Amɔs 6:8 - Kazambale lé Sebe Sauunu 1979

⁸ Mizan Gakelebale ébo ’nyɔɔn, Gakelebale, lai sunyanu lé Bale léma: Maa nyé yélié Jakɔb lé boblɛn ma, yé alé fuakɔnnu za a an gi; maa dan fla valé é tafɛnu faa pa lɛ munu lee.

Amɔs 6:8 ပူးပေါင်းရင်းမြစ်များ

Wepélisiananu 22:16

yé é léé: I we ’ko kɛlɛ yé i ’ka i be wɔlɛ do kpen nyané kɛlɛ lɛ an lɛ lo, amalé maa, Gakelebale dére lé, maa anbo ’nyɔɔn léé,

Lɛrɛvɔ Sɛbɛ 106:40

Gakelebale bli fli élé munu ma, Yé é ’élé munu ye bélé naaninvɔmafɛ zo.

Lɛrɛvɔ Sɛbɛ 47:4

Éé migɔnɔnu plaan ko wuo, Yé éé bɛnnu plaan ko ganenu wuo.

Lɛrɛvɔ Sɛbɛ 50:12

Dé lɔrɔ a an gyɛna, maa ’ka dan a fe lɛ i lɛ lo, Naa, tɛrɛ valé é tafɛnu faa a anzé nya.

Lɛrɛvɔ Sɛbɛ 78:59

Bale a ’ma, yé a bli fli, É Izraɛl munu nyunu gla nya léé, ’wo si ’é ma.

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Jérémi 12:8

Anlé tɔnɔfɛ kɛlɛ an lɛ bélé golizra zo pɔrɔ gi, É ’é gi gunu an ma, Amalé maa a za pa.

Jérémi 22:14

’Té é a fé léé: Maa dan kɔn blɛn dɔ lɛ anzé nya, Yé maa kɔnmi zinu blɛnnu pa, Maa dan fɛnɛtinu pa lɛ a ma, An dan plafɔn kɛlɛ lɛ sɛdrɛyili nya, Yé maa dan tɔrɛ sɔɔn gié lɛ a ma, Wenaané ’é kɛlɛ ’bɛzan lɛ ma.

Jérémi 22:5

Naa, dé ka ’ka ka tɔné dɔa dére ’konu lɛ lo, maa anbozen ’nyɔɔn léé, kɔn ’ko, é dan kɛlɛ lɛ é ’bin nya.

Jérémi 44:26

’Kaa Juda munu faa lé ka ke é nyanale Éjipiti tɛrɛ la, ’ka tɔné dɔ Gakelebale dére lɛ. Gakelebale léma: Ka ye, maa anbo ’nyɔɔn an tɔ blɛn nya léé, Juda mi do kpen ’ka dan an tɔ laa lɛ é dɛrɛ lo. Yé Éjipiti tɛrɛ faa la, mi do kpen ’ka dan a fe lɛ léé, Mizan Gakelebale a é yuɛma, lo.

Jérémi 49:13

Naa, Gakelebale léma: Maa anbozen ’nyɔɔn, léé, Bozra é dan kɛlɛ lɛ guru zana a gizan valé serelebomazan nya; wo dan a sɛrɛ lɛ tata yé wo bale pa a ma. Alé flanu é dan kɛlɛ lɛ é ’bin nya, ’té ’bɛ glɛ ’ka lo.

Jérémi 51:14

Lai sunyanu lé Gakelebale ébo ’nyɔɔn léé: Iin, maa dan i nyanézannu fan lɛ bélé gangannu zo, yé wo dan nwa lɛ i ma gulidan siaalenu nya.

Jérémi Lé Wuvɔ Sɛbɛ 2:5

Mizan kɛlɛ bélé wo nyanézan zo, É Izraɛl munu ble; é wolé fuakɔnnu faa ble, É wo yɔɔna plɛplɛnu sɛrɛ; É Juda munu kɛlɛ nyanéblezannu valé dunnuzannu saa nya.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

OZÉ (Osée) 11:6

Wo bligiwe lé we ma lé gwɔun é dan bɔra lɛ wolé fla yé é dan wo sɛrɛ lɛ, yé é dan wo kulu ga lɛ.

Lévinu 26:11

Maa dan nyana lɛ ka va yé maa ’ka dan serele bo lɛ ka ma lo.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Amɔs 3:10

Gakelebale léma: Wo ’ka wedrɔle kɛlɛle gi dɔɔa lo; fɛnu lé wa si gla valé ta plɛplɛ nya, woo wo tééan ’wolé fuakɔnnu gi.

Amɔs 3:11

Bɛwemalé Mizan Gakelebale léma: Ka nyanézannu é dan kalé tɛrɛ zi lɛ sɔɔ lɛ; wo dan kalé plɛplɛ sɛrɛ lɛ, yé wo dan ’wii lɛ kalé fuakɔnnu ta.

Amɔs 4:2

Mizan Gakelebale ’é kɛlɛle sauun ’nyɔɔn léé, ka ye, kazé yi é dan bɔ lɛ, yé maa dan ka sia lɛ kɔ blɛnnu nya, yé maa dan kalé nénu sia lɛ kɔnu nya.

Amɔs 5:21

Maa kalé fɛtinu za paan, maa nyé yélié wo ma; ka zénle ékema ’ka sɔ lɛ an lɛ lo.

Amɔs 8:3

’Bɛ yi la, fuakɔn gi lɛrɛvɔle é dan kɛlɛ lɛ dunnule nya. Wo dan migalenu kiɛre vuli lɛ fɛfaana, ’té wo ta a é dɔle tétété. Yee lé Mizan Gakelebale a fe.

Amɔs 8:7

Gakelebale Jakɔb tɔbɔmazan ’nyɔɔn léé, wo kɛlɛwe do kpen ’ka dan saan lɛ ’é gi lo.

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

Bélidɔwesɛbɛ Fiézan 32:19

Gakelebale a ye, yé a bli fli, Yé é wɛwɛ dɔ é benu valé é lunu ma.