Amɔs 6:10 - Kazambale lé Sebe Sauunu 1979

¹⁰ Dé alé mi do da a gale sia lɛ a kyɛblele we ma, dé é a a va léé, é a gale si kɔn‐in, é dan a laa lɛ kɔnsorogizan lee léé: Mi do a i va é ziin bɛɛ? Yé mi ’ko é dan a zi pa lɛ a lɛ léé: Mi do ’ka ana lo. Yé é dan a fe lɛ ’bɛ lɛ léé: ’I tadɔ. Gakelebale tɔ fe bléyian ke ’ko lo.

Amɔs 6:10 ပူးပေါင်းရင်းမြစ်များ

2 Minwiinzannu 23:16

Jozias nɔla yé mipana lé ke gɔ ma bɛ, é a ye, yé é munu pa zia miwɔlɛnu sina mipananu na, yé é wo kyɛ ble balebanna ta yé é a sɛrɛ, dére lé Gakelebale a fe, Bale lé mi lé é we ’konu zuo fe, a nya, a yɛrama.

2 Minwiinzannu 6:33

É a tan we fena wo lɛ tɔɔn, nwunvɔzan da a vazia, yé é léé: Bé ye, we tɔntɔn ’ko si Gakelebale va; mɛmalé an bli vo Gakelebale lɛ é dɛrɛɛ?

Jérémi 16:6

Mi segelenu valé nunukénénénu é dan ga lɛ tɛrɛ ’ko la yé wo ’ka dan wo pa lɛ pelo; wo ’ka dan wo wuvɔ lɛ lo, wo ’ka dan pɔɔ gyɛ lɛ wo kɔlɛ ma lo, wo ’ka dan ’wo nwin bo lɛ wolé we ma lo.

Jérémi 44:26

’Kaa Juda munu faa lé ka ke é nyanale Éjipiti tɛrɛ la, ’ka tɔné dɔ Gakelebale dére lɛ. Gakelebale léma: Ka ye, maa anbo ’nyɔɔn an tɔ blɛn nya léé, Juda mi do kpen ’ka dan an tɔ laa lɛ é dɛrɛ lo. Yé Éjipiti tɛrɛ faa la, mi do kpen ’ka dan a fe lɛ léé, Mizan Gakelebale a é yuɛma, lo.

Jérémi 9:21

Naa, gale wɔra kolé fɛnɛtinu ta, É wɔra kolé fuakɔnnu gi; É nénu kulu ga zinu ’léé, Yé é mi boronénu nyaa vuun ta.

Ézékiɛl 20:39

Mizan Gakelebale léma: Yé ’kaa Izraɛlnu, ka faa do do ’é go kalé miyilinu ban. Naa, ’bɛ zuo ka dan ka tɔné dɔ lɛ an lɛ, yé ka ’ka dan an tɔ sauun sɛrɛ lɛ kalé blɛfɛnu valé kalé miyilinu nya é dɛrɛ lo.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Amɔs 5:13

Bɛwemalé bléyi ’ko va, wedɔɔzan éé tadɔa; naa, bléyi ’ko a bléyi naané nya.

Amɔs 8:3

’Bɛ yi la, fuakɔn gi lɛrɛvɔle é dan kɛlɛ lɛ dunnule nya. Wo dan migalenu kiɛre vuli lɛ fɛfaana, ’té wo ta a é dɔle tétété. Yee lé Mizan Gakelebale a fe.

Mi Nɔnɔle 17:12

Izraɛlnu lé Moizi lɛ léé: Bé ye, ko a gana, ko a zamaga wona. Ko faa a zamaga wona.

1 Samuɛl 31:12

nyanazannu faa nwa yé wo tu kini tawole nya yé wo Saul valé é benu galenu si Bɛt‐San lé kɔn guru ma. Wo da Jabɛs yé wo wo kyɛ ble ’bɛna;