Amɔs 9:1 - Kazambale lé Sebe Sauunu 1979

¹ Maa Mizan ye é dɔle balebanna ta loru. Yé é léma: ’I fɛ duun wɛyiliwuonu lɛ, fɔɔ yé kɔnpa ma é nyɔɔn, yé wo faa ’wuo ’é ’wii. Maa dan a pɔnénu gyɛ lɛ gwɔun nya za ma; wo va mi do kpen ’ka dan vɔ lɛ fli gi yé é so we lee lo; wo vazan do kpen ’ka dan so lɛ an lee lo.

Amɔs 9:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 18:18

Yé Misé léé: ’Ka Gakelebale dére ’ma ma. Maa Gakelebale ye é nyanale élé webleblin ta, yé lanu lé sunyanu a é dɔle a bɛyila valé a bɛbola.

Lɛrɛvɔ Sɛbɛ 68:21

Bale a ko siémunuleezan nya, Yé Gakelebale, Mizan, é bɔa ko sole lɛ gale lee.

Lɛrɛvɔ Sɛbɛ 68:22

Iin, Bale é dan é nyanézannu ’wuo ’wii lɛ, Munu lé woo ’wolé tɛrɛla kɛla wenyané kɛlɛle nya, é dan wo bɛlo fɔn lɛ.

Ézai 30:16

Ka léé: Gba, ko dan vlan buru lɛ wisoonu nya, bɛwemalé ka dan fwi lɛ vlanburule nya. Yé ka léé: Ko dan vɔ lɛ gulidangoro lé éé sié, a gi, amalé ka zuobinmunu é dan ka zuo bin lɛ sile nya.

Ézai 6:1

Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

Jérémi 11:11

Bɛwemalé Gakelebale léma: Ka ye, maa dan we tɔntɔnnu bɔ lɛ wo ma, ’té wo ’ka dan bɔ lɛ ’wobo sile lɛ a gi lo. Wo dan siaa lɛ an lɛ, yé maa ’ka dan tɔné dɔ lɛ wo lɛ lo.

Jérémi 42:16

gwɔun lé ka kanaan a lee, é dan bɔ lɛ ka ma Éjipiti tɛrɛ ’ko la. Lɔrɔ lé ka kanaan a lee, é dan bɔ lɛ ka ma Éjipiti tɛrɛ la, yé ka dan ga lɛ ’bɛna.

Jérémi 48:44

Mian é fwi kanale lee é dan vɔ lɛ guru gi, yé mian é si guru gi, é dan vɔ lɛ séli gi. Naa, Gakelebale léma: Moab, lɛɛ ’ko gi maa dan we lɛdɔ lɛ i gi.

Ézékiɛl 1:28

San bile nyananyana ’ko lé wa yé a zi, é a bélé bɔmlɛ lé wa yé lati gi lɛɛ dayi la, a zo. Yuɛzi we ’ko é a Gakelebale lé fuasan foto do nya. Dé maa a ye tɔɔn, an dia an bli la, yé maa mi do dére ’ma.

Ézékiɛl 10:4

Gakelebale lé fuasan nwa sérubɛnnu ta, yé é yara dɔ kɔn ’léé zia. Kɔn fan lafu nya, yé kɔngɔrɔ gi fan Gakelebale lé fua tɔbɔle nya.

Ézékiɛl 15:7

Maa dan an nwunzi dɔ lɛ wo ta; wo dan bɔra lɛ kyɛ do va, yé kyɛ do é dan wo ble lɛ. Dé an nwunzi dɔ wo ta, ka dan a gi dɔɔ lɛ léé, maa ɛ ke Gakelebale nya.

Ézékiɛl 9:2

Yé ka ye, mi suiɛdo si yirinwana bɛbolazia, kɔn ’léé zia, yé wo da, ’té wolé fɛsɛrɛfɛnu a wo lee do do. Mi do lé, lɛnsɔ ke a ta, ’té nankréyi kuo a é dunle alé kyɛsidi ma bɛ, é a wo méléna. É da yé é bié balebanna lé ke zéné nya, a punma.

Amɔs 3:14

Yian nya lé an dan we lɛdɔ lɛ Izraɛlnu gi wolé bélidɔwe sɛrɛlenu lé we ma, yobannanu lé wo ke Bétɛl, maa dan wo sɛrɛ lɛ; maa dan wo bélinu yéli lɛ yé wo dan dia lɛ tɛrɛ va.

Amɔs 7:17

Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.

Amɔs 7:9

Maa dan Izak lé yobannanu faa sɛrɛ lɛ; maa dan Izraɛl lé yokɔnnu zana lɛ, yé maa dan nwa lɛ Jéroboam lé munu ma, gwɔun nya an lee.

Abaku 3:13

I bɔra ilé munu sile we gi we ma, Ilé nyɔnɔ zénnwiinzan sile we gi we ma; I mi nyané lé kɔn béli so, Bé ’wiile sian tɛrɛ fɔɔ yé é bɔ loru. Ka ye do.

Sofoni 1:12

’Bɛ yi la, maa dan Jérusalɛm gi fwi lɛ kyɛbɔnu nya an lee, yé munu lé wo ke é yiale wolé yialafɛnu ta flee, ’té wa fé wo bli gi léé, Gakelebale ’ka we zin kɛla lo, yé é ’ka a naané kɛla lo, maa dan we lɛdɔ lɛ wo gi.

Sofoni 2:14

Trubɛ palunu é dan yia lɛ ana, wi gɔnɔ do donu lé. Valusanbla valé ’téli é dan yii lɛ alé kɔnwɛyili nwiin; siaa dérenu é dan we lɛ alé fɛnɛtinu ta. Fɛ sɛrɛlenu é dan kɛlɛ lɛ alé kɔnpa la, yé wo dan alé sɛdrɛyili feenu so lɛ.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 1:32

Jan wean na ye, é a fe, yé é léé: Maa Kazambale Léli ye sina la gi, ’té éé zunwo bélé plala zo, yé é dɔ a nwiin.

Kelewenu 26:13

Naa, minwiinzan, é yiéyi, san do si la gi yé é diri maa valé an béénu zi zia. A bile mini yiri ta.

Jozué 10:18

Jozué léé: ’Ka gɔlɛ blɛnnu burula, ’ka gɔmaguru lɛ tan, yé ’ka munu dɔ ana, yuɛ pale wo ta we gi.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Wegɔɔnle 8:3

Yé lanje bɛ da, yé ’bɛ dɔ balebanna ta, ’té lasikɔrɔ kyɛblégi kyanbɔ a ’bɛ lee; wo lasikɔrɔ kiɛre nɔ a lɛ, alé wo nɔle balebanna lé wa kɛlɛ kyan nya, ’té é ke lasikɔrɔ zé nya bɛ, ’té é ke fuablin ’lɛ, a ta we gi, é valé Kazambale lé munu faa lé bazorolenu nya.