Amɔs 5:12 - Kazambale lé Sebe Sauunu 1979

¹² Naa, maa gi dɔɔ léé, kalé wenyané blɛnnu a kiɛre, kalé wenyanénu gi gyɛ. Ka yaan mi tegelenu ta, ka blɛfɛ sié gla nya, yé ka nyanégyɛmunu lé se sié wo lee weblena.

Amɔs 5:12 ပူးပေါင်းရင်းမြစ်များ

JOB (Job) 20:19

Naa, é yaa nyanégyɛmunu ta, yé é ’ka wo mawe kɛlɛ lɛ lo, É kɔnnu sɛrɛ, yé é ’ka wo bɛ dɔ lɛ lo.

JOB (Job) 31:21

Dé maa ye léé, weblezannu a an béénu nya, ’Bɛ ma lé maa bɛ nwa ti valé bugalazannu ma,

Lɛrɛvɔ Sɛbɛ 127:5

Mian é élé sawɔlɛpafɛ fan wo nya, azé a néné, Dé wa wefena ’wo nyanézannu nya flagɔrɔ ’léé, Yara ’ka dan wo gyɛ lɛ lo.

Fwile 23:3

Té i dɔ nyanégyɛzan zuo é pla alé weblena lo.

Fwile 23:6

Dé wa nyanégyɛzan lé we blena, té i izé fe we tegele gi sɛrɛle we ma lo.

Wegɔnévɔlenu 17:8

Blɛfɛnu a gɔlɛwezan nya munu lé woo wo yé, wo lɛ; dé wo nɔla fɛofɛana, woo fɛ yé.

Wegɔnévɔlenu 22:22

Té i fɛ si nyanégyɛzan lee, a kɛlɛle nyanégyɛzan nya we ma lo, yé té i nyané pa mi tɔɔtɔɔnu ta flagɔrɔ ’léé lo;

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 29:21

Munu lé woo we dɔa mi bɛnu nwiin weblena, ’té woo diaan dɔmizuozannu zi flagɔrɔ ’léé, ’té woo weanwiinlozannu lé se sié wo lee dabli nya, woo lé.

Ézai 33:15

Mian alé tawobɛ ke tegele yé éé we drɔle fé, ’té éé nyé yélié tɔnɔfɛ lé wa yé gla nya, a ma, ’té éé sɔn vɔa blɛfɛ sile ma, é bɛ puole nya, yé éé tɔné lɛ taan minyɛzanawe lé wa glewo, a ’male ma, ’té éé sɔ buaan é yara léé, té é wenaané na ye lo, ’bɛzan lé.

Ézai 47:9

We ’ko fiénu é dan bɔ lɛ i ma yi do kpen nya, Né vurule i ma valé kɛlɛle gyɛzarale nya lé; Wo dan ’wii lɛ i ta, Dé i ’moné dɔ kiɛreoo, Dé i yo kɛlɛ kiɛreoo, wo dan ’wii lɛ i ta duowo.

Ézai 5:23

Munu lé woo wegyɛzan lé we kɛla néné, blɛ lé we ma, ’té woo weanwiinlozannu lé se sié wo lee, wenaané ’é kɛlɛ wo lɛ ma.

Ézai 66:18

Maa wo kɛlɛwenu valé wo bɔn‐in bɔrɔle dɔɔ. Bɛn faa zén ékeva bléyi bɔ, wo valé dére faa gimunu nya; wo dan da lɛ yé wo dan anlé fua tɔbɔle ye lɛ.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi Lé Wuvɔ Sɛbɛ 3:34

Dé woo luugimunu faa zɔn‐o Wo gane nya wolé tɛrɛ la,

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

OZÉ (Osée) 5:3

Maa Éfraim dɔɔ, Izraɛl munu ’ka é yɔɔle an lee lo; Éfraim, sin, i kɛlɛ bɔrɔdɛ kɛlɛzan nya, yé Izraɛl munu wobo tiri dɔ.

Amɔs 2:16

Gulidanzannu va bli la plɛplɛzannu é dan gyɛ lɛ bwi gi é porole ’bɛ yi la. A zo lé Gakelebale a fe.

Amɔs 2:3

Maa dan weblezannu nyaa lɛ wo va, yé maa dan ana minwiinmunu gyɛ lɛ wo nya ékeva. A zo lé Gakelebale a fe.

Amɔs 5:10

Mi lé é we pla wo lɛ weblena, woo ’bɛzan za paan, yé mi lé éé we fé é boen ma, woo serele boo ’bɛzan ma.

Amɔs 5:7

Ka lé ka we drɔle nɔlaan weple nya, ’té ka we tegele zɔn‐o ka gane nya, kalé we lé maa fe bɛ.

Amɔs 8:4

’Kaa lé ka tɔnanénu tablé, ’té ka tɛrɛ ’ko la wenaané bɔmazannu zanaan a gi, ’ka tɔné dɔ we ’ko lɛ.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

Bélidɔwesɛbɛ Fiézan 16:18

’Ka weblemunu valé dutinu dɔ, fla faa lé Gakelebale, kalé Bale a nɔ ka lɛ, wo ta, ka bɛn lɛgɔnɔnu faa gi; é a lé wo munu lé we ble tegele.

Bélidɔwesɛbɛ Fiézan 31:21

naa, dé wenaané valé kleblele kiɛre bɔ wo ma, lɛrɛ ’ko lé a sele ’ka dan saan lɛ wo gi monomono lo, ’té é a wo kulunu ’léé bɛ, é dan kɛlɛ lɛ anlé wenayezan nya munu ’konu ma. Wo bli a fɛan zo, maa dɔɔ, ana a é gɔɔnle kyɔ tɛkɛ, ’té maa ’ka boenwo tan wo wɔra lɛ tɛrɛ lé maa anbo ’nyɔɔn léé, maa dan a nɔ lɛ wo lɛ bɛ, a ta lo.

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.

SEBE LÉ JAK A GYE (Épitre de Jacques) 5:6

Ka ga dɔ mi tegele nwiin, yé ka a gyɛ, yé é ’ka nyana vɔ lɛ lo.

RUT (Ruth) 4:1

Boaz go flagɔrɔ ’léé yé é nyana. Yé bé ye, mi lé mi tabose ke a lɛ, ’té Boaz alé we fe bɛ, é a giéna. Boaz lé a lɛ léé: ’I da, ’i nyana.

1 Samuɛl 8:3

Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.