Amɔs 9:14 - Kazambale lé Sebe Sauunu 1979

¹⁴ Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Amɔs 9:14 ပူးပေါင်းရင်းမြစ်များ

Lɛrɛvɔ Sɛbɛ 107:37

Woo fɛwɔlɛnu vɔa féinu ta, yé woo dɔrɔyilinu suruan, Yé woo féifɛnu soo ana.

Lɛrɛvɔ Sɛbɛ 53:6

Yé di blɛn é dan kini lɛ wo gi, Dɔlé ’té we do ’ka kɛlɛ lɛ lo; Munu lé woo nwaan i ma, Bale é dan wo wɔlɛnu kini lɛ ékema; Wo gi é dan blin lɛ wo ma, naa, Bale sɔn vɔ wo ma.

Ézai 60:4

’I yuɛ bɔrɔ i zi, bé nagini; Mi faa a zénna ékeva, wa dana i va, I benu a sina baa yé wo da, Wa dana i lunu nya ’wo bɛ gi.

Ézai 61:4

Wo dan fla kwa pa lɛ é pa gi, Fɛ lé a guru zana a gi é kyɛn, wo dan a nwa lɛ é pa gi; Fla lé wo ’wii a ta ana mɔn yé é sɛrɛ, Wo dan a dɛrɛ pa lɛ.

Ézai 65:21

Wo dan kɔn dɔ lɛ yé wo dan nyana lɛ a gi; wo dan dɔrɔféi pa lɛ, yé wo dan a poro ble lɛ.

Jérémi 12:15

Naa, dé maa wo si ana faa, ’bɛ zuo an nyanai é dan zén lɛ wo ta é ziin, yé an dan da lɛ wo faa nya wolé tɔnɔyefɛna do do, wolé tɛrɛ la do do.

Jérémi 16:15

Naa, wo dan a fe lɛ léé: Gakelebale lé é Izraɛl munu si yirinwana bɛbolazia tɛrɛ la, yee valé tɛrɛnu faa lé é wo sɔɔla ana, ’bɛ a é yuɛma. Yé maa dan go lɛ wo nya wolé tɛrɛ la é ziin, tɛrɛ lé maa a nɔ wo tranu lɛ, a ta.

Jérémi 23:8

naa, wo dan a fe lɛ léé: Gakelebale lé é Izraɛl munu kulunu si yirinwana bɛbolazia tɛrɛ la, yee valé tɛrɛnu faa lé é wo bin yé wo go wona, ana, yé é da wo nya, ’bɛzan a é yuɛma. Yé wo dan nyana lɛ wolé tɛrɛ la.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Jérémi 31:28

Yé fɛan zo lé maa yara pa wo sile wo dɔna koo, wo gyɛle koo, wo sɛrɛle tata koo, wo guru zanale a gi valé we tɔntɔn bɔle wo ma koo, wo ta, a zo duo lé sin, maa dan yara pa lɛ wo nyanale valé wolé fla pale ta. Maa Gakelebale ɛ ke a fena.

Jérémi 31:5

I dan dɔrɔféinu pa lɛ Samari tɛrɛ la gɔnu nwiin é ziin; féipazannu é dan wo suru lɛ yé wo dan wo poro so lɛ.

Jérémi 32:15

Naa, lai sunyanu lé Gakelebale, Izraɛl lé Bale léma: Kɔnnu koo, féinu koo, dɔrɔféinu koo, wo dan wo lɔ lɛ tɛrɛ ’ko la é ziin.

Jérémi 32:37

yee flamunu lé maa wo mawe fe i lɛ léé, maa wo bin yé wo go tɛrɛ faa‐an ta bɛ, an bli flile koo, an wɛwɛ koo, an bli nwale koo, wolé we ma bɛ, maa dan wo si lɛ ana yé maa wo zén ékeva yé an da wo nya wolé tɛrɛ la é ziin yé wo dan nyana lɛ ana duaa.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi 33:7

Juda valé Izraɛl munu lé wo ke luu gi, maa dan da lɛ wo nya ’wo pa gi; maa dan wo nyana lɛ ’wo pa gi bélé é vinin zo.

Ézékiɛl 16:53

Sɔdɔm valé é lunu lé wo ke luu gi koo, Samari valé é lunu lé wo ke luu gi koo, ilé luugizannu lé wo ke wo va koo, maa dan da lɛ wo nya wo pa gi,

Ézékiɛl 28:26

Wo dan nyana lɛ ana woboma duaa; wo dan kɔnnu dɔ lɛ, yé wo dan dɔrɔféinu pa lɛ. Munu faa lé wo wo zi lɛ sɔɔ, ’té wo serele bo wo ma bɛ, dé maa dɔra ’bɛnu ta bléyian va, wo dan nyana lɛ woboma duaa, yé wo dan a gi dɔɔ lɛ léé, maa ɛ ke Gakelebale wolé Bale nya.

Ézékiɛl 37:21

Bé fe wo lɛ léma: Mizan Gakelebale léma: Ka ye, Izraɛl munu lé wo ke bɛnnu méléna, maa dan wo si lɛ bɛ faa na, yé maa go wo nya wobo lé tɛrɛ la.

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Sofoni 1:13

Munu é dan ’wii lɛ wolé fɛ zinnu ta, yé wo dan wolé kɔnnu sɛrɛ lɛ. Wo dan kɔnnu dɔ lɛ, naa, wo ’ka dan nyana lɛ wo gi monomono lo. Wo dan dɔrɔféinu pa lɛ, yé wo ’ka dan ana dɔrɔ mini lɛ é dɛrɛ lo.

Sofoni 2:7

Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.