Amɔs 9:13 - Kazambale lé Sebe Sauunu 1979

¹³ Gakelebale léma: Ka ye, a yinu é dan bɔ lɛ, Yé fɛ gyɛle tɔɔn, féipazan é dan féi pa lɛ; Dɔrɔyi borole tɔɔn, wo dan fɛ vɔ lɛ. Dɔrɔ dɛrɛ é dan kɛlɛ lɛ di bélé ’yi lé éé yoroan gɔnu nwiin, ’Té éé yoroan gɔpanénu faa nwiin, a zo.

Amɔs 9:13 ပူးပေါင်းရင်းမြစ်များ

Wepélisiananu 49:11

É dan élé sokofale polu dɔ lɛ dɔrɔyili ma; É dan élé sokofaleda lé né polu dɔ lɛ dɔrɔyili zimanu ma; É dan élé varɔ zuru lɛ dɔrɔ va, É dan élé sɔ zuru lɛ dɔrɔporoyi sɔɔn va.

Lɛrɛvɔ Sɛbɛ 97:5

Gɔblɛnnu ’yi éé boo bélé yilinyɔnɔ zo Gakelebale ’lɛ, Tɛrɛ faazan ’lɛ.

Ézai 16:10

Ginanale san ka lee kalé féinu lé we ma; ka ’ka lɛrɛ vɔa kalé dɔrɔféi é dɛrɛ lo, yé ka gi ’ka nanaan ana é dɛrɛ lo. Dɔrɔkɛlɛzan ’ka dan dɔrɔ zɔn lɛ ’é gane nya é dɛrɛ dɔrɔkɛlɛwoli gi lo. Maa ginana siaale dɔ.

Ézai 55:13

Siprɛyili é dan bɔra lɛ léliyili pa gi, Yé miiteyili é dan bɔra lɛ danan pa gi; ’Bɛ é dan kɛlɛ lɛ Gakelebale tɔbɔwe nya, É dan kɛlɛ lɛ weseledɔmigi fɛ lé a glɛ ’ka lo, ’té é ’ka sɛra lo, a nya.

Ézékiɛl 28:26

Wo dan nyana lɛ ana woboma duaa; wo dan kɔnnu dɔ lɛ, yé wo dan dɔrɔféinu pa lɛ. Munu faa lé wo wo zi lɛ sɔɔ, ’té wo serele bo wo ma bɛ, dé maa dɔra ’bɛnu ta bléyian va, wo dan nyana lɛ woboma duaa, yé wo dan a gi dɔɔ lɛ léé, maa ɛ ke Gakelebale wolé Bale nya.

Ézékiɛl 36:35

’té wa fé léé, tɛrɛ sɛrɛle ’ko, é nɔla bélé Édɛn zianféi zo. Yé fla ’konu lé wa guru zana a gi, ’té wo vo bwi nya, wo fla pa ana yé munu éé nyanaan ana.

Joɛl 2:24

’Sa sunwonanu é dan fan lɛ ’sa nya, Yé kana blɛnnu é dan zana lɛ a ma dɔrɔ dɛrɛ valé nyɔnɔ nya.

Joɛl 3:18

’Bɛ bléyi va, dɔrɔ dɛrɛ é dan si lɛ gɔnu gi, ’té éé yoroan, Dirinyɔyi é dan si lɛ gɔpanénu gi ’té éé yoroan, Yé ’yi é dan kɛlɛ lɛ Juda ’yiyorona faa gi; ’Yibɔna do é dan fɔn lɛ Gakelebale lé kɔn gi, Yé alé ’yinu é dan gɔworona lé wa laama Sitim, ana vo lɛ drɔɔdrɔɔ.

Joɛl 3:20

Naa, munu é dan vo lɛ yifaama Juda tɛrɛ la, Yé mi kulu é kulu é dan vo lɛ Jérusalɛm.

Lévinu 26:5

Dé ’sagyɛle ’ka tan nyaa lɛ lo, ’té kalé dɔrɔnu tin, yé ka dan vo lɛ a poro sona fɔɔ yé féipabléyi bɛ é bɔ; ka dan fɛ ble lɛ yé ka kan, yé ka dan nyana lɛ duaa kalé tɛrɛ la.

Amɔs 9:5

Mizan lai sunyanu lé Gakelebale éé bɛ manean tɛrɛ ma yé a ma éé nyɔɔn‐an, ’Té a tamunu faa éé gyɛ boo; Tɛrɛ faa é dan nwa lɛ bélé yuu fanle zo, Yé é dan zun lɛ bélé Éjipiti yuu bélile zo.

WENÉNÉ LE JAN A GYE (Évangile selon Jean) 4:35

Ka ’ka a fena léé, é vo moné ziɛn yé wo ’sa gyɛ bɛ loo? Ka yua bɛ, ’ka yara nwa yé ka féinu nagini. Wa é tanale wo gyɛle yɛrama.

Weblezannu 5:5

Gɔnu ma nyɔɔn Gakelebale ’lɛ, Yé Sinai boen koo, a ma nyɔɔn Gakelebale, Izraɛl zé Bale ’lɛ.