Amɔs 5:21 - Kazambale lé Sebe Sauunu 1979

²¹ Maa kalé fɛtinu za paan, maa nyé yélié wo ma; ka zénle ékema ’ka sɔ lɛ an lɛ lo.

Amɔs 5:21 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Wegɔnévɔlenu 28:9

Dé mi é tɔné lɛ tan bélidɔwe ’male ma, alé bazorole boen a bélé bo zo.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Ézékiɛl 23:18

É élé pɛnpɛnné gyɛle bɔra gɔrɔ la, yé ébo poro. Yé an bli si a lɛ, bélé fɛan zo lé an bli si a buru lɛ turu, a zo.

OZÉ (Osée) 2:11

Bɛwemalé ’sa bléyi va, maa dan anlé ’sa si lɛ a lee; nwɛ dɛrɛ bléyi va, maa dan anlé nwɛ dɛrɛ si lɛ a lee; anlé ’blakyɛɛsɔ valé anlé lɛnsɔ lé é ’é ma yɔɔan turu a nya, maa dan a si lɛ a lee.

OZÉ (Osée) 5:6

Wo dan go lɛ Gakelebale gini lɛ, wolé ’blanu valé wolé dirinu nya wo lee, naa, wo ’ka dan a ye lɛ lo; é a é sile wo va.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Amɔs 4:4

Mizan Gakelebale léma: ’Ka go Bétɛl, ’ka wenyané kɛlɛ. ’Ka go Gilgal, ’ka wenyané taa kɛlɛ. ’Ka saraka bo tu valé é kinile ma, ’kalé fɛvuzanu nɔ yi yaa gɔnɔ do. ’Kalé bɔvɔ sarakanu bo lévɛn nya wo va. ’Kalé bli drɔɔ blɛnu zuo fe, ’ka a zana dɔɔ. ’Bɛ ɛ sɔ ’kaa Izraɛlnu lɛ.

Amɔs 6:8

Mizan Gakelebale ébo ’nyɔɔn, Gakelebale, lai sunyanu lé Bale léma: Maa nyé yélié Jakɔb lé boblɛn ma, yé alé fuakɔnnu za a an gi; maa dan fla valé é tafɛnu faa pa lɛ munu lee.

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.