Amɔs 8:4 - Kazambale lé Sebe Sauunu 1979

⁴ ’Kaa lé ka tɔnanénu tablé, ’té ka tɛrɛ ’ko la wenaané bɔmazannu zanaan a gi, ’ka tɔné dɔ we ’ko lɛ.

Amɔs 8:4 ပူးပေါင်းရင်းမြစ်များ

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

JOB (Job) 24:4

Woo nyanégyɛzannu bin‐é zia; Woo we kɛla wenaanébɔmazan lɛ fɔɔ yé ’bɛnu é yɔɔ.

Lɛrɛvɔ Sɛbɛ 10:7

A ’léé a é fanle balepalenu koo, dabli kɛlɛle koo, mitablelenu koo, wo nya, Miblifliwe valé weple a a nɛnɛ la.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 14:4

Munu faa lé woo weple kɛla, dé wedɔɔle saan é wo wo ’wuo gii? Woo anlé munu minié, woo anlé munu sian wo blefɛ nya. Wo ’ka Gakelebale tɔ laan pelo.

Lɛrɛvɔ Sɛbɛ 140:12

Mian dabli ke a nɛnɛ ta, é ’ka dɔa gligli tɛrɛ la lo; Yé wenaané éé goo glazan nya é sanna.

Lɛrɛvɔ Sɛbɛ 56:1

David lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama plala lé ke térébɛnt yili nwiin baa, ’wa vɔ a va. Bale tɔbɔlɛrɛ lé David a vɔ, bléyian va lé Filisitinu a kun Gat, yee lé.

Wegɔnévɔlenu 30:14

Migɔnɔ do ana yé wo suiɛ a gwɔun nya yé wo puowɔlɛ a sɛnnénu nya tɛrɛ la nyanéblemunu minile we gi, munu va nyanégyɛzannu minile we gi.

Ézai 1:10

Sɔdɔm munu nwiinzannu, ’ka tɔné dɔ Gakelebale dére lɛ. Gɔmɔɔ munu, ’ka kolé Bale lé bélidɔwe ban ka tɔné nya.

Ézai 28:14

’Kaa lé ka ke é plale Jérusalɛm munu nwiin, mimawenanazannu, ’ka tɔné dɔ Gakelebale dére lɛ.

Jérémi 28:15

Yé balelayezan Jérémi lé balelayezan Aanania lɛ léé: Aanania, ’i tɔné dɔ. Gakelebale ’ka i pa lɛ zia monomono lo. Yé munu pa ilé viéwe fele ’ko ta.

Jérémi 5:21

’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

Ézékiɛl 45:10

Kalé fɛdankilo ’é kɛlɛ tegele ma. Kalé fɛdangifɛ valé kalé litrénu ’é kɛlɛ tegele ma.

Amɔs 5:11

É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Amɔs 5:12

Naa, maa gi dɔɔ léé, kalé wenyané blɛnnu a kiɛre, kalé wenyanénu gi gyɛ. Ka yaan mi tegelenu ta, ka blɛfɛ sié gla nya, yé ka nyanégyɛmunu lé se sié wo lee weblena.

Amɔs 7:16

Bii lé i ke a fena léé, té an balelawe fe Izraɛl tɔ nya lo, té an we fe Izak lé munu tɔ nya lo bɛ, ’i tɔné dɔ sin Gakelebale dére lɛ.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Misé 3:3

Woo anlé munu wi blé, woo wo kɔlɛ boo, woo wo wɔlɛnu ’wiié, woo wo wi kinié ékema woléwoléné bélé wa dɔnena bɔ gi, bélé wi lé wa dɔnena lɛeda gi, a zo.

Zakari 5:6

Yé maa léé: Mɛ fɛ léé? Yé é léé: Kyɛɛ lé. Yé é lé é ziin léé: Weple lé wa kɛlɛna tɛrɛ ’ko faa la, yee lé.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

SEBE LÉ JAK A GYE (Épitre de Jacques) 5:6

Ka ga dɔ mi tegele nwiin, yé ka a gyɛ, yé é ’ka nyana vɔ lɛ lo.