Amɔs 7:12 - Kazambale lé Sebe Sauunu 1979

¹² Yé Amasia lé Amɔs lɛ léé: Yuɛziyezan, ’i fwi ’ko, ’i go Juda tɛrɛ la; ’i fɛ ble ana mi yé ’i balelawe fe ’bɛna.

Amɔs 7:12 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 16:10

Aza bli fli fɛnayezan ma, yé é a vɔ bokɔn gi. A bli fli, azama. ’Bɛ bléyi duo nya, Aza yaa mi kenu ta.

Ézai 30:10

Wa fé fɛnayezannu lɛ léé, té ka fɛna ye lo. Yé wo lé balelayezannu lɛ léé, té ka balelawe bozen fe ko lɛ lo; ’ka ko ginanawenu ɛ fe, ’ka balelawe fe ka ’wuoi é pla.

Ézai 56:11

Wa bélé blénnu lé woo fɛ blé, ’té wo ’ka kaan lo, wo zo. Wa munutabinzannu lé wo ’ka we do kpen maan lo, wo nya. Wo faa wobo lé zi sian, wo faa do do lé tɔnɔ yele we ma.

Ézékiɛl 13:19

Ka an tɔ sɛra anlé munu va, sɔnmlén bɛ nya kenu valé buru kuru kenu yele we ma, ’té munu lé é ’ka lé wo ga lo, ’té ka wo gya, yé ’té munu lé é ’ka lé wo vo é yuɛma lo, ’té ka wo voo é yuɛma. ’Bɛ zo wenu kɛlɛle nya lé anlé munu lé woo tɔné dɔa viéwenu lɛ, ka wo saan.

Amɔs 2:12

Yé ka nwɛ minile nɔ nazirézannu lɛ, yé ka lé balelayezannu lɛ léé, té wo balelawe fe lo.

Amɔs 7:11

Naa, we lé Amɔs ke a fena, yee lé ke léé, Jéroboam é dan ga lɛ gwɔun ’léé, yé wo dan go lɛ Izraɛl munu nya luu gi baa.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Matio 8:34

Yé flamunu faa si fla yé wo go Jézu vazia. Wolé Jézu yele tɔɔn, wo zanté vɔ a lɛ léé, ’é si ’wolé tɛrɛ la.

WENÉNÉ LÉ LUK A GYE (Évangile selon Luc) 13:31

A yi duo nya Farizi mi kenu da a va yé wo léé: ’I si fɛkona, ’i go. Érɔd a a va léé, ’é i gya.

Kelewenu 16:39

Wo da Pɔlnu bli dɔrala lɛ, yé wo wo bɔra yé wo zanté vɔ wo lɛ léé, ’wo si fla ’wo go.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

1 Korent munu 2:14

Naa, blami pla ’ka Kazambale Léli lé wenu gi maan lo, wa a yuɛ gi tavowe nya. Mi éé wo gi maan Bale Léli nya, amalé blami pla ’ka wo gi maan lo.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;

1 Samuɛl 2:36

Yé dé i gɔnɔlazan‐oo zan‐an vo, é dan dia lɛ é yara a ’lɛ, gɔɔli wɔlɛ do valé buru kuru do yele we ma, yé é dan a fe lɛ léé: ’I Bale lé nyanama kiéné nɔ an lɛ, maa a pa, fɛblele kiéné yele we gi.

1 Samuɛl 9:9

É vinin, Izraɛlnu va, dé mi go we laa lɛ Bale lee, é léé, ’i da, ’ko go fɛnayezan va. Naa, mi lé wa laama kyɔ balelayezan, é vinin wa laama fɛnayezan.