Amɔs 6:5 - Kazambale lé Sebe Sauunu 1979

⁵ Woo boalɛrɛnu vɔa kpélé va. É dɔ wo gi léé, ’wa lɛrɛvɔafɛnu gyɛzannu baba nya, bélé David zo.

Amɔs 6:5 ပူးပေါင်းရင်းမြစ်များ

Wepélisiananu 31:27

Mɛmalé i vɔ fli gi kyeen nya yé i dabli kɛlɛ an lɛ yé i ’ka i fwiwe fe lɛ an lɛ loo? Dé é a bélé bé fe an lɛ kɔɔn, ’té maa ’ka zi nɔ lɛ i lɛ yé maa i dɔ zia ginanale koo, lɛrɛvɔle koo, poo valé kɔnɔ gyɛle koo, wo nya loo?

Minwiinzannu lé Wezuofe Sɛbɛ 15:16

Yé David lé Lévinu ’lɛzannu lɛ léé, ’wo lɛrɛvɔafɛnu nɔ lɛrɛvɔzannu lɛ; gitaanu koo, kɔnɔnu koo, kɔanu koo, é a lé wo wo gyɛ yé wo we plɛplɛ, gi nanale tɔmase nya.

Minwiinzannu lé Wezuofe Sɛbɛ 23:5

mi baa fié ’é kɛlɛ kɔntayuɛpazannu nya ma, mi baa fié ’é Gakelebale tɔ bɔ, lɛrɛvɔafɛnu lé maa wo kɛlɛ a tɔ kɛlɛle blɛn we ma, wo nya.

2 Minwiinmunu lé Wezuofe Sɛbɛ 29:26

Lévinu dɔ ’wo dɔna, ’té David lé lɛrɛvɔafɛnu a wo lee, yé Balebanzannu dɔ ’wo dɔna, bélinu nya wo lee.

Bale Lé We Gifezan 2:8

Gɔɔlifu valé kyan koo, minwiinzannu lé fuafɛnu valé wolé tɛrɛlafuafɛnu koo, maa wo téé anbo lɛ. An lɛrɛvɔgɔnénu valé lɛrɛvɔlomu si anzé nya; maa blami ginanamafɛnu valé lomu kiɛre si anzé nya.

Ézai 5:12

Kɔnɔ koo, gitaa koo, poo koo, séén koo, nwɛ koo, ’bɛnu ɛ wolé fɛtinu nanama é baba, naa, wo ’ka wo gi bɔrɔan Gakelebale kɛlɛwe ma lo, yé wo ’ka a panyanama yé lo.

Ézékiɛl 26:13

Maa dan ilé lɛrɛvɔlenu yi ga lɛ, yé wo ’ka dan ilé kɔnɔnu dére ’ma lɛ é dɛrɛ lo.

Amɔs 5:23

’Ka si an yuɛi kalé lɛrɛvɔle nya; maa ’ka an tɔné dɔna kalé kpélénu dére lɛ lo.

Amɔs 8:3

’Bɛ yi la, fuakɔn gi lɛrɛvɔle é dan kɛlɛ lɛ dunnule nya. Wo dan migalenu kiɛre vuli lɛ fɛfaana, ’té wo ta a é dɔle tétété. Yee lé Mizan Gakelebale a fe.

1 Piɛri 4:3

É vinin na, ka tawo yolémunu lé blibɔmawe yɛrama; ’té ka we vɔnle kɛla, ’té ka bli éé bɔa fɛnu ma, ’té ka nwɛ taan, ’té ka nyɔnɔfɛ kiɛre kiɛre blé, ’té ka fɛ kiɛre kiɛre minian, ’té ka miyilinu bɔa, dɔlé ’té miyili bɔle yi a é gale. ’Bɛ a é yi.

Wegɔɔnle 18:22

Kɔnɔ koo, gobé koo, séén koo, béli koo, wo ’ka dan wo dére ’ma lɛ i ta é dɛrɛ lo, yé dé é a blaobla‐an bozan nyaoo, wo ’ka dan wo ye lɛ i ta é dɛrɛ lo, yé wo ’ka dan fɛ zɔnle vun ’ma lɛ i ta é dɛrɛ lo,