Amɔs 6:1 - Kazambale lé Sebe Sauunu 1979

¹ Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Amɔs 6:1 ပူးပေါင်းရင်းမြစ်များ

1 Minwiinzannu 16:24

é Samari gɔ lɔ Sémɛɛ lee, gɔɔlifu talan fié nya; é fla pa gɔ nwiin yé é yee fla tɔ pa Samari, gɔzan Sémɛɛ tɔ nya.

Lɛrɛvɔ Sɛbɛ 123:4

Boblɛnzannu lé ko ma we nanale valé tɔzannu lé serele bole ko ma, Éé ko boen kaan.

Wegɔnévɔlenu 1:32

naa, ’wuoplɛlɛzannu lé tɔné gi plɛplɛ éé wo gya, yé ’tugyɛmunu ta béli dɔle éé wo saan;

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Jérémi 48:11

É sia a kiéné la bléyi va fɔɔ kyɔ Moab a é nyanale drɔɔ; é a nwɛ lé a bo pla a wuo, a zo. Wo ’ka a zén lɛ bɔ bɛ gi lo, é ’ka go lɛ luu gi lo. A néné vo é dɔbɛ gi, a gin ’ka nɔla lɛ lo.

Jérémi 49:31

’Ka nwa, ’ka nwa bɛn drɔɔ do lé éé nyanaan fɛna gligli na, a ma; maa Gakelebale ɛ ke a fena. Alé flagɔrɔ ’léé duoli ’ka lo, yé foliɛwɔlɛ ’ka a ta lo; éé nyanaan é do.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Jérémi 7:4

Dablidére lé wa fé léé: Fɛkona a Gakelebale lé kɔn nya, é a Gakelebale lé kɔn nyaoo kɔn nya, té ka bli é vo ’bɛ lɛ lo.

Jérémi Lé Wuvɔ Sɛbɛ 1:1

Yé mɛ ɛ kɛlɛɛ? Fla lé a tamunu ke é vinin kiɛre, é vo é plaa? É kɛlɛ bélé zanagala le do zo. Yee lé a tɔ ke turu é bɔle blɛn bɛnnu méléna, ’té é kɛlɛ tɛrɛ faa nwiinzan nya, Yee ɛ vo luubale gii?

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Amɔs 3:9

Bale léma: ’Ka we zana dɔɔ fuakɔnnu gi Azdɔd tɛrɛ la, ’bɛ valé Éjipiti tɛrɛ la; ’ka fe léma: ’Ka zén ékeva Samari gɔnu nwiin, yé Samarinu bɔ éé gya fɛan zo, yé ka a ye; wa glawe kɛlɛna fɛan zo, yé ka a ye.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:27

yé maa dan go lɛ ka faa nya luu gi Damas zi. A zo lé Gakelebale a fe; a tɔ lé lai sunyanu lé Bale.

Amɔs 8:14

Samarinu lé wenyané lé ke ’wolé yonu nya, woo ’bɛnu ’nyɔɔn‐an yé wo léé: Dan, ilé bale tɔ gi, Bɛɛ‐Sééba zi, i tɔ gi; naa, munu faa lé wa kɛla a zo, wo dan dia lɛ yé wo ’ka dan nwa lɛ é dɛrɛ lo.

Amɔs 9:10

Anlé munu va wenyanékɛlɛzannu faa lé wa fé léé, we tɔntɔn ’ka dan bɔ lɛ ’wo lɛ lo, wo dan wo faa gyɛ lɛ gwɔun nya.

Misé 3:1

Maa léma: ’Kaa Jakɔb lé mununwiinzannu valé Izraɛl lé mi blɛnnu, ’ka tɔné dɔ. Ka‐an é a kɔɔn lé ka we tegele dɔɔ loo?

Sofoni 1:12

’Bɛ yi la, maa dan Jérusalɛm gi fwi lɛ kyɛbɔnu nya an lee, yé munu lé wo ke é yiale wolé yialafɛnu ta flee, ’té wa fé wo bli gi léé, Gakelebale ’ka we zin kɛla lo, yé é ’ka a naané kɛla lo, maa dan we lɛdɔ lɛ wo gi.

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

SEBE LÉ JAK A GYE (Épitre de Jacques) 5:5

Ka kalé tɛrɛla kɛlɛ Kabozen lé ginanawenu kɛlɛle valé tɔnɔ blele nya; bléyian va lé wa munu gyɛna ’té ka kalé nyɔnɔfɛnu blé.

1 Piɛri 5:7

yeebozen ɛ ka paan, amalé ’ka kalé gibɔrɔmawenu faa bɛ pa a lee.

Weblezannu 18:7

Gɔné soru go yé wo bɔ Lais. Wo ana munu ye, ’té wa é nyanale duaa é pla, Sidɔn munu nyanabɛ gi, ’té wa drɔɔ, ’té wo gi a é sanle wobo ma; yé mi do kpen ’ka wolé tɛrɛ la yé ’bɛ é wenyané kiiéné kɛla wo lɛ yé ’bɛ é pla wo nwiin lo; wa Sidɔn munu ma baa, yé wo ’ka goo mi bɛnu va lo, yé mi bɛnu ’ka dan wo va lo.