. Yé é dan wo drɔ lɛ, bélé woo wisoodrɔfɛ plaan é nɛnɛ la fɛan zo, a zo.

Jérémi 31:36

É léma: Dé é kɛlɛ léé, bélidɔwenu ’ko nyaa an ’lɛ, ’Té Izraɛl kɛlɛle bɛngɔnɔ do nya é dan nyaa lɛ an ’lɛ yifaama zé nya.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 49:36

Fu ziɛn lé woo sié la glɛ sina ziɛnna, maa dan wo laa lɛ Élam munu ma. Maa dan wo faa kini lɛ ékema fu ’konu nya, yé Élam munu lé wo fwi, bɛn lé wo ’ka dan bɔ lɛ a gi lo, ’bɛ bɛn ’ka lo.

Ézékiɛl 20:38

Tɔnégiplɛplɛzannu valé munu lé woo nwaan an ma, maa dan wo si lɛ ka va. Tɛrɛ lé wo ke a ta bɛnnu nya, maa dan wo si lɛ ’bɛna. Naa, wo ’ka dan go lɛ Izraɛl tɛrɛ la lo. Yé ka dan a gi dɔɔ lɛ léé, maa ɛ ke Gakelebale nya.

Ézékiɛl 36:19

Maa wo kini ékema yé wo go bɛntɛrɛnu ta, yé wo go tɛrɛ do donu ta. Maa wolé we ble wo giébɛ valé wo kɛlɛwenu yɛrama.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

WENÉNÉ LÉ LUK A GYE (Évangile selon Luc) 22:31

Mizan léma: Simɔn, Simɔn, é sɔ Satan lɛ léé, ’é i wuo bo bélé ’sawɔlɛ wuobole zo.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.