Amɔs 8:11 - Kazambale lé Sebe Sauunu 1979

¹¹ Mizan Gakelebale léma: Ka ye, a yinu é dan bɔ lɛ yé maa dan da lɛ lɔrɔ nya tɛrɛ ’ko ta; buru valé ’yian wo dan vuru lɛ wo ma lo, naa, Gakelebale dére ’male ɛ dan vuru lɛ wo ma.

Amɔs 8:11 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

Lɛrɛvɔ Sɛbɛ 74:9

Wo ’ka kolé tɔmasenu yé é dɛrɛ lo; Balelayezan ’ka ana é dɛrɛ lo, Yé dé a lɛɛ vo nɔɔ? ko va mi do ’ka ’bɛ gi dɔɔa lo.

Wegɔnévɔlenu 29:18

Dé we ta ’ka bɔraan lo, munu ’ka kanaan we ma lo; mi lé éé bélidɔwe ta tawoo, a gi éé nanaan.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Ézékiɛl 7:26

Wenaané éé bɔa é ke zuo ke zuo, vun éé wé é ke zuo ke zuo; woo yuɛziwenu ma laan balelayezannu lee; Balebanmunu ’ka bélidɔwe dɔɔa é dɛrɛ lo. Weplale mi lɛ sele ’ka mi segelenu gi é dɛrɛ lo.

OZÉ (Osée) 2:3

’Ka fe ka bwenu lɛ léé: Ami, ’bɛ gi léé, anlé munu; ’ka fe ka burunu lɛ léé: Rusama, ’bɛ gi léé, nyanai zénle.

Misé 3:6

We ’ko ma lé, béli é dan tan lɛ ka ma, yé ka ’ka dan yuɛziwe ye lɛ lo. Gunu é dan dɔra lɛ ka ma, yé kalé ’moné ’ka dan din nɔ lɛ lo. Yiri é dan vɔ lɛ yee balelayezannu ma, yé gunu é dan dɔra lɛ wo ma é yiéyi.

Matio 9:36

Jézu mi gu ye aan wo a nyanai zén wo ta; wo fuu ’ka wo ta lo, yé wa tɔɔtɔɔ bélé ’blanu lé wo tabinzan ’ka lo, wo zo.

1 Samuɛl 28:15

Samuɛl lé Saul lɛ léé: Mɛmalé i an ma kyɛ dɔ an laale nyaa? Saul a zi pa léé: Maa a we tɔntɔn blɛn gi; Filisitinu a guli danna an va yé Gakelebale si an va; dé é a balelayemunu nyaoo, dé é a nyɛ fla nyaoo, Gakelebale ’ka we zi paan an lɛ ’bɛ do nya lo. We lé é a lé maa kɛlɛ, maa i laa léé, bé fe an lɛ.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.

1 Samuɛl 3:1

Samuɛl kiéné a Gakelebale lé nyanama pana Éli va. ’Bɛ bléyi va ’té Gakelebale ’ka we fé mi lɛ fiéfié lo, ’té woo yuɛzi we yé do do.