Amɔs 5:11 - Kazambale lé Sebe Sauunu 1979

¹¹ É ziin, ka nyanaizénlazannu zɔn ka gane nya; ka ’sa si wo lee gla nya, blɛfɛ tɔ gi; ka kɔn dɔ gɔlɛ nyaalenu nya, naa, ka ’ka dan nyana lɛ wo gi lo. Ka dɔrɔféi nɔnɔminu pa, naa, ka ’ka dan ana dɔrɔ mini lɛ lo.

Amɔs 5:11 ပူးပေါင်းရင်းမြစ်များ

JOB (Job) 20:19

Naa, é yaa nyanégyɛmunu ta, yé é ’ka wo mawe kɛlɛ lɛ lo, É kɔnnu sɛrɛ, yé é ’ka wo bɛ dɔ lɛ lo.

Ézai 16:10

Ginanale san ka lee kalé féinu lé we ma; ka ’ka lɛrɛ vɔa kalé dɔrɔféi é dɛrɛ lo, yé ka gi ’ka nanaan ana é dɛrɛ lo. Dɔrɔkɛlɛzan ’ka dan dɔrɔ zɔn lɛ ’é gane nya é dɛrɛ dɔrɔkɛlɛwoli gi lo. Maa ginana siaale dɔ.

Ézékiɛl 26:12

I nyanézannu é dan ilé fuafɛnu si lɛ i lee; wo dan ’wii lɛ ilé danfɛnu ta, wo dan ilé gɔrɔ ’wii lɛ, wo dan ilé kɔn nɔnɔminu ’wii lɛ, yé ilé gɔlɛnu koo, ilé yilinu koo, ilé vun koo, wo dan wo vuli lɛ ’yi va.

Ézékiɛl 34:21

Naa, ’blanu lé wo ke tɔɔtɔɔ, ka wo nyunu ka san valé ka bɛasan nya, yé ka wo yuaa ka bélinu nya fɔɔ yé ka wo bin.

OZÉ (Osée) 9:2

’Sa sunwona valé dɔrɔyi borona ’ka dan fɛblele nɔ lɛ ka lɛ lo; dɔrɔ dɛrɛ é dan vuru lɛ ka ma.

Lévinu 26:16

we lé maa dan a kɛlɛ lɛ ka lɛ, yee lé ke ’ko. Maa dan kana blɛn zén lɛ ka gi, yé maa dan ka gyɛ lɛ fuunégyɛ valé kɔlɛkyɛdɔgyɛ nya, yé ka yuɛi é dan zun lɛ yé ka boen é dan kle ble lɛ; ka dan fɛ vɔ lɛ kalé féi é pla; ka nyanézannu é dan a ble lɛ.

Amɔs 2:6

Gakelebale léma: Izraɛlnu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo mi tegele dan gɔɔli va, yé wo nyanégyɛzan dan sawala ba fié va.

Amɔs 2:7

É sɔ wo lɛ léé, ’wo nyanaizénlazan ye tɛrɛ nya é nwiin, yé wo wenaané bɔmazannu lé se si wo lee. Gɔnézan valé é be éé goo le do kpen va, an tɔ ’lɛzan sɛrɛle we ma.

Amɔs 3:15

Maa dan dunu bléyi va kɔnnu valé kyɛyee bléyi va kɔnnu zana lɛ; maa dan vwii suiɛ kɔnnu zana lɛ, yé tɔzannu lé kɔnnu é dan san lɛ. A zo lé Gakelebale a fe.

Amɔs 3:9

Bale léma: ’Ka we zana dɔɔ fuakɔnnu gi Azdɔd tɛrɛ la, ’bɛ valé Éjipiti tɛrɛ la; ’ka fe léma: ’Ka zén ékeva Samari gɔnu nwiin, yé Samarinu bɔ éé gya fɛan zo, yé ka a ye; wa glawe kɛlɛna fɛan zo, yé ka a ye.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 6:11

Naa, Gakelebale a fe léé: Maa dan kɔn blɛn guru zana lɛ a gi, yé maa dan kɔn kiéné kɛlɛ lɛ é ’bin nya.

Amɔs 6:12

Wisoo éé vlanburuwo gɔlɛ taa? Woo nyana woo ana dirinu nyaa? Naa ’kaa, ka we drɔle nɔla migyɛlale nya, yé ka we tegele nɔla koi nyɔnɔ nya.

Amɔs 8:4

’Kaa lé ka tɔnanénu tablé, ’té ka tɛrɛ ’ko la wenaané bɔmazannu zanaan a gi, ’ka tɔné dɔ we ’ko lɛ.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Misé 1:6

Maa dan Samari kɛlɛ lɛ gɔlɛ zun nya bwi gi; é dan kɛlɛ lɛ dɔrɔféi pana nya. Maa dan alé kɔndɔgɔlɛnu vuli lɛ gɔ worona; maa dan alé kɔn ganenu ma bɔra lɛ.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Misé 6:15

Ka dan fɛ vɔ lɛ yé ka ’ka dan a gyɛ lɛ lo; ka dan ɔlivinyɔnɔ kɛlɛ lɛ yé ka ’ka dan nyɔnɔ gié lɛ ka ma lo. Ka dan dɔrɔ boro lɛ yé ka ’ka dan a ’yi mini lɛ lo.

Sofoni 1:13

Munu é dan ’wii lɛ wolé fɛ zinnu ta, yé wo dan wolé kɔnnu sɛrɛ lɛ. Wo dan kɔnnu dɔ lɛ, naa, wo ’ka dan nyana lɛ wo gi monomono lo. Wo dan dɔrɔféinu pa lɛ, yé wo ’ka dan ana dɔrɔ mini lɛ é dɛrɛ lo.

Agajé 1:6

Ka ’sa kiɛre vɔa, ’té ka gya sɛ. Ka fɛ blé, ’té ka ’ka kaan lo. Ka ’yi minian, ’té ’yiminilɔrɔ ’ka sié ka ma lo. Sɔ a ka ta, ’té dunu ’ka sié ka ma lo. Nyanamapazan é ’é ban paan bala fɔnle gi yé é dia.

Malasi 1:4

Dé Édom a fe léé, ’wo sɛrɛ, ’wo dan fla pa lɛ a ’bin la, lai sunyanu lé Gakelebale léma: ’Wa pa ma, maa dan a zana lɛ, yé wo dan a laa lɛ wenaané kɛlɛtɛrɛ; munu lé Gakelebale bli éé flian wo ma yifaama, woo lé.

Bélidɔwesɛbɛ Fiézan 28:30

I dan le pu dɔ lɛ yé mi bɛ é dan yi gyɛ lɛ a va; i dan kɔn dɔ lɛ yé i ’ka dan nyana lɛ a gi lo; i dan dɔrɔféi pa lɛ yé i gi ’ka dan nana lɛ a poro ma lo.

SEBE LÉ JAK A GYE (Épitre de Jacques) 2:6

Yé ’kaa, ka a nyanégyɛzannu sɔnɔna. Fuanuan wo ke nyané pana ka ta loo? Woan wo ke ka ganana weble?-?kɔnnu ’léé loo?