Amɔs 9:11 - Kazambale lé Sebe Sauunu 1979

¹¹ ’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Amɔs 9:11 ပူးပေါင်းရင်းမြစ်များ

JOB (Job) 1:10

Yee koo, alé kɔn koo, fɛ faa lé ke a lee koo, i ’ka wo tabinna loo? Bé panyanama drɔɔ vo yé alé trubɛnu tɛrɛ ta sɔɔla.

Lɛrɛvɔ Sɛbɛ 143:5

We kyɛnnu lé bé kɛlɛ, wo sele a an gi, An bɔn‐in bɔrɔan i panyanamanu faa ma, An ’wuo gi bɔrɔan i bɛ panyanamanu ma.

Lɛrɛvɔ Sɛbɛ 80:12

A bɛnu toro fɔɔ yé wo bɔ wɛyi ta, Yé a nénu goo fɔɔ yé wo bɔ yuu ma.

Lɛrɛvɔ Sɛbɛ 89:40

Gipawe lé bé kɛlɛ i wuozan va, i serele bo a ma; I alé tɔkoro dia tɛrɛ va yé bé sɛrɛ.

Ézai 16:5

Dé é sɔ mi lɛ léé, élé webleblin dɔ gligli, ’é kɛlɛ mi zin nya ma. Wo dan a ye lɛ léé, David kululazan do, yarapawelazan do, é dan nyana lɛ ana; é a weblezan lé wedrɔle sɔ a lɛ bélé mi béé zo, a nya, ’té a fuu a a ta we tegele kɛlɛna.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Ézai 58:12

Ilé munu é dan fla pa lɛ fla kwa la; i dan a gane kyɛn vɔ lɛ; wo dan i laa lɛ fɛsɛrɛle ma’lɛrɛzan. Wo dan i laa lɛ zi kwa vuogizan, munu kɛlɛle tɛrɛ ’ko la we ma.

Ézai 63:11

We lé é kɛlɛ é li kwakwa Moizi bléyi va, a sele dɔ Bale lé munu gi; mi lé é wo si wɛyi va élé trubɛ tabinzan nya, é a kyɛɛn? Mi lé é Léli Sauun pa wo va,

Ézai 65:9

Maa dan Jakɔb kulu kɛlɛ lɛ, yé maa dan an zaragɔ kɛlɛ lɛ Juda punlazan do zé nya; munu lé maa wo si a va, tɛrɛ ’ko é dan kɛlɛ lɛ wozé nya, yé an wuozannu é dan nyana lɛ ana.

Jérémi 18:9

Yé yi ke nya an we fé, dé migɔnɔ do léé, dé bɛn do léé, wolé we ma, léé, ’wo nyana ’wo fla pa,

Jérémi 30:9

Ka dan Gakelebale, kalé Bale bɔ lɛ, yé ka nwiinzan blɛn David lé maa dan a nwa lɛ, ka dan a bɔ lɛ.

Jérémi 46:26

Yé maa dan wo pa lɛ munu lé é sɔ ’bɛnu lɛ léé, ’wo wolé tɛrɛla nyaa, ’bɛnu lee; an dan wo pa lɛ Babilɔn nwiinzan blɛn Nébukanɛsaa lee, yee valé a wuozannu lee. Yé ’bɛ zuo, munu é dan kɛlɛ lɛ Éjipiti tɛrɛ la bélé fɛan zo lé wo kɛlɛ ana é vinin, a zo. Maa Gakelebale ɛ ke a fena.

Jérémi Lé Wuvɔ Sɛbɛ 5:21

Oo Gakelebale, ’bé kɛlɛ léé, ko da i va é ziin, yé ko dan da lɛ i va. ’I yinu nɔ ko lɛ bélé é vinin zé zo.

Ézékiɛl 17:24

Yé bwi gi yilinu faa é dan a gi dɔɔ lɛ léé, yili lé é ébo nwa, maa Gakelebale a tua; yili lé é ke é tuale, maa a nwa. Yé maa yili drɔɔdrɔɔ gyɛ, yé maa yili gale kɛlɛ é drɔɔdrɔɔ. Maa Gakelebale ɛ fe, yé maa dan a kɛlɛ lɛ.

Ézékiɛl 36:11

Maa dan blaminu valé winu ’léé gi gyɛ lɛ ka nwiin di. Wo gi é dan gyɛ lɛ yé wo dan fan lɛ. É sɔ an lɛ léé, munu é nyana ka nwiin bélé é vinin zé zo, yé maa dan zin kɛlɛ lɛ ka lɛ yé ’bɛ é gié é vinin zé ta, yé ka dan a gi dɔɔ lɛ léé, maa ɛ ke Gakelebale nya.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Abudias 1:17

Naa, sile we gi é dan kɛlɛ lɛ Siɔn gɔ nwiin; é dan kɛlɛ lɛ sauun, Yé Jakɔb lé munu é dan ’wolé tɛrɛ si lɛ é ziin.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Misé 7:11

Yian nya lé wo dan bii Jérusalɛm zi gɔrɔ bo lɛ, a yi nya lé i glɛ é dan bié lɛ é zuo.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Misé 7:8

An nyanézan, té i gi é nana anlé we ma lo ma. Naa, dé an dia, an dan nwa lɛ. Dé maa a é nyanale gunutinu va, Gakelebale é dan kɛlɛ lɛ an vakinifɛ nya.

Zakari 12:7

Gakelebale é dan Juda munu si lɛ we gi é vinin, léé, David lé munu koo, Jérusalɛm munu koo, té wo tɔbɔle mini Juda munu zé ta lo.

Zakari 14:10

Ana tɛrɛ faa é dan kɛlɛ lɛ fɛna pɛblɛɛ nya, é sia Géba yé é bɔ Rimɔn, Jérusalɛm yirinwana bɛyilazia. Jérusalɛm é dan vɔ lɛ a ma, yé é vo é pa gi. É sia flagɔrɔ ’léé lé wa laama Bɛnjamɛn, a ma, fɔɔ yé é bɔ flagɔrɔ ’léé vininzan ma, fɔɔ yé é bɔ a ’léé lé ke a sun la bɛ, a ma; é sia Ananéɛl lé dɔtafɛ ma fɔɔ yé é bɔ minwiinzan blɛn lé dɔrɔ borona ma, wo faa é dan vo lɛ wo pa gi.

Zakari 6:12

Bé fe a lɛ léma: Lai sunyanu lé Gakelebale léma: Bé ye, mi do lé a tɔ ke mipunla, é dan nɛɛ lɛ élé fɛna, yé é dan Gakelebale lé kɔn dɔ lɛ.

Mi Nɔnɔle 24:18

É dan pla lɛ Édom munu nwiin, É dan pla lɛ é nyanézannu Séiinu nwiin, Izraɛl é dan élé plɛplɛ nagɔɔn lɛ.