Amɔs 7:17 - Kazambale lé Sebe Sauunu 1979

¹⁷ Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.

Amɔs 7:17 ပူးပေါင်းရင်းမြစ်များ

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

Lɛrɛvɔ Sɛbɛ 78:55

É bɛnnu bin wo ’lɛ, É wolé tɛrɛ guli wo ma wolé tɔnɔfɛ nya, Yé é Izraɛl bɛnnu nyana wolé sɔkɔnnu wuo.

Ézai 13:16

Wo dan wolé nénu ’wii lɛ wo yuɛ va; wo dan wolé kɔnnu ’wii lɛ, yé wo dan zɔwɛgyɛ lɛ wo nanu ta gla nya.

Ézai 22:18

yé é dan i burula lɛ bélé balɔn zo tɛrɛ blɛn la. ’Bɛna lé i dan ga lɛ, ’bɛna lé ilé gulidangoro nɔnɔminu é dan go lɛ, bii lé, i izan lé kɔngimunu gyɛ yara nya.

Jérémi 14:16

Yé munu lé wo balelawe fe ’bɛnu lɛ, ’bɛnu galenu é dan dia lɛ Jérusalɛm zinu ta, lɔrɔ valé gwɔun pagi nya. Wo koo, wo nanu koo, wo benu koo, wo lunu koo, wo pazan do ’ka dan kɛlɛ lɛ ana lo; maa dan wolé we lɛrɛlɛrɛnu nɔla lɛ wo ma.

Jérémi 20:6

Yé bii Pasuu, bii valé ilé munu faa, ka dan go lɛ luu gi; i dan go lɛ Babilɔn yé i dan ga lɛ ’bɛna. Wo dan i pa lɛ ’bɛna, bii valé i béénu faa lé i balelawe fe wo lɛ vié nya bɛ, wo nya.

Jérémi 28:12

Balelayezan Aanania lé luubale kinile balelayezan Jérémi bɔrɔ ma zuo, Gakelebale we fe Jérémi lɛ yé é léma:

Jérémi 28:16

Amalé Gakelebale léma: Bé ye, maa i sié tɛrɛ ’ko la. I dan ga lɛ lɛɛ ’ko gi. Naa, i dérenu a nwa Bale ma dérenu nya.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 29:25

Lai sunyanu lé Gakelebale, Izraɛl lé Bale léma: I lɛtrɛ pa zia ibo tɔ gi Jérusalɛm munu faa koo, Balebanzan Maaséja be Sofoni koo, Balebanzannu faa koo, wo lɛ zia; bé gyɛ yee sɛbɛ gi léé:

Jérémi Lé Wuvɔ Sɛbɛ 5:11

Ko nyanézannu zɔwɛ gyɛ Siɔn lomu ta; Wo blɛnnu sɛrɛ Juda flanu ta.

Ézékiɛl 4:13

Yé Gakelebale léma: A zo duo lé Izraɛlnu é dan ’wolé buru tiridɔle ble lɛ, maa wo bin yé wo go bɛnnuan wo va, wo méléna.

OZÉ (Osée) 9:3

Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

Amɔs 6:7

Amalé wo dan go lɛ luu gi é vinin; munu ’konu lé woobo no tɛrɛla ginanale lɛ, wolé gi nana siaalenu é dan nyaa lɛ.

Amɔs 7:11

Naa, we lé Amɔs ke a fena, yee lé ke léé, Jéroboam é dan ga lɛ gwɔun ’léé, yé wo dan go lɛ Izraɛl munu nya luu gi baa.

Amɔs 8:1

Mizan Gakelebale we ’ko gɔɔn an lɛ yuɛ zi gi. Ka yua, kyɛɛné do lé ke é fanle yiliporo nya, yee lé.

Amɔs 9:1

Maa Mizan ye é dɔle balebanna ta loru. Yé é léma: ’I fɛ duun wɛyiliwuonu lɛ, fɔɔ yé kɔnpa ma é nyɔɔn, yé wo faa ’wuo ’é ’wii. Maa dan a pɔnénu gyɛ lɛ gwɔun nya za ma; wo va mi do kpen ’ka dan vɔ lɛ fli gi yé é so we lee lo; wo vazan do kpen ’ka dan so lɛ an lee lo.

Amɔs 9:8

Ka ye, Mizan Gakelebale yuɛ a é dɔle bɛntɛrɛ lé we a gyɛ, a ta; maa dan a sɛrɛ lɛ tata tɛrɛ ta, duowo, maa ’ka dan Jakɔb lé munu kulu ga lɛ tata lo. Yee lé Gakelebale a fe.

Misé 1:16

’I puo ma gun bo, ’i nwin puiɛ ilé né wezannu lé we ma. ’Ibo kɛlɛ palogyɛzan nya bélé gyɛn zo; ilé nénu é dan go lɛ luu gi tɛrɛ baa la, ’bɛzama.

Zakari 14:2

Maa dan bɛngɔnɔnu faa zén lɛ ékeva, yé wo guli dan Jérusalɛm va. Wo dan fla ’ko si lɛ, wo dan kɔnnu gi puo lɛ, yé wo dan zɔwɛ gyɛ lɛ ana lomu ta. Flamunu lɛ do é dan go lɛ luu gi, naa, wo ’ka dan a pɔnénu gyɛ lɛ lo.