Amɔs 5:8 - Kazambale lé Sebe Sauunu 1979

⁸ É Pléiade valé Orion monénénu kɛlɛ; Éé gunu ti nɔlaan tukinile nya, Éé fɛnafu kɛla gunu nya béli tanle we gi; Éé wɛyi laan, Yé éé wo sɔɔlaan tɛrɛ la; A tɔ lé Gakelebale.

Amɔs 5:8 ပူးပေါင်းရင်းမြစ်များ

JOB (Job) 12:22

Fɛ lé ke é yɔɔle gunuti va, éé a ta bɔraan, Éé gafurɔ zén‐é fɛnafu na.

JOB (Job) 37:13

É a bélé vlewɔlɛ lé élé tɛrɛ blaan a nya, a zo. Éé wo bɔraan é ziin élé sɔlɛle tɔmase nya.

JOB (Job) 38:34

I siaan latinu lɛ léé, ’Wo lɛɛ da ’é lɛɛ?

JOB (Job) 9:9

Monéné palunu lé woo wo laama Urisi Blɛn koo, Oriɔn koo, Pléiade koo, é wo kɛlɛ, Yé monéné palu lé ke yirinwanazia, é wo kɛlɛ.

Lɛrɛvɔ Sɛbɛ 104:20

I dan gunutinu nya yé béli éé taan, ’Té pɔrɔgiwinu faa zén tawole va;

Lɛrɛvɔ Sɛbɛ 105:28

Bale zi dɔ gunuti nya, Yé Moizi valé Arɔn Bale dére ’ma yé wo ’ka a lɛga lɛ a ma lo.

Ézai 42:16

Maa dan a kɛlɛ lɛ léé, yuɛwiimunu é tawo zi lé wa dɔɔa lo, a ta, Maa dan go lɛ wo nya zi prɔɔné lé wo ’ka a dɔɔa lo, a ta; Maa dan gunuti nɔla lɛ san nya wo ’lɛ, Yé maa dan zi plinle drɔ lɛ zi tegele nya; We lé maa dan a kɛlɛ lɛ, yee lé ke bɛ, yé an ’ka dan sɔn vɔ lɛ wo ma lo.

Ézai 59:10

Ko bɛ daan, bélé yuɛwiizan ɛ ke é bɛ danna kɔnguru ma; ko bɛ daan bélé mi lé a yuɛ ’ka lo, a zo; ko sɔné éé saan é yiéyi bélé béli lé; ko a fɛ kiɛre méléna, ’té ko a bélé migalenu zo.

Jérémi 16:21

Alé we ma lé bé ye, bléyi ’ko va, maa dan we gɔɔn lɛ wo lɛ; iin, maa dan anlé plɛplɛ valé anlé gla gɔɔn lɛ wo lɛ, yé wo dan a dɔɔ lɛ léé, an tɔ lé Gakelebale.

Jérémi 33:2

Gakelebale lé é we ’konu kɛla, é léma: Gakelebale lé éé wenu bɔrɔan é ’wuo gi, ’té éé wo kɛla, yee lé a tɔ ke Gakelebale bɛ, é léma:

Amɔs 4:13

Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.

Amɔs 8:9

Mizan Gakelebale léma: ’Bɛ yi nya, maa dan yiri vɔ lɛ é yiéyi, yé gunu é dan dɔra lɛ tɛrɛ la yiéyi bléyi va;

Amɔs 9:6

É nyanana kɛlɛ lanu gi, Yé élé fɛna pla kɛlɛ tɛrɛ nwiin; Éé wɛyinu laan, ’Té éé wo sɔɔlaan tɛrɛ yuɛ la; A tɔ lé Gakelebale.

Matio 4:16

Munu ’ko, wa é nyanale gunutinu va yé wo san blɛn ye; Yé wo lé wo ke é nyanale ga furɔ wuo, ga tɛrɛ la, san nwɛɛn wo ta.

WENÉNÉ LÉ LUK A GYE (Évangile selon Luc) 1:79

Munu lé wo ke é nyanale gunutinu va, é valé gale furɔ wuo, wo va kinile we gi, Yé é go ko nya vole drɔɔ lé zi ’léé.