Amɔs 5:18 - Kazambale lé Sebe Sauunu 1979

¹⁸ Munu lé é sɔ wo lɛ léé, Gakelebale lé yi ’é bɔ, we tɔntɔn a wozé nya. É dɔ ka gi léé, mɛ we ɛ dan bɔ lɛ ka ma Gakelebale lé yi nyaa? É dan kɛlɛ lɛ gunudɔrayi nya, fɛnafu ’ka dan kɛlɛ lɛ lo.

Amɔs 5:18 ပူးပေါင်းရင်းမြစ်များ

Ézai 13:6

’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Ézai 24:18

Mi lé éé vlanburuwo dɔnvɔmunu lé plale lee, é dan dia lɛ guru gi, yé mi lé é si guru gi é dan vɔ lɛ séli gi. Naa, lagi gɔɔn lɛ so, tɛrɛ gane vɔnanu ma nyɔɔn.

Ézai 5:19

yé wo léé: Bale, ’ibo tunu, ’ilé we kɛlɛ é kele, ko ye; Izraɛl lé Bale sauun lé bélidɔwe ’é da yé ’é lɛ sɔɔ yé ko a gi dɔɔ.

Ézai 5:30

’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Ézai 58:2

Yifaama woo an naginian. É sɔ wo lɛ léé, wo an kɛlɛwenu dɔɔ. Woo we fé an lɛ bélé bɛn lé woo we tegele kɛla, ’té wo ’ka sɔn vɔa wolé Bale lé bélidɔwe ma lo, wo zo, yé wo léé, ’maa we gi bɔi é bɔina. É sɔ wo lɛ léé, ’wo bié ’wolé Bale ma.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Ézai 9:19

Woo fɛ siaan gla nya wo bɛyilazia, ’té lɔrɔ éé wo gya; woo fɛ blé wo bɛbolazia, ’té wo ’ka kaan lo. Wo faa do do ’wobo bɛ blé.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 17:15

Bé ye, wo lé an lɛ léé: Gakelebale dére a kyɛɛn? A lɛ ’é sɔɔ ma.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Ézékiɛl 12:22

Blami be, mi ma wenanadérenu lé wa fena Izraɛl tɛrɛ la, wo gi lé nɔɔ? Wo léé: Yee yinu a mɔnna, yé yuɛziwenu faa vo é pla.

Ézékiɛl 12:27

Blami be, bé ye, Izraɛl munu léé: Yuɛziwenu lé é a fe ’wo lɛ, wo lɛsɔɔle ’ka é pu lo; éé balelawe fé bléyi baa zé nya.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Joɛl 2:10

Tɛrɛ ma éé nyɔɔn‐an wo ’lɛ, Lanu ma éé nyɔɔn‐an, Gunu éé dɔraan yiri valé moné yara, Monénénu éé daan bile ma.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Abudias 1:15

Naa, Gakelebale lé yi bɔ é pu, bɛnnu faa zé nya. I we kɛlɛ fɛan zo, a zo duo lé wo dan izé kɛlɛ lɛ. I kɛlɛwenu é dan dia lɛ i ta;

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Bélidɔwesɛbɛ Fiézan 32:24

Wo dan kwéé lɛ lɔrɔ lee; Kɔlɛ gi kyɛ dɔle valé migyɛgyɛ plɛplɛnu é dan wo gyɛ lɛ; Maa dan bwigiwe nyanénu valé ménénu pa lɛ wo lɛ zia yé ’bɛnu ’é wo gyɛ.

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

2 Piɛri 3:4

Blivolɛdére lé Jézu a fe léé, é dan da lɛ, a lɛsɔɔle a kyɛɛn? É sia ko tranu gale ma, fɛnu faa a wo dɔbɛ gi, bɛan zo lé wo ke wo kɛlɛbléyi va, ’bɛ bɛ gi.