Amɔs 5:6 - Kazambale lé Sebe Sauunu 1979

⁶ ’Ka Gakelebale nagini yé ka dan vo lɛ é yuɛma. ’Ka kana, dé é da bi Jozɛfu lé munu ma bélé kyɛ zo, yé kyɛ ’ko a ble, ’té mi do kpen ’ka Bétɛl yé ’bɛ a diri lo.

Amɔs 5:6 ပူးပေါင်းရင်းမြစ်များ

2 Samuɛl 19:20

I wuozan a gi dɔɔ é zima léé, ’é wenyané kɛlɛ. Yé bé ye, kyɔ maa dan anzan minwiinzan si lɛ zia Jozɛfu lé kɔngimunu faa vininzan nya.

1 Minwiinzannu 11:28

Jéroboam a pɛniɛ lé a ta ke kelekele, ’té a ’wuo ke a ta, a nya; Salomɔn a ye nyanama pana yé é a dɔ Jozɛfu gɔnɔ la fɔrɔlɔnu faa nwiin.

2 Minwiinmunu lé Wezuofe Sɛbɛ 34:25

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

Lɛrɛvɔ Sɛbɛ 27:8

Gakelebale lé an bli gi léé, maa ’é yara gini. Gakelebaleoo Bale, maa a i yara ginina.

Lɛrɛvɔ Sɛbɛ 69:33

Wenaanébɔmazannu an ye aan wo, wo gi nana, Ka‐an ka Bale naginian, fu ’é vɔ ka bli ma ma.

Fwile 22:6

Dé kyɛ do lɛ si yé é vɔ klala ’léé, dé ’sazun léé, dé ’saféi léé, dé féi boen léé, dé kyɛ a ble, kyɛvɔzan é dan a banwo lɛ.

Ézai 1:31

Mi plɛplɛ é dan kɛlɛ lɛ bélé ’sapɛɛ zo, yé alé nyanama é dan kɛlɛ lɛ bélé kyɛ flɛnné zo. Wo fiénu kyɛ é dan ble lɛ ékeva yé a dirizan ’ka dan kɛlɛ lɛ ana lo.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Ézai 55:6

’Ka Gakelebale nagini, bléyian va lé ka bɔa a yele lɛ, a bléyi va; Bléyian va lé é ke ka sɔnɔ, ’ka a tɔ laa.

Jérémi 38:20

Jérémi a zi pa léé: Wo ’ka dan i pa lɛ wo lee lo. ’I tɔné dɔ Gakelebale dére lɛ, wean maa a fe i lɛ bɛ, a lɛ. I dan wezin ye lɛ yé i dan béli lɛ.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Ézékiɛl 21:3

Bé fe yirinwana bɛyilazia pɔrɔ lɛ léma: ’I tɔné dɔ Gakelebale dére lɛ. Mizan Gakelebale léma: Maa dan i kyɛ vɔ lɛ yé yili drɔɔdrɔɔnu faa valé yili galenu faa, yee kyɛ ’ko é dan wo ble lɛ. Kyɛnɛnɛ blɛn ’ko ’ka dan diri lɛ pelo, yé fɛnu faa lé wo ke tɛrɛ yuɛ la é dan wo ble lɛ, é sia yirinwana bɛyilazia fɔɔ yé é bɔ yirinwana bɛbolazia.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Ézékiɛl 37:19

Bé zi pa wo lɛ léé: Gakelebale léma: Ka ye, Jozɛfu lé yili lé é ke Éfraim lee, ’té Izraɛl munu éé zén‐é wo va bɛ, maa dan a si lɛ; maa dan a kua lɛ Juda munu lé yili ma, yé maa wo kɛlɛ yili do kpen nya, yé wo vo an lee yili do kpen nya.

Amɔs 3:14

Yian nya lé an dan we lɛdɔ lɛ Izraɛlnu gi wolé bélidɔwe sɛrɛlenu lé we ma, yobannanu lé wo ke Bétɛl, maa dan wo sɛrɛ lɛ; maa dan wo bélinu yéli lɛ yé wo dan dia lɛ tɛrɛ va.

Amɔs 5:14

’Ka wezin kɛlɛle kwa kuli, té ka wenaané kɛlɛ lo, ka vole é yuɛma we gi, yé ’bɛ zo lé Gakelebale lai sunyanu lé Bale é dan kɛlɛ lɛ ka va, fɛan zo lé ka a fena, a zo.

Amɔs 5:4

Gakelebale we fe Izraɛlnu lɛ yé é léma: ’Ka an nagini, yé ka dan vo lɛ é yuɛma.

Amɔs 6:6

Woo nwɛ minian kana blɛnnu gi; woo nyɔnɔwezan baba giéan ’wo ma, yé wo gi kyɛ ’ka dɔa Jozɛfu guru zanale a gi we ma lo.

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Bélidɔwesɛbɛ Fiézan 4:24

Naa, Gakelebale, kalé Bale a kyɛ lé éé fɛ faa blé, a nya, é a maawo Bale nya.

Jozué 18:5

Wo dan a gi bɔi lɛ sɔrafié; Juda é dan vo lɛ ’é glɛ la yirinwana bɛyilazia, yé Jozɛfu lé munu wo dan vo lɛ ’wozé glɛ la yirinwana bɛbolazia.